Jérémie 3:17 - Ma Zhiklè

¹⁷ A pats nasa, ta da baha na Jérusalem ‘sam nʼnzi bi Ndo nzi pèc pècèk’. Kokwar bihi tèlèba ta dè a ta ɓica va a pa, a Jérusalem, a sam nzlembaɗ Ndo nzi pèc pècèk, a ta jèjèr ndav tengaʼa man nsassaya asaɓai.

Jérémie 3:17 ပူးပေါင်းရင်းမြစ်များ

Genèse 8:21

A skwi nʼndaraʼa matsa a mzhkèha Zhiklè, ambaha, a ngod te ndav na: Anai i woy a i phomde herkeda a géɗ ndohai asaɓai. Skwi man ndav ndo a hérèʼa, ambaɓai, daga nyakaɗ na. Anai i woy a i keɗe skwi man a zhè a nshèffè asaɓai, ara man i gu matsa.

I Rois 8:41

A ndo mbrok, man verzi nengaʼa tsaɗ, man ndo Israel ka ɓai, man a shkè te kokwar dra, a shkè a géɗ nzlembaɗ ngaya,

Psaumes 102:23

aman ndohi herkeda ta da ɓicè va tèlèba a kokwar bihi ba, a ta gi mizlinè Ndo nzi pèc pècèk.

Psaumes 78:8

a ta gi azɓai ara babhi tengaʼa man ta gu mèdègèɗ a ta tsena gèɗ ɓai, verzi ndohi man ta mana ndav ta ɓai, man mèzhèɓ tengaʼa nlèɓèslèa a sam Zhiklè ɓai.

Psaumes 87:3

Ka kokwar Bi Zhiklè, ta slefi skwi mbelaʼa tsaɗ tsaɗ a gèɗ ngaya.

Esaie 26:8

Ko a civèɗ kita ngaya, nga zhèr ka, Ndo nzi pèc pècèk. Ndav ga a woya a shid gèɗ, a slebarde ka.

Esaie 56:6

Ndohi te verzi ngiɗè, man ta humdko va a Ndo nzi pèc pècèk, a ta gi mizlinè nengaʼa, a ta woy nzlembaɗ Ndo nzi pèc pècèk, a ta gi a ɓèlèlihi na, ta tèlèba man ta dérɗè pats nshèk va ga azɓai, a ta jèjèr nderzlè-ma ga,

Esaie 59:19

A ta da gi zlau nzlembaɗ Ndo nzi pèc pècèk, te civèɗ dukwaɗ, a ta da gi zlau nʼnjèl bi nengaʼa te civèɗ mvèng pats. Aman nengaʼa a shkè ara woyam nterzlaʼa, man nshèffè Ndo nzi pèc pècèk a hèdèʼa.

Esaie 6:1

Te mvi man bi Ozias a mʼmets na, i rka Bi Zhiklè a nza a géɗ sam nʼnzi mbiaʼa te géɗèʼa; ma maslaka man a va nengaʼa a nʼndha gi Zhiklè.

Esaie 66:1

Ndo nzi pèc pècèk a gada: Gidfèk sam nʼnzi bi ga, a herkeda skwi nfi sak ga. Gi mè, man kin woy a kin gayè? Sama tema, man i nzi a pa?

Esaie 66:18

I sun skwi man ta giaʼa, a skwi man ta hérèʼa. A i shkè, aman i ɓic ta ndohi herkeda a daʼai tsaɗ tsaɗ tèlèba, a ta shkè, a ta rka nʼnjèl ga.

Esaie 66:20

A ta hulkoɗi kramamhi kinè te ndev ndohi herkeda tèlèba, a skwi man ta vi a Zhiklè, a deɓ plèsh a kikai, a mota, a deɓ kɗèh, zlugumai, a kokwar Jérusalem, a sam za ga nkezlaʼa, Ndo nzi pèc pècèk a gada; lèmèlèmè ara wudahi Israel man ta hulkoɗi skwi man ta va na Zhiklè a gi Ndo nzi pèc pècèk, te kokwi mpa-naʼa.

Jérémie 11:8

Aman ta tsena ɓai, ta fa na zlembaɗ a ma ga ɓai, staɗ staɗ tèlèba ta dzodzor ndav tengaʼa man ambaɓai; a skwi tèlèba man i goɗ te nderzlè-ma ga man i gaɗa ta, aman ta jè-jèrèʼa, a ta dzadzara ɓai, i ngwoda ta a gèɗ.

Jérémie 12:15

Aman i dumdaussa ma, ta da siyè te va zaʼa, i da helka ta a deɓa, staɗ staɗ tèlèba a sam skwi nʼndi gi na, staɗ staɗ tèlèba a kokwar na.

Jérémie 12:16

Aman te deɓaʼa ta slebi civèɗ ndohi ga, a ta mbèɗè a nzlembaɗ ga, a ta gaɗa: Ndo nzi pèc pècèk a zhè! Ara man ta senda ta ndohi ga a ta mbaɗa a nzlembaɗ Baal, i til ta a pa zaʼa, te ndev ndohi ga.

Jérémie 14:21

Ka kwol nga ɓai, a géɗ nzlembaɗ ngaya! Ka pa na hori a di a sam nʼnzi bi ngaya ɓai! Huro! Ka pra ma nderzlè-ma nga a ka ɓai!

Jérémie 16:12

Kinè, kin gu skwi ambaɓiaʼa holholaʼa, a fena babhi kinè. Na haha, staɗ staɗ te ndev kinè a jèjèr ndav nengaʼa man nsassaya, man ambaɓai, a tsena ma ga bai.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Jérémie 17:12

Sam nga nkezlaʼa, sam nʼnzi bi nʼnjèlè, mbiaʼa tʼhinkaɗ na!

Jérémie 18:12

Aman ta da gaɗa: Nga geda matakwan a va ambalai. Aʼai, nga woya nga jèjèr skwi te ndav nga, staɗ staɗ tèlèba a gi ara man a hur te ndav nengaʼa nsassayaʼa, man ambaɓai.

Jérémie 3:19

Zhiklè a gaɗa: I woy a i fe ka a kra ga, a i va ka kokwar mbelaʼa; skwi nʼndi gi ngiɗè gar nengaʼa azɓai tʼherkeda. I hur i gaɗa: Kin da bahayè ‘Bab ga’, a kin da jèkyè asaɓai.

Jérémie 31:23

Zhiklè bi mbiaʼa, Zhiklè Israel, a goɗ ar haha: Ta da gèɗè te Juda, te kokwar nengaʼa, aman i da helka ta ɓèlèlihi a deɓa, ma haha: Sam nʼnzi ngi zuraʼa, Ndo nzi pèc pècèk da pshè ka ma! Za nkezlaʼa!

Jérémie 33:9

Kokwar a da gi a sam ga a skwi man i wuffè a géɗèʼa, a skwi nslébèrdèʼa, a skwi nʼnjèlè, a sam ndohi herkeda tèlèba man ta da tsena ma manam man i va na; ta da gi zlau, ta gudzai, man ta rka manam a gumai man i va na.

Jérémie 4:2

Aman ka mbaɗa a nzlembaɗ Ndo nzi pèc pècèk a vava, zuraʼa, te ngi-zuraʼa, te deɓaʼa ndohi herkeda ta pshè ka ma a nzlembaɗ Ndo nzi pèc pècèk, a ta nzal ka a nzlembaɗ nengaʼa.

Jérémie 7:24

Aman ta gu mèdègèɗ, ta fa zlembaɗ a ma ga ɓai, ta dzodzor ndav tengaʼa man ambaɓai, ta ngwodkay deɓa, ma ka ɓai.

Jérémie 9:14

aman ta dzodzor ndav ta nsassayaʼa, ta dzodzor Baal man babhi ta ta senda ta.

Ezéchiel 1:26

Te géɗèʼa, nara saphir, kwa mbelaʼa; te vaʼa lèmèlèmè ara sam nʼnzi bai. A géd skwi man lèmèlèmè ara sam nʼnzi bi matsa, skwi nʼnza a pa ara ndo.

Ezéchiel 43:7

a ngaɗkayè: Ka ndo, ka rka sam nʼnzi bi ga, a sam nfi sak ga, man i woy a i nzi te ndev Israel. Ndohi gi Israel ta da dérɗè nzlembaɗ ga nkezlaʼa a ma asaɓai a mali ta, ko tengaʼa, ko bihi ta. Ta dérzlè ntamagi gi dzavi ta a ntamagi gi ga asaɓai,

Ezéchiel 48:35

Ntèuda te pa tèlèba, a gi ara km 8. Anai da baha na kokwar a nzlembaɗ: Ndo nzi pèc pècèk a zhè a haha.

Zacharie 2:11

A pats nasa ndohi herkeda kumba ta da gshè va a Ndo nzi pèc pècèk, a ta ndi a ndohi na. A nengaʼa a da nzi a ndev tengaʼa. A ka da suna, Zhiklè bi mbiaʼa a nzlindkayè.

Zacharie 8:8

I woya a i de ta a deɓa a ngwai, a ta nzi a Jérusalem, a ta ndi a ndohi ga, a i gi a Zhiklè tengaʼa, nlèɓèslèa a nzuraʼa.

Nombres 15:39

Dzadzaɓi haha da hodko kinè ma nkwèr Zhiklè tèlèba a gèɗ, a kin dzodzora, a kin dzodzor skwi man ndav kinè a di kinè a aztétékè ɓai, a kin jkeda Zhiklè ɓai.

Romans 1:21

Ta suna, Bi Zhiklè a zhè, aman ta slébèrdè nengaʼa ara Zhiklè azɓai, ta ga na susi azɓai. Gar haha te skwi man ta hérèʼa ta zlak ta, a ndav tengaʼa, man a sun maya ɓai, nʼndha a ruva.

Romans 6:14

Malai a slaha a nda gi bi kinè asaɓai, te man kinè tʼhwaɗ ma kita Zhiklè ka ɓai, aman kinè tʼhwaɗ pombai.

Galates 4:26

Aman Jérusalem man a zhè te géɗèʼa, nengaʼa ngwoz gai, nengaʼa mam nga.

Deutéronome 29:29

Skwi nʼnghedaʼa sèi Ndo nzi pèc pècèk, Zhiklè nga, a suna; skwi nʼngreda tʼuda, nga a wudahi nga, a nga sun a mèdèp, a nga da gi ara ma kita haha a gaɗa tèlèba.

Juges 2:19

Aman ndo kita a mʼmets na ma, ta gu mali holholholaʼa a fena babhi tengaʼa zaʼa. A ta dzodzor zhiklèhi ngiɗè tsaɗ, a ta tsu ri a tengaʼa, a ta gu mizlinè tengaʼa. Ta gi skwi tengaʼa man ambaɓi genè, a ndav tengaʼa nsassaya.