Jérémie 31:19 - Ma Zhiklè

¹⁹ Te deɓ man i ngwoda ndav, i kuɗi a géɗ mali ga. Te deɓ man i sun mali ga, i pi ri a bazlazlam, i gi horai, gèɗ ga ndzakaɓa, hori gol ga a dai.

Jérémie 31:19 ပူးပေါင်းရင်းမြစ်များ

Esdras 9:6

a i gaɗa: Zhiklè ga, hori a dzay kumba, hori a keɗyè a vèvèd; i slaha a i pi di a zhiklè ɓai, Zhiklè ga! Skwi ambaɓiaʼa man nga gau a nge na a mbiaʼa a sam nga. Mali nga a ngre na a ma ma, ha a ndikè a géɗèʼa.

Job 13:26

A ka gay skwi ambaɓiaʼa, a ka fay mali man i goko te gola a gèɗ.

Job 20:11

Va nengaʼa ndaɓaraʼa ara gola, aman kala vèvèɗ a vna.

Psaumes 119:67

Ga ka manday gèɗ a hai, i zlak ga. Aman antanta i jèjèr ma ngaya.

Psaumes 25:7

Ka hur mali man i gau te gola ɓai! Heryè te pombi ngaya, Ndo nzi pèc pècèk, a géɗ ngi-amba ngaya.

Esaie 54:4

Ka gu zlau ɓai, ka da ngècè hori a di azɓai; ka hur gèɗ ɓai, ka da gi hori azɓai. Hori ngaya man ka bidalai, a da pca ka a gèɗ. Matakwan ngaya man ka ngwoz mazai ka da hérè azɓai.

Jérémie 22:21

I gaɗa ka a pats man ka wèl va dai, a ka gaɗa: i cinè azɓai. Ka gu arsa te gol ngaya, ka tsena ma ga ɓai.

Jérémie 3:25

Gar haha ngo-nzokoya a ngo-cokoy hori ga, hori da pa nga a dai! Aman nga gu malai a sam Ndo nzi pèc pècèk, Zhiklè nga, nga a babhi nga, daga man nga kra, ha patsna, a nga fu zlembaɗ a ma Ndo nzi pèc pècèk, Zhiklè nga ɓai.

Jérémie 32:30

Aman ndohi Israel a ndohi Juda ta gay skwi man ambaɓai a sam di ga, te gol ta. Ndohi Israel ta pokoy gèɗ auda genè, ta pokoy gèɗ auda genè, a skwi man ta gau a ri ta, Ndo nzi pèc pècèk a gaɗa.

Ezéchiel 21:12

Aman ta da gaɗa ka: Ka sakat ngaya èhèmè? Ka gaɗa: A géɗ ma man i tsenaʼa. Aman a da gi arsa, ndav ndohi tèlèba a da mbéɗ na, ri tèlèba a wushahai, tukwal a te ndav ta bai, gur-mbèzh a ndi na. Na haha a shkè, na zhè ma, Bi Zhiklè Ndo nzi pèc pècèk a gaɗa.

Ezéchiel 21:17

Ka ndo, tsu lalau, gu wobau, aman a shkè a géɗ ndohi ga, a géɗ tsuvomhi Israel tèlèba, a bazl ta a nda ndohi ga tèlèba. Gar haha peda ri a gèɗ!

Ezéchiel 23:3

Ta gu mphömè te Egypte, ta hüno mphömè te dalai. Te pa ta bertsama ta wa.

Ezéchiel 36:26

I da va kinè ndav mɓuaʼa a mèzhèɓ mɓuaʼa a ndav kinè. I da cè ndav man ngwora ara kwa auda te va kinè, a i va kinè ndav man ara gwoli va kinè.

Ezéchiel 36:31

Te deɓaʼa kin da hér civèɗ kinè man ambaɓai, a skwi man ambaɓiaʼa man kin gau a ndara kinè, a géɗ mali kinè a skwi hori man kin gau.

Ezéchiel 6:9

Ndohi kinè man ta da mbél ta, ta da héryè te ndev ndohi nte deɓa, te kokwar man i de ta a pa, man i gedassama ta ndav man a hér mʼmbèh skwai a ta kwolyè, a i gedassa di ta man ta wèr vri a mʼmbèh skwi a vna. Skwi man ambaɓi tèlèba man ta gau, man ta gu skwi hori a sam ga, a da ndara ta;

Zacharie 12:10

A i bèdè mèzhèɓ pombai a mèzhèɓ ntsi rai a hai a géɗ ndohi gi David, a géɗ ndohi Jérusalem, a ta pi di a nengaʼa man ta tuzo, a ta kuɗiaʼa, ara man ta kuɗi kra nstaɗaʼa. Ta kuɗi tsek-tsekaʼa, ara man ta kuɗi tsuvom kra.

Luke 15:30

Aman antanta kra ngaya a mshkè a deɓa, a nʼndeva skwi na tèlèba a falai, ka keɗa na kra-zlè ngraʼa.

Luke 18:13

A ndo ncèkèlè skwai a nzlatsa dra, a woya a nce gèɗ a zhiklè ɓai, a mpeda ri a ndav, a ngaɗa: Zhiklè, i da se ka te va, i ndo malai!

Romans 6:21

Skwi mar antanta kin gi hori a géɗèʼa. Aman nʼndikèma nengaʼa, mʼmetsai.

Deutéronome 30:2

aman ka da menkada deɓa a sam Ndo nzi pèc pècèk, Zhiklè ngaya, a ka fi gèɗ a daʼai nengaʼa, a ndav ngaya tèlèba, a nshèffè ngaya tèlèba, ki nè a wudahi ngaya, ara ma tèlèba man i njè ka a patsna,

2 Timothy 2:25

a ngatsa ta maya a ndav nlüɓekwaʼa a ndohi man ta Sala na va a dai. A zhèrè te ndav, wa ngiɗè ba Zhiklè a takaha ta a ta ngwèdè ndav ta genè, a ta shin ma nzuraʼa;