Jérémie 31:23 - Ma Zhiklè

²³ Zhiklè bi mbiaʼa, Zhiklè Israel, a goɗ ar haha: Ta da gèɗè te Juda, te kokwar nengaʼa, aman i da helka ta ɓèlèlihi a deɓa, ma haha: Sam nʼnzi ngi zuraʼa, Ndo nzi pèc pècèk da pshè ka ma! Za nkezlaʼa!

Jérémie 31:23 ပူးပေါင်းရင်းမြစ်များ

Psaumes 128:5

Halau, Ndo nzi pèc pècèk da pshè ka ma te Sion, a ka wuffè a géɗ manam Jérusalem a pats nshèffè ngaya tèlèba.

Psaumes 129:8

A ndohi man ta bizhè a pa ta pshè na ma a nzlembaɗ Ndo nzi pèc pècèk azɓai. Nga pshè kinè ma a nzlembaɗ Ndo nzi pèc pècèk, ta gèɗè azɓai.

Psaumes 134:3

Ndo nzi pèc pècèk da pshè kinè ma te Sion! Nengaʼa man a gau giɗfèk a herkeɗa.

Psaumes 28:9

Mbel ta ndohi ngaya, pshè ta ma ndohi nʼndi gi ngaya, war ta, takaha ta pèc pècèk!

Esaie 1:21

Kokwar nlèɓèslèʼa man a ngau skwi nzura tèlèba, nʼnde na a fali dam, kè! Ngi-zuraʼa a nʼnza te pa, anai ndohi nkede ndo ta nzi a pa.

Esaie 1:26

I woya a i pa kinè ndohi kita ara halaʼa, a i ngatsa kinè ndohi maya, ara man ta hünkodai. Te deɓaʼa ta da baha ka kokwar ngi-zuraʼa, kokwar nlèɓèslèʼa.

Esaie 11:9

A géɗ za ga nkezláʼa tèlèba ta da gi skwi ambaɓiaʼa a skwi mphomaʼa azɓai. Aman herkeda tèlèba a sun Ndo nzi pèc pècèk, nʼndha a vna ara iyam man a hi a sam tèlèba.

Esaie 32:16

Te deɓaʼa kita nzuraʼa a nzi tʼhèshèkèɗ, ngi-zuraʼa a nzi te gi dau.

Esaie 33:5

Ndo nzi pèc pècèk mbiaʼa, a nzi te zhiklè te géɗèʼa, a ndha Sion a ngi-zuraʼa, a kita zuraʼa.

Esaie 60:21

Ndohi kokwar ngaya tèlèba, ndohi nzuraʼa, ta co kokwar a mèdèp; tengaʼa skwi man a nftsa a sam ga, i gau a ri ga, aman a nzalyè.

Jérémie 29:14

Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 30:18

Ndo nzi pèc pècèk a gaɗa: Na haha i da helka ta ndohi ɓèlè te gi Jacob a deɓa, a gihi tengaʼa ta siyè te va. Ta da ɗèɗèy kokwar a pa, ta da gi gi bai a sam nhalaʼa.

Jérémie 32:44

Ta da shum gi dau a sulai, ta da windè ɗèlèwèr, a ta ndèda pa; a ndohi malwuɗihai ta gi malwuɗai a pa te kokwar Benjamin, a tsagi Jérusalem, te kokwar Juda, te kokwar te za, te kokwar te Shephela, te kokwar te dukwaɗ, a pats man i da helka ta ndohi ɓèlè tengaʼa a deɓa, Ndo nzi pèc pècèk a gaɗa.

Jérémie 50:7

Ko wawa man a ngats ta, ta nde ta ma, ndohi mayamhi ta, ta gaɗa: mali nga ka ɓai; a géɗ man ta gu mali a sam Zhiklè, sam nʼnzi ngi-zuraʼa, a sam Ndo nzi pèc pècèk, man babhi ta ta zhèrèʼa.

Abdias 1:17

Aman a géɗ za Sion, skwi mʼmbel ndo a zhè, skwi nkezlaʼa, a ndohi gi Jacob ta da minè a deɓa a kokwar ta.

Michée 4:1

Aman a pats nʼndikè-ma skwai, za man gi Zhiklè a nza a géɗèʼa, a nzi taraʼa, ngür nengaʼa a fena zahi ngiɗè, a ndohi herkeda kumba ta hi a pa.

Zacharie 8:3

Ndo nzi pèc pècèk a gaɗa: I dè deɓa a Sion, a i nzi a ndev kokwar Jérusalem. A ta baha na kokwar Jérusalem ‘kokwar nlèɓèslèa’, a za Zhiklè bi mbiaʼa ‘za nkezlaʼa’.

Ruth 2:4

Na haha, Boaz a shkè te man a civèd Bethléhem. A ngaɗa ta ndohi ntsi dau: Ndo nzi pèc pè-cèk da nza a nda kinè! A ta mbeɗa na a ma: Ndo nzi pèc pècèk da pshè ka ma!