Jérémie 3:23 - Ma Zhiklè

²³ A vava nhèzlèwè a géɗ za, skwi nʼngwèdè ndo. A vava skwi mʼmbél Israel a zhè a sam Ndo nzi pèc pècèk, Zhiklè nga.

Jérémie 3:23 ပူးပေါင်းရင်းမြစ်များ

Psaumes 3:8

Ndo nzi pèc pècèk, slambaɗa! Zhiklè ga, takahayè! Ka tsama ta bazlazlam a mayamhi ga tèlèba, a ka prosloma ta zlèʼèn auda te ma a ndohi ambaɓihiaʼa.

Psaumes 62:7

Sèi nengaʼa sam ga ngedeng-gedengaʼa, a skwi mʼmbelyè, gi ga ndakmaʼa, i giɗè va azɓai.

Proverbes 21:31

Ta jèwè plèsh man a ndè var; aman ngi a ngulaʼa, sèi Ndo nzi pèc pècèk a viaʼa.

Esaie 10:20

A pats nasa njèkèɗi ndohi Israel, a njèkèɗi ndohi Jacob man ta wuc ta, a ta nzi a nshèffè, ta thè va a nengaʼa man a bazl ta azɓai, aman ta da thè va a Ndo nzi pèc pècèk a vava, Zhiklè Israel nkezlaʼa.

Esaie 12:2

Na haha Zhiklè man a mbelyè. I pi ndav ga a nengaʼa, i hér gèɗ zlau asaɓai. Ndo nzi pèc pècèk, nengaʼa wuɗi ga, a dimèsh ga! Nengaʼa nʼngaʼa a skwi mbelyè.

Esaie 43:11

Iyè, i Ndo nzi pèc pècèk, ndo mʼmbél ndo ngiɗè azɓai, sèi iyè.

Esaie 44:9

Ndohi nrèm vrai, ta tèlèba ndohi ambalai. Skwi man ta wuffè a géɗèʼa, skwi ka ɓai. Ndohi malwudihi tengaʼa, ta rka skwa ɓai, ta sun skwa ɓai, ta ngècè hori a dai.

Esaie 45:15

A vava ka Zhiklè nʼnghedaʼa, Zhiklè Israel, Bi mʼmbel ndo.

Esaie 45:17

Ndo nzi pèc pècèk a mbel Israel, a mbelaʼa a mèdèp; kin ngècè hori a di azɓai a mèdèp.

Esaie 45:20

Va-ɓica va, vo-washkè, kin tèlèba! Va-herdeka va, kin njèkèdia ndohi herkeda man kinè a zhè a nshèffè dai. Tengaʼa man ta shèwèlè a vri te rai, man ta tsi ri a zhiklè mbèh skwai man a mbel ta azɓai, ta sun maya ɓai.

Esaie 63:1

Nenga wa, man a shkè te Edom, te Botsra, a maslaka vèvèzh a va, a dzugorko va a ri a géɗ maslaka nengaʼa, ndaɓaraʼa a wuɗai! Iyè man i goɗ a géɗ ngi-zuraʼa, a i pasla kinè ri ma mʼmbel ndo a hai.

Esaie 63:16

Aman ka bab nga! Abraham a sen nga ɓai, Israel a nse-naha nga ɓai; ka Ndo nzi pèc pècèk, ka bab nga. Nzlembaɗ ngaya ‘ndo nsumka nga a deɓa’, tʼhinkaɗ na.

Jérémie 14:8

Ka man ndohi Israel ta zhèr ka. Ka man ka mbel ta a pats matakwan. Ka ara ndo mbrok te kokwar, ara ndo nshèwèlè man a dè a gi sèi a vad èhèmè;

Jérémie 17:14

Ndo nzi pèc pècèk, mbelyè, a i mbel ga ma. Takahayè, a i ngots skwi ntakahayè ma. Aman ka, Ndo nzi pèc pècèk, man i zhèr ka.

Jérémie 17:2

a ta gi malwuɗai a géɗ tengaʼa. Astarté tengaʼa, wof ndizlimaʼa tèlèba, a géɗ ngègèdhai, a géɗ za, te dak.

Jérémie 3:6

Ndo nzi pèc pècèk a ngaɗayè, te va man Josias bai. Ka rka skwi man Israel, ngwoz man a nkwolyè, a gu ɗè? A mdo a géɗ zahi mbibihiaʼa tèlèba, a verzi wof ndizlimaʼa tèlèba, a ngu mphömè a pa.

Jérémie 31:7

Aman Ndo nzi pèc pècèk a goɗ ar haha: Va-hazlawa a mwuffè a géɗ Jacob, va-guzlau a ma ndohi herkeda, vo-boho, va-slu dimèsh nslèbèrdè Zhiklè, va-gaɗa: Ndo nzi pèc pècèk, mbul ndohi ngaya, mbul njèkèdi Israel!

Ezéchiel 20:28

I de ta a kokwar man i mbaɗa ta a ri ngeda te zhiklè, man i woy a i va ta. A ta rka za tèlèba, wof ndizlimaʼa tèlèba, a ta zloho skwi ta a pa, a ta va na skwi ta a vri a pa, a ta feda skwi tengaʼa a pa man a zhkè amba, a ta bada skwi nsi a hi a pa.

Osée 1:7

Aman ndohi gi Juda ta da siyè te va, a iyè Ndo nzi pèc pècèk, Zhiklè tengaʼa, i da mbel ta. I da mbel ta a lèkèɗ a tsakwal a plèsh a ndohi plèsh ka ɓai.

Jean 4:22

Kin tsi ri a skwi man kin sun ɓai. Aman nga, nga tsi ri a skwi man nga suna: skwi mʼmbel ndo a shkè te ndohi Juif.