Jérémie 31:13 - Ma Zhiklè

¹³ Te deɓaʼa bidalihai ta woy ngècè, golahi a babgihi ba ta woy a ta wuffè. I da bid ta, i da va ta mwuffè te deɓ kuɗa.

Jérémie 31:13 ပူးပေါင်းရင်းမြစ်များ

Esdras 6:22

Ta gu ngolala, ta wuffè te ngolala movar man skwi nshègèrè a te di ɓai, mʼmèn tsaraɗ, te man Ndo nzi pèc pècèk a wuffeda ndav ta, a ngwodko ndav bi Assyrie a sam ta, aman a takaha ta kumba a sam mizlinè nrèm gi Zhiklè Israel.

Néhémie 12:27

A pats ngolala nrufa zlazlar Jérusalem, ta baha ta ndohi Lévi a sam tèlèba man ta nza a pa, aman ta shkè Jérusalem, a ta gi ngolala nrufa zlazlar, a mwuffe, a nshid gèɗ, a dimèsh, a dasal, a tèzlèzlèu, a ganzavar.

Néhémie 12:43

A pats nasa ta va na skwi a Zhiklè a vata, ta wuffè, a géɗ man Zhiklè a mva ta mwuffè a ndav. Ngwozi ba a wudahi ba ta wuffè, nhèzlèwè m wuffè Jérusalem a cinè dra.

Esther 9:22

Nasa pats man ndohi Juif ta ngots nshèk va, a ta fen ta mayamhi tengaʼa, a kia man nlèyè tengaʼa a nʼngwode na a mwuffè, a kuɗa a nʼngwode na a dimèsh mwuffe. Sei ta gia a pats ngolala, a pats mwuffè, a ta zlündo skwi mbalai a va ta, a ta va ta skwi a ndohi ntawassaʼa.

Psaumes 126:5

Tengaʼa man ta zlekai a kuɗa a dai, ta da ɓicè skwi a mwuffè.

Psaumes 148:12

golahai a dalahai tèlèba, a babgihai a wudahi ba!

Psaumes 149:3

Sèi ta shid gèɗ a nzlembaɗ nengaʼa te ngècè; sèi ta sli dimèsh a géɗ nengaʼa a tèzlèzlèu a ganzavar.

Psaumes 30:11

Ndo nzi pèc pècèk, tsenaʼa, i da se ka te va! Ndo nzi pèc pècèk, takahayè!

Esaie 12:1

A pats nasa ka da gada: Ndo nzi pèc pècèk, i shida ka gèɗ! Ka gu ndav a géɗ ga, te deɓaʼa ka jèkeda ngi ndav, a ka bidyè.

Esaie 35:10

a ndohi man Zhiklè a mpreka ta auda, ta menkaɗa deɓa a ngwi a Sion. Ta hèzlèwè, a mwuffè a hela ta te di dzayaʼa, man a ndiv azɓi a mèdèp. Mwuffè a pombai a feda ta ma; matakwan a nlèyè ta kal ta.

Esaie 51:11

Ndohi man Ndo nzi pèc pècèk a mpreka ta auda, ta da shkè a deɓa a ngwai, a deɓa a kokwar Sion, a ta sli di-mèsh, a wuffede ta a mèdèp. Mwuffë a nwèl va ta da zhè a sam ta; matakwan a nlèyè klèng.

Esaie 51:3

Aman Sion a si Ndo nzi pèc pècèk te va, a gi man mʼmbeɗ na te pa a sia te va; a nʼngwoda tazli hèshèkèɗ nengaʼa a gi lak Eden, a dak nengaʼa a gi lak Ndo nzi pèc pècèk. Ta wuffè a ta wèl va te pa, ta sli dimèsh a ta shid gèɗ.

Esaie 60:20

Pats ngaya a da kèlè azɓai, kia a dè ruva azɓai. Aman Ndo nzi pèc pècèk, skwi nhél sam ngaya a mèdèp, nlèyè ngaya klèng ma.

Esaie 61:2

a i njè mvi Ndo nzi pèc pècèk man amba, pats man Zhiklè a jhèɗè skwi mpil gèɗ, a bid ta ndohi tèlèba man ta kuɗai.

Esaie 61:3

A ta ngècè mpèɗè gèɗ te di man a mèrwèc, mbar a va te di man a maslaká sam kuɗa, dimèsh te di man a nlèyè, a ta baha ta ‘wof ngi-zuraʼa’, ‘gi lak Ndo nzi pèc pècèk’, man a nzala va na a vna.

Jérémie 31:4

I da ɗaɗay ka, a ka ɗaɗaya, bidali te Israel. Ka da ngècè mwuffè a ka tsi tèzlèzlèu, ka da shkè auda a verzi ndohi ngècè man ta ngwèshè.

Jérémie 33:11

ta da cinè ma mwuffè a dimèsh te pa dai, ma ntsima a ma medemai, daʼai man a gaɗa: Va-slubordo Ndo nzi pèc pècèk, Zhiklè bi mbiaʼa, aman nengaʼa amba, Ndo nzi pèc pècèk, aman pombi nengaʼa a nzi a mèdèp! Daʼai tengaʼa man ta slébèrdè Zhiklè te gi Ndo nzi pèc pècèk, te man i da helka ta ndohi ɓèlè a deɓa te kokwar, ara halaʼa, Ndo nzi pèc pècèk a gaɗa.

Zacharie 8:19

Zhiklè bi mbiaʼa a goɗ ar haha: Njèkè skwi nʼndai a ki mafaɗaʼa, mazlamaʼa, matsaraɗaʼa, makulaʼa, da gu a skwi mwuffè a sam ndohi gi Juda, a ngolala mwuffè. Gar haha va-woy ma nzuraʼa, va-woy gumai!

Jean 16:22

Kinè ba, antanta kin lèyè te ndav kinè. Aman nga da ngècè va zaʼa, a ndav kinè a da wuffè, ndo ngiɗè a da cè mwuffè auda te ndav kinè azɓai.

Juges 21:21

Aman kin rka ta dalahi Silo ta shkè auda te kokwar, a ta gècè a ta sli dimèsh, va-hakaɗauda a kin gs ta dalahi Silo, staɗ staɗ dem staɗ, va-hel ta a kokwar Benjamin a ngwoz!