Jérémie 3:25 - Ma Zhiklè

²⁵ Gar haha ngo-nzokoya a ngo-cokoy hori ga, hori da pa nga a dai! Aman nga gu malai a sam Ndo nzi pèc pècèk, Zhiklè nga, nga a babhi nga, daga man nga kra, ha patsna, a nga fu zlembaɗ a ma Ndo nzi pèc pècèk, Zhiklè nga ɓai.

Jérémie 3:25 ပူးပေါင်းရင်းမြစ်များ

Psaumes 106:6

Nga gu mali lèmèlèmè ara babhi nga. Nga gu maharam, nga gu mphömè.

Psaumes 106:7

Babhi nga te Egypte ta fa na gèɗ a nrkedi ngaya bai; pombi ngaya man a ndev bi haha, ta hara ɓai. Ta gre gèɗ ta a sam Zhiklè te géɗèʼa, a ma woyam mbiaʼa ndu-zoa.

Psaumes 109:29

Aman gèɗ ndohi mayamhi ga da dzakaɓ na, hori da pad ta pa ara maslaka.

Proverbes 13:18

Ndo man a kwola ma ndo ngiɗè man a ngatsa na maya, a tèwèsh na, a ngècè hori a dai; aman ndo man a fi gèɗ, man ta da ngézhèʼa, ta da slébèrdèʼa.

Proverbes 5:13

I tsena ma ndohi njèngayè ɓai èhèmè? I fu zlembaɗ a skwi man ta senday ɓai èhèmè?

Esaie 48:8

Ka tsena ɓai, ka sun ɓai, a nhaka ka a zlembaɗ ɓai, te man i suna, ka lèɓèslɓi pal ba. Ta baha ka ndo malai daga man ka tʼhwaɗ mam ngaya.

Esaie 50:11

Na haha kin tèlèba, man kin vècè vog-wa, a skwi ntiv vogwa te rai, vo-do a ndev nèʼèn vogwa kinè, a va vogwa man kin tivèʼa! Skwi haha ri ga a nga kinè, a kin da si matakwan.

Jérémie 11:13

Aman zhiklèhi mbèh skwi ngaya kumba, Juda, ta kokwarhi ngaya. Sam mʼmbèh skwi ngaya man hori te pa, ta zhè a civèɗ Jérusalem tèlèba, sam mvi skwi a Baal.

Jérémie 12:13

Ta zleku dau, ta tsi nkuɗdzarai. Ta ngeza a mizlinè, skwi man ta ɓica a pa, a pa ta hori a dai, a géɗ Ndo nzi pèc pècèk man a gi ndav worworaʼa.

Jérémie 14:20

Ndo nzi pèc pècèk, nga sun shèwa nga, nga sun mphömè babhi nga, nga gu malai a sam ngaya.

Jérémie 14:7

Mali a ngwoda nga va a gèɗ! Ndo nzi pèc pècèk, takaha nga, a géɗ nzlembaɗ ngaya! Nga jèke ka, a nga gu mali a sam ngaya kumba.

Jérémie 2:17

Skwi haha a ga ka tèlèba a géɗ man ka kwola Ndo nzi pèc pècèk, Zhiklè ngaya ka ɓi ɗè?

Jérémie 2:19

A géɗ shèwa ngaya ka si matakwan a da ngatsa ka maya. A géɗ man kajèkeda Zhiklè, ka da ngècè kita. Huro a ka suna! Aman ka jèkeɗa Ndo nzi pèc pècèk, Zhiklè ngaya, ambaɓai, nara skwi nɗuzlekzlekaʼa. Ka slebardyè ɓai, Zhiklè bi mbiaʼa a gaɗa.

Jérémie 2:2

Do, njè ta ma a ndohi Jérusalem, a ka gaɗa ta: Ndo nzi pèc pècèk a goɗ ar haha: I hérèʼa, ara man kin woy Zhiklè te wudahai, a kin woy iyè ara medemai: Ara man kin dzadzarkayè tʼhèshèkèɗ, te herkeɗa man skwa a gi a pa azɓai.

Jérémie 2:26

Ndohi gi Israel, bihi ta, wud bihi ta, ndohi mvi skwi a Zhiklè ta, ndohi nhadka ma ta, ta ngots hori a dai, ara ndo metsar man ta ngatsa na a vaʼa.

Jérémie 20:18

I shkè auda tʼhwaɗ mam ga èhèmè, a i rka matakwan a nlèyè, a pats nshèffè ga nʼnga a skwi horai?

Jérémie 22:21

I gaɗa ka a pats man ka wèl va dai, a ka gaɗa: i cinè azɓai. Ka gu arsa te gol ngaya, ka tsena ma ga ɓai.

Jérémie 3:13

Aman a woy ka suna, ka gu malai, ka kwola Ndo nzi pèc pècèk, Zhiklè ngaya, a ka va na va ngaya a zhiklèhi ngiɗè, a verzi wof ndizlimaʼa tèlèba kin tsena ma ga ɓai, Ndo nzi pèc pècèk a gaɗa.

Jérémie 31:19

Te deɓ man i ngwoda ndav, i kuɗi a géɗ mali ga. Te deɓ man i sun mali ga, i pi ri a bazlazlam, i gi horai, gèɗ ga ndzakaɓa, hori gol ga a dai.

Jérémie 6:26

Dem ndohi ga, feda maslaka sam kuɗa a va, a ka manahi a va mèrwèc. Gu wobau ara man ka kuɗi kra ngaya ngu-raʼa staɗgenè. Tsu lalau! A nasa nasa ndo ngedassa ndo a kala nga va.

Jérémie 7:19

Aman ta pokoy gèɗ ndav auda a iyè dè? Ndo nzi pèc pècèk a gaɗa. Ta gayè a iyè dè? Ta gu skwi ta a va ta, ta ngècè hori a di ta.

Jérémie 8:14

Nga nza ɓlussaʼa kè! Ngo-hokoya, a kokwar nʼngalaʼa, a nga zi nga a pa! Te man Ndo nzi pèc pècèk, Zhiklè nga, a zede nga, a va nga iyam dèrè a nga siaʼa, a géɗ man nga gu mali a sam na.

Jérémie 9:18

Sèi ta vèsh va a ta hinè ntsi nguzlah a géɗ nga, a nga kuɗi sraffsraffaʼa.

Lamentations de Jérémie 5:16

Mpèdè gèɗ nga nkal na hai. Woba nga a gèɗ man nga gu malai!

Lamentations de Jérémie 5:7

Babhi nga ta gau malai, tengaʼà man ani tʼasaɓai. A nga, mali tengaʼa a gèɗ nga.

Ezéchiel 2:3

A ngaɗkayè: Ka ndo, i zlinde ka a sam ndohi Israel, a sam ndohi mèdègèɗ, man ta slambaɗkay a gèɗ. Tengaʼa ta gokoɗi ara babhi ta, ha mshkè na ma a mpatsna.

Ezéchiel 36:32

Skwi man i giaʼa, i gi a géɗ kinè ka ɓai, Bi Zhiklè a gaɗa. Sei kin shinèʼa. Hori da keɗ kinè, gèɗ kinè da dzakaɓ na, a géɗ civèɗ kinè, ndohi gi Israel!

Ezéchiel 44:13

Da shkè a sam ga, aman ta gi mizlinè a sam ga bai, da herda na va a sam ga nkezlaʼa bai, a sam skwi nkezli nkezlaʼa. Nasa mali ta a géɗ skwi hori man ta gau.

Ezéchiel 7:18

Ta da fi maslaka sam kuɗa a va, ta gudzai, tèlè hori a dai, ta tèlèba gèɗ mshaʼa.

Daniel 12:2

Ta kumba man ta te vèvèɗ, ta da piɗèkwe ta, ngiɗè a nshèffè a mèdèp, ngiɗè a hori a skwi mphomdaʼa a mèdèp.

Osée 9:10

I ngots Israel te va nasa ara kslor tʼhèshèkèɗ. I rka babhi kinè ara nslakawi wof kslor. A tengaʼa ta shkè a Baal-Peor, a ta dzodzor Baal, vrai, a ta ndarayè lèmèlèmè ara vrai man ta tsu riaʼa.

Sophonie 1:17

I da pra ta zlau a va ndohai a ta dè ara mandazlihai, a géɗ man ta gu malai a sam Ndo nzi pèc pècèk. Pombaz tengaʼa mbada tʼhai ara skwi ambalai, zluèɗ va tengaʼa ara zai.

Romans 6:21

Skwi mar antanta kin gi hori a géɗèʼa. Aman nʼndikèma nengaʼa, mʼmetsai.

Juges 2:2

A kinè, kin da derzla ma a nda ndohi kokwar haha ɓai, aman kin mbeɗa sam mvi skwi a zhiklèhi tengaʼa a hai! Aman kin fu gèɗ a ma ga ɓai. Ehèmè?