Jérémie 31:34 - Ma Zhiklè

³⁴ Ngidè a slebda na nslamagi na azɓai, kramam ngiɗè a slebda na kramam na azɓai, a ngaɗa: Va-sun Ndo nzi pèc pè-cèk! Aman tengaʼa tèlèba ta da senyè, ko nkèshèa, ko mbiaʼa, Ndo nzi pèc pècèk a gaɗa. Te deɓaʼa i da pra ta mphömè ta, i da hér mali tengaʼa asaɓai.

Jérémie 31:34 ပူးပေါင်းရင်းမြစ်များ

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

Psaumes 25:7

Ka hur mali man i gau te gola ɓai! Heryè te pombi ngaya, Ndo nzi pèc pècèk, a géɗ ngi-amba ngaya.

Esaie 11:9

A géɗ za ga nkezláʼa tèlèba ta da gi skwi ambaɓiaʼa a skwi mphomaʼa azɓai. Aman herkeda tèlèba a sun Ndo nzi pèc pècèk, nʼndha a vna ara iyam man a hi a sam tèlèba.

Esaie 29:24

Ndohi man ta zlak ta te nhér gèɗ ta, di tengaʼa a da win na, a tengaʼa man ta gu ndzoan ngodzo-ngodzoʼa ta cè skwi man ndohi ta slebda ta.

Esaie 30:26

Te deɓaʼa skwi nhél sam kia, lèmèlèmè ara skwi nhèl sam pats. Skwi nhél sam pats ta ta mpats ngiɗè tsaraɗ, a pats staɗ a hél sam te di mʼmèn tsaraɗ; a pats man Ndo nzi pèc pècèk a da mèn mblè ndohi na, a pa na zungwa a va mpaslaʼa.

Esaie 33:24

Ndo man a gaɗa: i mbelakaɓai, az te kokwar ɓai. A ndohi te kokwar Jérusalem, mali tengaʼa mpraʼa.

Esaie 33:6

Ka da nzi ɓar-ɓararaʼa. Nshin skwai, verzi skwi mèshèlè mbél ndo. Zlau Ndo nzi pèc pècèk, skwi mèshèlè Sion.

Esaie 38:17

A vava, skwi man a dzay te ndav ɗekeɗekeʼa, a nʼngwoda na a gumai; ka ngskay a deɓa a ma vèvèɗ mʼmetsai, man i woya a i kèlèhi a pa. Ka wusheda mali ga tèlèba a deɓ ngaya.

Esaie 43:25

Iyè, i pana mali ngaya, a gèɗ ngaya ka ɓai, a gèɗ va ga; a i her mali ngaya te deɓaʼa asaɓai.

Esaie 44:22

I kalda mali ngaya ara vanai man kozlar a nkalda; i hela mphömè ngaya ara ndodok. Menkaɗa deɓa a sam ga; aman i sumka ka deɓa ma.

Esaie 52:6

Gar haha a pats nasa ndohi ga sèi ta shin nzlembaɗ ga, a ta suna, iyè, man i goda, i zhè.

Esaie 54:13

a wudahi ngaya tèlèba ta ndi a wudahi Ndo nzi pèc pècèk. Wudahi ngaya ta da wèl va kumba,

Jérémie 24:7

I da va ta ndav, aman ta senyè, i Ndo nzi pèc pècèk. Ta da gi a ndohi ga, a iyè, i ndi a Zhiklè ta, a ta da menkaɗa deɓa a sam ga a ndav tengaʼa tèlèba.

Jérémie 32:40

A i da derzlè ma a tengaʼa a mèdèp. I da dzadzar ta te pa pèc pècèk, aman i ga ta skwi man amba. I pra ta zlau ga a va, a ta jèkyè te deɓaʼa asaɓai.

Jérémie 33:8

I da pan ta te mali tengaʼa tèlèba, man ta gu mali a sam ga; i da pra ta mali tengaʼa tèlèba, man ta gu mali a sam ga, a ta jèkyè.

Jérémie 50:20

A pats nasa, te ndev nasa, Ndo nzi pèc pècèk a gaɗa, ta da woy mphömè Israel; aman nʼasaɓai. Ta da woy mali Juda; ta da ngècè asaɓai, te man i da pre ta, a njèkèɗi man i jèka ta.

Jérémie 9:23

Ndo nzi pèc pècèk a goɗ ar haha: Ndo maya da fu va a géɗ maya na ɓai! Ndo wuɗai da fu va a géɗ wuɗi na ɓai! Ndo mèshèlè da fu va a géɗ skwi mèshèlè nengaʼa ɓai!

Osée 2:20

A pats nasa i da dérzlè ma a nda skwi dak, ɗiak tʼhwaɗ giɗfèk, skwi ndè a hwaɗhai, a géɗ Israel. A i pasla lèkèɗ a tsakwal a i ndeva var tʼherkeda aman ta nzi a gumai.

Michée 7:18

Zhiklè, ngar ka wa? Man a keɗa na gèɗ dai a mphömè, a pra ta mali a ndohi nʼndi gi na, a gi ndav a mèdèp azɓai, aman a wuffè a mvi pombai.

Michée 7:19

Nga da sia te va zaʼa, a da kerɗda mali nga a hwaɗ sak na. Ka da wusheda mali nga tèlèba a drav iyam mbiaʼa.

Habakuk 2:14

Aman nshin nʼnjèl Ndo nzi pèc pècèk a da ndhè herkeda, ara iyam man a ndha te woyam mbiaʼa.

Matthew 11:27

Skwi tèlèba Bab ga a mvay a rai. Ndo ngiɗè a sun kra ɓai, sèi Bab kra a suna a vava. Ndo ngiɗè a sun bab kra ɓai, sèi kra a suna a vava, a ndohi man kra a ngreda ta.

Luke 1:77

a ka winè ta dai a ndohi na, aman ta rka skwi mʼmbel tengaʼa, a mali tengaʼa mpraʼa;

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

Jean 17:6

I ngreda ta nzlembaɗ ngaya a ndohi man ka vayè tʼherkeda. Tengaʼa a ngaya, a ka pay a iyè, a ta fu gèɗ a ma ngaya.

Jean 6:45

Ta Windo te ɗèlèwèr ndohi nhadka ma: Zhiklè a slebda ta tèlèba. Ndo man a tsena ma Zhiklè, a shindè ma nengaʼa, nengaʼa a shkè a sam ga.

Actes 10:43

Ndohi nhadka ma tèlèba ta gu malwuɗi a géɗ nengaʼa: te nzlembaɗ na mali ndohi tèlèba man ta co a ndav, mpraʼa.

2 Corinthians 2:10

A sam ndo man kin pra na malai, i ba i pra na mali na. Aman i ba, aman i pra malai, i praʼa, a géɗ kinè, a sam di Kristi,

2 Corinthians 4:6

Aman Zhiklè man a ngaɗa na skwi nhél sam: Hulko gèɗ auda te ruva! Nengaʼa a nhul sam te ndav nga, aman te nga, sam nhelaʼa a ngrédè auda, a nga slaha a nga shin nʼnjèl Zhiklè a sam di Yèsu Kristi.

Ephésiens 1:7

Yèsu a mpela gèɗ nga a Pombaz na, a mpra nga malai te pombi nengaʼa mbiaʼa,

1 Thessalonians 4:9

A géɗ mwoy kramama, nga winda kinè ma azɓai. Zhiklè a senda kinè a ri na, aman kin woy va kinè, ngiɗè da woy ngiɗè, ngiɗè da woy ngiɗè a ndav na.

Hébreux 5:12

Aman kinè, ar amba aman kinè ndohi njèngè ma; aman a woy sèi ndo da slebda kinè skwi nshè-lèkuraʼa te ma Zhiklè di zaʼa; da va kinè wa dai, ɗaf di ka ɓai.

Hébreux 8:11

Ko staɗ a di a njè na nslamagi na azɓai, a da gaɗa na kramam na azɓai: Sun Bi Zhiklè! Aman ta da senyè tèlèba, a hinè a sam nkèshèa, a ndè a ma ma a sam mbiaʼa ba.

Hébreux 8:12

Ta da siyè te va te skwi man ambaɓai man ta giaʼa, a i woya man i hér mali tengaʼa azɓai.

1 John 2:20

Aman kin ngots Mèzhèɓ Zhiklè, a kin nza te nengaʼa nkezlaʼa, a kin tèlèba kin sun ma nzuraʼa.

1 John 2:27

A Mèzhèɓ Zhiklè man kin ngotso te ri nengaʼa a nzi a sam kinè; ko man ndo ngiɗè a slebda kinè ɓai, Mèzhèɓ man kin ngotso a senda kinè skwi tèlèba, zuraʼa, ncèkèlma ka ɓai. Ara man Mèzhèɓ Zhiklè a senda kinè, va-nza te nengaʼa!

1 John 5:20

Aman nga suna, kra Zhiklè a mshkè, a mva nga maya, aman nga sun nengaʼa, man nzuraʼa a vava. Nga te nengaʼa man nzuraʼa a vava, te Yèsu Kristi, kra nengaʼa. Nengaʼa Zhiklè nzuraʼa, nengaʼa nshèffè a mèdèp.

I Samuel 2:12

Wudahi Eli, ndohi falihai. Ta fa na gèɗ a Ndo nzi pèc pècèk azɓai,