Jérémie 3:22 - Ma Zhiklè

²² Kinè ndohi man kin kwoiyè, vo-washkè, i woya a i til skwi man kin gedassaʼa! Ani nga zhè ma, nga shkè a sam ngaya, te man ka Ndo nzi pèc pècèk, Zhiklè nga.

Jérémie 3:22 ပူးပေါင်းရင်းမြစ်များ

Cantique des Cantiques 1:4

Ngazlyè a rai a nga hau! Aman bai a diyè a gi nengaʼa, nga da sli dimèsh, nga da wuffè a nda ka; aman mwoy va kinè, a wuffede nga a fena zom. A vava ta woy ka ambali ka ɓai.

Esaie 1:2

Kin giɗfèkihai, vatsenaʼa! Herkeda, fu zlembaɗ! Aman Ndo nzi pèc pècèk a gèɗè: I gra wudahai, a ta ge ta a mbiaʼa, a ta kwolyè.

Esaie 27:8

A versl ma a nengaʼa aranta: a nkwolaʼa, a ndzawaʼa, a ndzaraʼa ara kozlar mbiaʼa man a nslambaɗa te verzi gai.

Esaie 31:6

Va-menkaɗa deɓa, ndohi Israel, a sam nengaʼa man kin ga na ri a gèɗ kumba!

Esaie 57:17

I gu ndav a gèɗ shèwa tengaʼa. I tsau, ndav a ndzayè, i ngheda va ga. Aman tengaʼa ta tsena gèɗ ɓai, to do a civèɗ ara man ndav tengaʼa a woyaʼa.

Jérémie 3:12

Do a ka boho ma haha a civèɗ ndè man a géɗèʼa: Israel, menkaɗa deɓa, Ndo nzi pèc pècèk a gaɗa. I woy a i pi di shèwa a ka ani asaɓai, aman ndo a siyè te va, Ndo nzi pèc pècèk a gaɗa. I gi ndav a mèdèp azɓai.

Jérémie 30:17

I da va ka madzaf, i da til mblè ngaya, Ndo nzi pèc pècèk a gaɗa, ka Sion man ta baha ka ‘ndzamaʼa’ – ‘nengaʼa man ndo a hérè azɓai’.

Jérémie 31:18

I tsena Ephraim man a kuɗai: Ka gay ndzoan, ka tsyè ara zlè, ara ndo mizlinè ka ɓai. Ngwodkoy ndav ga, a ndav ga nʼngwoda, te man ka Ndo nzi pèc pècèk, Zhiklè ga.

Jérémie 33:6

Na haha i va na madzaf, da mbel na: Iyè, i mbelaʼa. I da ngreda ta skwi mbelaʼa te gumai, te ma nzuraʼa.

Jérémie 4:1

Ndo nzi pèc pècèk a gaɗa: Israel, aman ka shkè a deɓa – aman ka shkè a deɓa a sam ga, aman ka wusheda mʼmbèh skwi ngaya aussa, ar ka hi a iyè asaɓai.

Ezéchiel 18:30

Gar haha i da gi kita kinè, ndohi Israel, staɗ staɗ a géɗ civèɗ nengaʼa, Bi Zhiklè a gaɗa. Va-menkada deɓa, va-jèkeda mali kinè tèlèba, man ɓai a de kinè a kita.

Ezéchiel 33:11

Gada ta: ara man a vava i zhè, Bi Zhiklè a gaɗa: ambahay bai, aman ndo ambaɓiaʼa a metsi na; aman i woya ndo malai a menkada deɓa te civèɗ na, a nzi a nshèffè. Va-menkada deɓa, Va-menkada deɓa te civèɗ kinè man ambaɓai! Kinè ndohi Israel, kin woy a kin metsi kinè èhèmè?

Osée 13:4

ara vodzok man a bezkaɗa nvakavar. Iyè Ndo nzi pèc pècèk, Zhiklè ngaya, daga man ka te Egypte, ka sun Zhiklè ngiɗè bai, sèi iyè, ndo mʼmbel ndo ngiɗè a tsagi ga azɓai.

Osée 14:1

Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

Osée 14:4

Aman ta jèkyè sa, i da mbel ta. I da woy ta, i woy ta a ndav ga. I gi ndav a géɗ tengaʼa te deɓaʼa asaɓai.

Osée 14:5

I woy a i gi a minmèn a sam Israel, da winè ma na ara nwurzhè, da tsu zluzlor ara wof te Liban.

Osée 14:8

Ephraim, a da gi a skwi mbèh skwi te deɓaʼa mè? Iyè i mbeɗa na a ma, a i ɓirèʼa, iyè man i ara wof hawan man a dai a yi wuda, ar nyi ngaya.

Osée 3:5

Te deɓaʼa ndohi Israel ta da menkada deɓa a ta woy Ndo nzi pèc pècèk, Zhiklè tengaʼa, a David, bi ta. A ta kèlèhi a deɓ sak Ndo nzi pèc pècèk a ta woy mpshè ma nengaʼa, a pats nʼndikè-maʼa.

Joel 2:12

Aman ko antanta ba, Ndo nzi pèc pècèk a gaɗa: Va-ngwodko ndav kinè tèlèba a sam ga, va-jèkeda skwi nʼndai, va-kudau, va-gu wobau, kin kuratsa maslaka kinè ɓai, aman va-kuɗu te ndav kinè!

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.