Jérémie 30:10 - Ma Zhiklè

¹⁰ Aman ka, ka gu zlau ɓai, Jacob, ɓèl ga, Ndo nzi pèc pècèk a gaɗa. Israel, ka gudzu ɓai, aman i da mbelka ka dra, i da mbel ta ndohi te verzi ngaya te kokwar man ta te ɓèlè. Jacob a di a shkè deɓa, a nzi a gumai, skwa a ga na azɓai, ndo a pra na zlau a va azɓai.

Jérémie 30:10 ပူးပေါင်းရင်းမြစ်များ

Genèse 15:1

Te deɓaʼa Ndo nzi pèc pècèk a ngaɗa na Abram te nshunè: Abram, ka gu zlau bai, i gambar ngaya. Skwi ntul ngaya mbiaʼa a zhè a ma.

Esaie 14:3

Aman Ndo nzi pèc pècèk a da va ka nshèk va te skwi ngaya mwuɗitpa, te matakwan ngaya, a géɗ mizlinè ɓèl ngaya man wuɗitpa man ta ga ka matakwan ɓèlè a vna.

Esaie 35:9

Ma-rizhèlè a te pa ɓai, skwi dak a bizhè a pa azɓai, kin zli gèɗ a skwi dak te pa azɓai. Sèi ndohi man Zhiklè a sumka ta a deɓa, ta bizhè a pa,

Esaie 43:5

Ka gu zlau ɓai; aman i zhè a sam ngaya. I da mendeka ta ndohi te verzi ngaya a deɓa te civèɗ mvèng pats, a i da ɓicka ta te civèɗ nkèl pats.

Esaie 44:1

Aman anai, Jacob, ɓèl ga, a Israel, man i ngotskodauda, va-tse-naʼa!

Esaie 44:2

Ndo nzi pèc pècèk, man a nge ka, man a fe ka a hwaɗ mam ngaya, nengaʼa man a takaha ka, a gaɗa ka: ka gu zlau ɓai, Jacob, ɓèl ga, a Israel, man i ngotskoɗauda.

Esaie 46:11

I baha na ndo man ara mangayak te verzi gai, a i gi skwi a vna ara man i huro. Aman i goɗo, a shkè; i huro, a i gi arsa.

Esaie 46:13

I herda kinè skwi mʼmbel ndo a tsagi ma, az dra ɓai. Skwi mʼmbel ndo ga a goko ndodoh azɓai. I va na skwi mʼmbel ndo a Israel te Sion, a Israel, nʼnjèl ga.

Esaie 49:12

Na haha ndohi ngiɗè ta shkè dra, ndohi ngiɗè ta shkè te civèɗ man a géɗèʼa, te civèɗ dukwaɗ, ndohi ngiɗè te kokwar ndohi Sinim.

Esaie 49:25

Ndo nzi pèc pècèk a gaɗa: Ko gar haha, i da ngezlama ta ɓèlèlihi te ri ngul-ndo; a skwi man ndo mbiaʼa a ngso, a hi na. Iyè, man nga bèzl va a ndo mayam ngaya; iyè man i da mbel ta wudahi ngaya.

Esaie 54:4

Ka gu zlau ɓai, ka da ngècè hori a di azɓai; ka hur gèɗ ɓai, ka da gi hori azɓai. Hori ngaya man ka bidalai, a da pca ka a gèɗ. Matakwan ngaya man ka ngwoz mazai ka da hérè azɓai.

Jérémie 23:3

Aman iyè, i da ɓicka ta njèkèdi ndohi ga te verzi herkeda, a sam man i dzam ta a pa, a i da helka ta a deɓa a sam nʼnzi ta. Ta da yi wuda, a ta mènè a vata.

Jérémie 23:4

I da va ta ndohi mɓer ndohai man ta war ta: ta da gi zlau asaɓai, skwa a pra ta zlau a va asaɓai, ndo man a ze na ba, azɓai, Ndo nzi pèc pècèk a gaɗa.

Jérémie 23:6

A pats man a da gi bai, Juda a mbel na, Israel a nzi a gumai. Ta da baha na a nzlembaɗ: Ndo nzi pèc pècèk, ngi-zura nga.

Jérémie 23:8

Aman ta gèɗè: Ndo nzi pèc pècèk a zhè a nshèffè, nengaʼa man a nhelka ta ndohi te verzi Israel auda te kokwar te man a géɗèʼa, te kokwar tèlèba man a dzam ta a pa, a ta da nzi a herkeda ta.

Jérémie 29:11

Aman iyè, i sun skwi man i hérè a géɗ kinè, Ndo nzi pèc pècèk a gaɗa; i hér gumai, matakwan ka ɓai; a i va kinè nshèffè a ma ma, a nzhèr skwi te ndav.

Jérémie 29:14

Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 3:18

Te ndev nasa ndohi Juda ta da humdè va ta a ndohi Israel, a ta tsokolko va ta a deɓa te kokwar te man a géɗèʼa, a ta dè a kokwar man i va ta babhi ta a skwi nʼndi gi ta.

Jérémie 30:3

aman patsaʼa a di a shkè, Ndo nzi pèc pècèk a gaɗa, man i da helka ta ndohi ga, man ta te ɓèlè, Israel a Juda, a deɓa a kokwar man i va ta babhi ta, a gi a skwi ta, Ndo nzi pèc pècèk a gaɗa.

Jérémie 30:7

Wobau! Pats mbiaʼa, ngiɗè ngar nengaʼa azɓai! Nlèyè mbiaʼa a sam Jacob; aman nengaʼa a da shkè auda te pa, a di a mbelda auda te pa.

Jérémie 33:16

A pats nasa Juda a dè mbél na, a Jérusalem a da nzi a gumai; ta da va na nzlembaɗ: Ndo nzi pèc pècèk, ngi-zura nga.

Ezéchiel 16:52

Co hori ngaya, man ka gu malai a fena demamhi ngaya! Ta gi skwi nzuraʼa a fena ka. Gu horai, co hori ngaya; demamhi ngaya a tsagai ara ndohi nzuraʼa!

Ezéchiel 38:11

Ka da gaɗa: I dè a i gi var a kokwar man nʼngal te pa ɓai, i dè a sam ndohi gumai man ta nzi amba amba. Ta tèlèba, zlazlar ta azɓai, skwi mɓèr ntamagi a ntamagi kokwar azɓai.

Daniel 12:1

Te ndev nasa, Micael, bigol Zhiklè mbiaʼa, a da slèmbèɗè, aman a takaha ta ndohi te verzi man a ngaya. A gi a pats matakwan mbiaʼa, ntar sa azɓai daga nhinkaɗ ndohai, ha pats sa. A pats nasa ndohi ngaya ta da mbel ta, ta tèlèba man nzlembaɗ tengaʼa mwindèa te ɗèlèwèr nshèffè.

Osée 2:18

A pats nasa, a da bahayè ‘baki ga’, Ndo nzi pèc pècèk a gada. A bahayè ‘Baal ga’ asaɓai.

Osée 2:20

A pats nasa i da dérzlè ma a nda skwi dak, ɗiak tʼhwaɗ giɗfèk, skwi ndè a hwaɗhai, a géɗ Israel. A i pasla lèkèɗ a tsakwal a i ndeva var tʼherkeda aman ta nzi a gumai.

Osée 6:11

Israel a lizhè va na te pa. Juda, ka ha ka ngècè di man a ngaya a pats man i da helka ta ndohi Israel a deɓa te ɓèl tengaʼa.

Joel 2:21

Herkeda, ka gu zlau ɓai! Wuffa, gu langlangaʼa, aman Ndo nzi pèc pècèk a gi skwi mbiaʼa.

Michée 4:9

Antanta ka kuɗi mè? Bi az a sam ngaya ɓi ɗè? Ndo nʼnjè ka azɓi ɗè? A ka ɗish va ara ngwoz man a yi kra, kè!

Zacharie 3:10

A pats nasa, ngiɗè a da baha na ngiɗè a gorombi na, a skwi nʼndai, Zhiklè bi mbiaʼa a gaɗa.

Jean 12:15

Ka gu zlau ɓai, kokwar Sion! Na haha, bi ngaya a shkè a deɓ gol kɗèh.