Jérémie 30:18 - Ma Zhiklè

¹⁸ Ndo nzi pèc pècèk a gaɗa: Na haha i da helka ta ndohi ɓèlè te gi Jacob a deɓa, a gihi tengaʼa ta siyè te va. Ta da ɗèɗèy kokwar a pa, ta da gi gi bai a sam nhalaʼa.

Jérémie 30:18 ပူးပေါင်းရင်းမြစ်များ

I Chroniques 29:1

Bi David a ngaɗa ta mpi ndohi tèlèba: Salomon, kra ga, man Zhiklè a nʼngotskoɗauda, wudahi dai, nshfa di ɓai, mizlinè haha mbiaʼa, a géɗ man gi ndo ka ɓai, gi Ndo nzi pèc pècèk, Zhiklè.

I Chroniques 29:19

A Salomon, kra ga, va na ndav man a pi gèɗ cèw azɓai, man a jèjèr ma nkwèr ngaya, ma malwuɗi ngaya, ma ngaya man a de nga, a nrufa tèlèba, a rèm gi Zhiklè man i tilda skwi a hi a gèɗ nengaʼa!

Néhémie 7:4

Sam kokwar mbiaʼa, te tsagi cèw ba, a ndohi nʼnza a kokwar ta az a vata ɓai. Ta rama gi ta a pa di ɓai.

Psaumes 102:13

Aman ka, Ndo nzi pèc pècèk, ka nzi a géɗ sam nʼnzi bai a mèdèp. Ndohi te verzi wud wuda ta hér ka a ma ma.

Psaumes 102:14

Ka da slèmbèɗè, Sion a da se ka te va. Tiɗè sama ma, patsa azhè aman ka va na pombai.

Psaumes 122:7

Gumi da zhè tʼhwaɗ zlazlar ngaya, a ndohi te gi bi ngaya, skwa da ga ta ɓai!

Psaumes 48:13

Va-tèuda Sion a pa, vo-do a dalmagi nengaʼa, a kin ngra gi ngur-gurèa nengaʼa!

Psaumes 48:3

za nturzloluhaʼa man amba, man herkeda tèlèba a wuffè a géɗ nengaʼa, te civèɗ man a tsagai, za Sion, nasa kokwar bi mbiaʼa.

Psaumes 78:69

A nrom sam nengaʼa nkezlaʼa a géɗèʼa, a nɗizlèʼa ara herkeda man a zhè a mèdèp.

Psaumes 85:1

Psaume ndohi Koré.

Esaie 44:26

I nzala ma ɓèl ga, a i gi ara man ndohi sak ga ta goɗo. I gaɗa na Jérusalem: Ndo da nza a pa! I gaɗa ta kokwarhi Juda: Da ram kinè zaʼa! Gi man mʼmbeɗ na, da ɗaɗayda pa!

Esaie 44:28

I gaɗa na Cyrus: Ndo mɓer skwi ga! Da rufa skwi than i woya tèlèba! I gaɗa na Jérusalem: Da ram ka zaʼa! A géɗ gi Zhiklè: Da ɗaɗayda pa!

Jérémie 23:3

Aman iyè, i da ɓicka ta njèkèdi ndohi ga te verzi herkeda, a sam man i dzam ta a pa, a i da helka ta a deɓa a sam nʼnzi ta. Ta da yi wuda, a ta mènè a vata.

Jérémie 29:11

Aman iyè, i sun skwi man i hérè a géɗ kinè, Ndo nzi pèc pècèk a gaɗa; i hér gumai, matakwan ka ɓai; a i va kinè nshèffè a ma ma, a nzhèr skwi te ndav.

Jérémie 29:14

Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 30:3

aman patsaʼa a di a shkè, Ndo nzi pèc pècèk a gaɗa, man i da helka ta ndohi ga, man ta te ɓèlè, Israel a Juda, a deɓa a kokwar man i va ta babhi ta, a gi a skwi ta, Ndo nzi pèc pècèk a gaɗa.

Jérémie 31:23

Zhiklè bi mbiaʼa, Zhiklè Israel, a goɗ ar haha: Ta da gèɗè te Juda, te kokwar nengaʼa, aman i da helka ta ɓèlèlihi a deɓa, ma haha: Sam nʼnzi ngi zuraʼa, Ndo nzi pèc pècèk da pshè ka ma! Za nkezlaʼa!

Jérémie 31:38

Ndo nzi pèc pècèk a gaɗa: Pats ngiɗè dai, kokwar nɗaɗaya a pa zaʼa, a géɗ Ndo nzi pèc pècèk. A hinè a sam gi ngurèa man a Hananel, ha ndè a sam ntamagi kokwar ‘Zlogom’.

Jérémie 31:4

I da ɗaɗay ka, a ka ɗaɗaya, bidali te Israel. Ka da ngècè mwuffè a ka tsi tèzlèzlèu, ka da shkè auda a verzi ndohi ngècè man ta ngwèshè.

Jérémie 31:40

Te deɓaʼa slrats nʼndha a nckondohai a mèrwèc. Herkeda tèlèba, ha ndè a sam woyam Cédron, ha ndè a sam nderzlè ntamagi ‘plèsh’ te civèɗ mvèng pats, a gi a skwi nkezlaʼa man a Ndo nzi pèc pècèk. Ndo a da mbedè te deɓaʼa asaɓai, ndo a da gédèshè te deɓaʼa asaɓai.

Jérémie 32:15

Aman Zhiklè bi mbiaʼa, Zhiklè Israel, a gaɗa: Te kokwar haha ta da shum gi ndohai, gi dau, a gi lak dai!

Jérémie 32:44

Ta da shum gi dau a sulai, ta da windè ɗèlèwèr, a ta ndèda pa; a ndohi malwuɗihai ta gi malwuɗai a pa te kokwar Benjamin, a tsagi Jérusalem, te kokwar Juda, te kokwar te za, te kokwar te Shephela, te kokwar te dukwaɗ, a pats man i da helka ta ndohi ɓèlè tengaʼa a deɓa, Ndo nzi pèc pècèk a gaɗa.

Jérémie 33:11

ta da cinè ma mwuffè a dimèsh te pa dai, ma ntsima a ma medemai, daʼai man a gaɗa: Va-slubordo Ndo nzi pèc pècèk, Zhiklè bi mbiaʼa, aman nengaʼa amba, Ndo nzi pèc pècèk, aman pombi nengaʼa a nzi a mèdèp! Daʼai tengaʼa man ta slébèrdè Zhiklè te gi Ndo nzi pèc pècèk, te man i da helka ta ndohi ɓèlè a deɓa te kokwar, ara halaʼa, Ndo nzi pèc pècèk a gaɗa.

Jérémie 33:7

I da helka ta ndohi ɓèlè te Juda, a ndohi ɓèlè te Israel, a deɓa; i da til ta zaʼa ara halaʼa.

Jérémie 46:27

Aman ka, ka gu zlau ɓai, Jacob, ɓèl ga, ka gudzu ɓai, Israel. Na haha i mbel ka, ko ka dra; a ndohi te verzi ngaya, te kokwar man kinè te pa te ɓèlè. Jacob a di a shkè deɓa, a nzi a gumai, skwa a da ga na azɓai, ndo a da pra na zlau a va azɓai.

Jérémie 49:39

Aman te deɓaʼa, a pats ndikèma skwai, i da helka ta ndohi ɓèlè Elam a deɓa, Ndo nzi pèc pècèk a gaɗa.

Jérémie 49:6

Aman te deɓ nengaʼa i da helka ta ndohi ɓèlè Ammon a deɓa, Ndo nzi pèc pècèk a gaɗa.

Ezéchiel 36:11

I gi aman ndohi a skwi kuɗom ta mènè a vata. Ta zlèzlè-mè a ma ma, a ta yi wuda. I da ge kinè kumba ara halaʼa, i da ga kinè skwi man amba a fena nshèlèkuraʼa; a kin da suna, i Ndo nzi pèc pècèk.

Amos 9:14

Te deɓaʼa, i da helka ta ndohi Israel, ndohi ga, a deɓa te ɓèlè. Ta da ɗaɗaya kokwar ngedassaʼa a ta nzi a pa zaʼa, a ta gi gi wof barassa, a ta ngècè barassa ta te pa, a ta gi gi dau, a ta ngècè skwi nʼndi ta te pa.

Zacharie 1:12

Gol Ndo nzi pèc pècèk a ngaɗa: Zhiklè bi mbiaʼa, Jérusalem a kokwarhi Juda ta da se ka te va a ngèmè? Ka gu ndav a géɗ tengaʼa mvi 70 ma.

Zacharie 1:16

Gar haha Ndo nzi pèc pècèk a gaɗa: Jérusalem a siyè te va zaʼa. Ta da rèm gi ga te pa zaʼa, ta da liv ma kuma nengaʼa zaʼa. Zhiklè bi mbiaʼa a gaɗa.

Zacharie 12:6

A pats nasa i ge ta ndohi Juda ara skwi nvècè vogwa ntsamaʼa, ara skwi ntiv vogwa te va pandar, a ta nde ta ndohi herkeda te civèɗ ri mandai, te civèɗ ri gula, tèlèba a ma. Aman Jérusalem a da nzi a samaʼa.

Zacharie 12:7

Nshèlèkuraʼa Ndo nzi pèc pècèk a da mbel ta ndohi gi Juda; a ndohi gi David a ndohi gi Jérusalem ta fi va asaɓai, a ta gèɗè asaɓai: nga fena Juda.

Zacharie 14:10

Kokwar tèlèba a ndi a dalbara, a hinè te Guéba, ha ndè Rimmon, te tsagi Jérusalem. Kokwar a nzi falawaʼa a samaʼa, a hinè a ntamagi Benjamin, a tsoko gèɗ auda a ntamagi zlèzlèʼa, a ntamagi man ta derzla gèɗ a pa, a sam gi ngurèʼa Hananeel a ndè a klok bai.