Jérémie 31:14 - Ma Zhiklè

¹⁴ Ndohi mvi skwi a Zhiklè ta ngézhè a mbeza, a ndohi ga ta wèl va te mpshè ma ga, Ndo nzi pèc pècèk a gaɗa.

Jérémie 31:14 ပူးပေါင်းရင်းမြစ်များ

II Chroniques 6:41

Anai Ndo nzi pèc pècèk, Zhiklè, slambaɗa, washkè a sam nshèk va ngaya, kinè a koti bi ngaya. Ndohi mvi skwi a ka, Ndo nzi pèc pècèk Zhiklè, da feda skwi mʼmbel ndo a va ara maslaka, a ndohi ngaya man ka woy ta ta wuffè a géɗ manam.

Néhémie 10:39

Ndohi Israel ta da feda dau a iyam nyi wof a mbar man ta tsakalaʼa, a gi sa. Ko kolongwi nkezlaʼa, man ndohi mvi skwi a Zhiklè, ndohi mɓer ntamagai, ndohi nfi dimèsh, ta gi mizlinè a vna, ta zhè a pa. Nga woy a nga gi wudar a géɗ gi Zhiklè nga ɓai.

Psaumes 107:9

A ngu aman ndav ta langlangaʼa, a ndav ta ntasla latsatsaʼa.

Psaumes 132:16

A ndohi mvi skwi a Zhiklè i da va ta skwi mʼmbel ndo ara maslaka a va, a ndohi nengaʼa ta hèzlèwè a mwuffè.

Psaumes 132:9

Ndohi mvi skwi a Zhiklè da pu ngi-zuraʼa a va ara maslaka, ndohi ngaya da wuffa!

Psaumes 17:15

Aman iyè, i woy a i rka di ngaya te ngi-zuraʼa; i woy a i rka di ngaya a prèk, man i piɗèkwa ma, a menay a va.

Psaumes 36:8

Zhiklè, pombi ngaya a jènaha nga, ndohi herkeda ta nghédè va tʼhwaɗ kelpasl ngaya.

Psaumes 63:2

Bi Zhiklè, ka Zhiklè ga, i woy ka. Ndav ga a zhèr ka, va ga a woy ka, ara gi dau ngworaʼa a woy iyam,

Psaumes 63:5

Gar haha i woy a i shida ka gèɗ, ha nshèffè ga a ndev na, a i woy a i zlècèdè ri ga a i bèhè nzlembaɗ ngaya.

Psaumes 63:6

Ndav ga a wuffè, ara hwaɗ man a ngeza a skwi ngraʼa a ma ga a nzal ka a dimèsh.

Psaumes 65:4

Skwi man ambaɓai man nga giaʼa, man a fena wuɗi nga, mali nga, ka ka prèʼa.

Psaumes 85:13

Ndo nzi pèc pècèk a vi pombai, a herkeda nga agi skwai.

Psaumes 90:14

Va nga pombi ngaya a nciɗ sam a nciɗ sam, a nga wuffè a nga gi langlangaʼa a pats nshèffè nga tèlèba.

Cantique des Cantiques 5:1

Demam ga, nshib ga, i shkè a gi lak ga; i ngèl mwurzhè man a zhkè, a i pèr vahaʼa man a zhkè, a i ndu vongwom ga a ɗazliaʼa, a i su zom a wa. Kinè mandalahi ga, va-ndau, va-sau, ha a ngeza kinè te mwoy dam.

Esaie 25:6

Zhiklè bi mbiaʼa a da tila ta movar a ndohi herkeda tèlèba a géɗ za haha, skwi nʼndi ngraʼa, barassa nva a gai, skwi nʼndi laɓdekdekaʼa, barassa nva a gai, nɗizhèʼa.

Esaie 61:6

Aman kinè, ta baha kinè ndohi mvi skwi a Ndo nzi pèc pècèk. Ta da baha kinè ndohi mizlinè Zhiklè nga. Kin wèl va a skwi mèshèlè ndohi herkeda, a kin jégèr va a nʼnjèl tengaʼa.

Jérémie 31:25

Aman ndav ndohi tèlèba i ga latsatsaʼa, a ndav tèlèba man nʼngeza, i pa ta a pa a ndav.

Jérémie 33:9

Kokwar a da gi a sam ga a skwi man i wuffè a géɗèʼa, a skwi nslébèrdèʼa, a skwi nʼnjèlè, a sam ndohi herkeda tèlèba man ta da tsena ma manam man i va na; ta da gi zlau, ta gudzai, man ta rka manam a gumai man i va na.

Jérémie 50:19

Te deɓaʼa i da helka ta ndohi Israel a deɓa a sam nʼnzi ta. Ta da ndi mandai te Carmel, te Basan, te za Ephraim, te Galaad, a ta da ngeza hwaɗ.

Ezéchiel 34:14

I da war ta a sam nɗaʼa, mandi ta a géɗ za Israel mbiaʼa. Sèi ta mènè a pa a sam mandi mbelaʼa, a ta ndi skwi mbelaʼa a géɗ za Israel.

Aggée 2:19

Tser dau a zhè te wov ɗè? Gi lak, wof kslor, wof ngurɗyök, wof tsna, ta yi skwi ɗè? Aman a hinè a patsna, i da pshè ta ma.

Matthew 5:6

Mwuffè a sam ndohi man ngi-zuraʼa a zle ta, ara skwi nʼndai, ara iyam nsai; aman sèi ta da ngézhèʼa.

Ephésiens 1:3

Nga shid gèɗ a Zhiklè, Bab Bi nga Yèsu Kristi, aman a pshè nga ma te Kristi, a va nga skwi Mèzhèɓ man a Zhiklè tsaɗ tsaɗ.

Ephésiens 3:19

a kin shin mwoy-ndo Kristi, man a fena skwi man ndohi ta slaha a ta shinèʼa – a kin ndhaʼa a skwi man a zhè te Zhiklè tèlèba.

Deutéronome 33:23

A goɗ a géɗ Nephthali: Nephthali a nʼngots mpshè ma kumba a pombi kumba a sam Ndo nzi pèc pècèk, srafsraffaʼa. A kwèr iyam mbiaʼa a herkeda te civèɗ dukwaɗ.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

Apocalypse 5:10

a ka ge ta a bihai, a ndohi mvi skwi a Zhiklè, a sam Zhiklè nga, a ta da gi bi a géɗ herkeda.