Jérémie 31:32 - Ma Zhiklè

³² Nderzlè-ma lèmèlèmè ara man a babhi ta ka ɓai, a pats man i hel ta, a i de ta auda te kokwar Egypte, tengaʼa man ta dzodzor nderzlè-ma ga ɓai, ko i bi ta, Ndo nzi pèc pècèk a gaɗa.

Jérémie 31:32 ပူးပေါင်းရင်းမြစ်များ

I Rois 8:9

Skwi ngiɗè a te koti ɓai, sèi kwa cèw man Moise a mpeda pa a der za Horeb, kwa nderzlè-ma man Ndo nzi pèc pècèk a nderzla a nda ndohi Israel, man ta shkè auda te kokwar Egypte.

Psaumes 73:23

Aman anai i nzi a sam ngaya pèc pècèk, ka gsyè te ri mandai.

Psaumes 78:37

a ndav tengaʼa ngso va a nengaʼa ɓai, a ta nza lèɓèslèa te nderzlè-ma nengaʼa ɓai.

Exode 19:5

Anai aman kin woy a kin tsena ma ga, a kin nzi te nderzlè-ma ga, te va ndohi a géɗ herkeda tèlèba, kinè ndohi ga, aman herkeda tèlè a ga.

Exode 32:8

Tsam-tsam ta jèkeda civèɗ man i ngra ta. Ta gau marai a ta tsu ri a nengaʼa, a ta zla na skwai, a ta gada: Na haha zhi-klèhi ngaya, Israel, tengaʼa man ta helka ka auda te kokwar Egypte!

Cantique des Cantiques 8:5

Nshkè te civèɗ hèshèkèɗ, a nda thè va a kra ndo na, wa? I piɗèkwud ka te verzi mbrom. A pa mam ngaya a nɗüsh va, nengaʼa man a ye ka.

Esaie 24:5

a géɗ man ndohi ta derɗe kokwar ta, ta tawaɗaha ma kita, ta dzadzara ma nkwèr ta ɓai, ta pra nderzlèma ta, man ta derzla a mèdèp.

Esaie 41:13

Aman iyè, Ndo nzi pèc pècèk, Zhiklè ngaya, man i gs ka te ri mandi ngaya, a i gaɗa ka: Ka gu zlau ɓai, i takaha ka.

Esaie 54:5

Nengaʼa man a nge ka, baki ngaya; nzlembaɗ na Zhiklè bi mbiaʼa, Zhiklè Israel nkezlaʼa, man a mbel ka. Ta baha na Zhiklè herkeda tèlèba.

Jérémie 11:3

Ka da gaɗa ta: Ndo nzi pèc pècèk, Zhiklè Israel, a goɗ ar haha: Ndo man a fi gèɗ a ma nderzlè-ma haha azɓai, da phomda!

Jérémie 11:4

Ma nderzlè-ma man i va ta babhi kinè a pats man i helka ta auda te kokwar Egypte, te gezla, a i gaɗa ta: Va-tsena ma ga, va-gu skwi haha tèlèba man i njè kinè, a kin gi a ndohi ga, a iyè i gi a Zhiklè kinè,

Jérémie 2:2

Do, njè ta ma a ndohi Jérusalem, a ka gaɗa ta: Ndo nzi pèc pècèk a goɗ ar haha: I hérèʼa, ara man kin woy Zhiklè te wudahai, a kin woy iyè ara medemai: Ara man kin dzadzarkayè tʼhèshèkèɗ, te herkeɗa man skwa a gi a pa azɓai.

Jérémie 22:9

A ta da gèɗèʼa: A géɗ man ta jèkeda nderzlè-ma Ndo nzi pèc pècèk, Zhiklè ta, a ta kalahi a deɓ sak vrihi a ta gu mizlinè ta.

Jérémie 3:14

Kinè ndohi man kin kwolyè, va-menkaɗa deɓa, Ndo nzi pèc pècèk a gaɗa. Iyè, i bi kinè, I woy a i cè staɗ staɗ te kokwar staɗ staɗ tèlèba, a i hilè te verzi kinè tèlèba cèw cèw, a i de kinè a kokwar Sion.

Jérémie 31:1

A pats nasa, Ndo nzi pèc pècèk a gaɗa, i gi a Zhiklè ndohi te verzi Israel tèlèba; a tengaʼa ta ndi a ndohi ga.

Jérémie 34:13

Iyè, i derzla ma a babhi kinè a pats man i helka ta auda te kokwar Egypte, te gi ɓèlè a i gaɗa:

Jérémie 34:14

Te deɓ mvi 7, kin da pre ta kramamhi kinè, ndohi Hébreu, man ta preda va ta a ma a sam kinè, a ta gu mizlinè kinè mvi 6 ma, auda te ɓèlè. Va-pre ta a sam kinè! Aman babhi kinè ta tsena ma ga ɓai, ta fa zlembaɗ ɓai.

Ezéchiel 16:8

A i beza a tsagi ngaya zaʼa, a i rka tiɗè sam man ta tsaka ka di ma, i kalda dawar ga a géɗ ngaya, a i nghede ka, man ka adai, a i mbaɗa ka, a nga derzla ma a ka, a ka gaʼa a skwi ga, Bi Zhiklè a gaɗa.

Ezéchiel 20:37

I woya aman ka bizhè a hwaɗ gaɗa ndo mɓer skwi ga, a i pe kinè a hwaɗ nderzlè-ma ga.

Ezéchiel 23:4

Nzlembaɗ tsuvomaʼa Ohola. Oholiba, demam na. Ta ara dalahi ga, a ta yu wudahi a dalahai. Nzlembaɗ ta Ohola, ara Samarie; a Oholiba ara Jérusalem.

Osée 11:1

Aman Israel a mvau a vata di ɓai, i woya kumba, a i bahka na kra ga auda te kokwar Egypte.

Osée 2:2

Te deɓaʼa ndohi Juda a ndohi Israel ta da humdè va, a ta da vi bi staɗgenè, a ta da ndha te kokwar. Nasa pats mbiaʼa a sam Jizreel.

Osée 3:1

Ndo nzi pèc pècèk a ngadayè zaʼa: Do, a ka woy ngwoz man a woy ndo ngidè, fali ngwoz, lèmèlèmè ara Ndo nzi pèc pècèk a woy ndohi Israel, a tengaʼa ta jèjèr zhiklèhi mbèh skwai a ta woy zamak.

Lèv. 26:15

aman kin kwola ma nkwèr ga, kin woya ma kita ga bai, a kin gi ara ma nkwèr ga tèlèba azbai, a kin prè nderzlè-ma ga aranta,

Marc 8:23

A Yèsu a ngso ri ndo mandazlai, a ndaʼa a der kokwar. Te deɓaʼa a nʼnga na slèslèɓ a dai, a mfa na ri a gèɗ, a ndzhoɗo: Ka rka skwi dè?

Jean 3:29

Ndo man a ngots medemai, nengaʼa ntsim na. Mandal ntsima a wuffè a vata, aman a tsena daʼai ntsima. Mwuffe ga aranta a zhè ma.

Actes 23:19

A bi sojè mbiaʼa a ngso te rai, a to do ta a sam ngiɗè a géɗ ta, a ndzhoɗo: Ma mè, man ka woy a ka gaɗayè?

2 Corinthians 11:2

Aman i gi srak a géɗ kinè a srak Zhiklè; i woya kinè a ntsim staɗgenè, Kristi; ara medemai man nsossur ɓai.

Deutéronome 1:31

ara man a gu tʼhèshèkèɗ, a wara kinè di a civèɗ tèlèba man kin beza a pa, ara bab kra man a wara na di a kra, ha kin ndikkaɗa haha.

Deutéronome 29:1

Na haha ma nderzlè-ma man Ndo nzi pèc pècèk a njè na a Moise, man a da va ta ndohi Israel te kokwar Moab, a va nderzlè-ma ngidè man a mva ta a der za Horeb.

Deutéronome 29:21

Ndo nzi pèc pècèk a da cè auda te va ndohi Israel tèlèba, a kèl-dèʼa a matakwan, ara ma mphömdè ndo te nderzlè-ma haha tèlèba, man a Windo te ɗèlèwèr ma kita haha.

Deutéronome 29:24

ndohi herkeda tèlèba ta da gaɗa: Ndo nzi pèc pècèk a ga na kokwar haha arsa èhèmè? Ndzoan mbiaʼa, shèwa mbiaʼa haha èhèmè?

Deutéronome 31:16

Ndo nzi pèc pècèk a ngaɗa na Moise: Na haha ka da metsi ngaya, a ka dè a va babhi ngaya. A ndohi haha ta da dè a ta da kèlèhi a deɓ sak zhiklèhi ngidè tsaɗ te kokwar man ta dè a pa. Ta da jèkyè, ta da gi mali a sam nderzlè-ma man i gu a nda ta.

Deutéronome 31:20

Aman i de ta ndohi haha a kokwar man i mbaɗa ta babhi tengaʼa i da va ta, kokwar man wa a vongwom a hi te pa, a ta da ndi skwi te pa a ta da ngeza hwaɗ, a ta gre ta. Te deɓaʼa ta da jèkyè, ta jèjèr zhiklèhi ngidè tsaɗ, ta tsi ri a tengaʼa. Ta da derɗyè, ta gi mali a sam nderzlè-ma ga.

Deutéronome 5:2

Ndo nzi pèc pècèk, Zhiklè nga, a nderzla ma a nda nga, a der za Horeb.

Deutéronome 5:3

A nderzla ma haha a nda babhi nga genè ka ɓai, aman a nda nga a haha ba, man nga zhè a nshèffè dai.

Hébreux 8:9

Ara nderzlè-ma mʼmovaʼa ka ɓai, man i gau a nda bababhi tengaʼa, a pats man i gs ta te rai, a i de ta auda te kokwar Egypte. Aman ta gsa va a nderzlè-ma ga ɓai: gar haha i fa ta gèɗ ɓai, Bi Zhiklè a gaɗa.