Jérémie 3:10 - Ma Zhiklè

¹⁰ Ar haha, Juda, demam na, man nlèɓèslɓai, a nʼngwodko ndav na a deɓa a sam ga tèlè ɓai, a goɗ a deɓa genè Ndo nzi pèc pècèk a gaɗa.

Jérémie 3:10 ပူးပေါင်းရင်းမြစ်များ

II Chroniques 34:33

Josias a ngedassa skwi mʼmbèh skwi ndohi herkeda tèlèba te kokwar man ndohi Israel ta nza te pa, a mfa ta ma a gèɗ a ndohi tèlèba te Israel, aman ta gi mizlinè Ndo nzi pèc pècèk, Zhiklè ta. Ha a mʼmets na, ta jèkeda Nde nzi pèc pècèk, Zhiklè babhi ta ɓai.

Psaumes 18:44

Ka mbelyè a sam var ndohai; ndohi herkeda ta gurɓahi a sam ga, a ndohi man i sen ta ɓai ta gi a ɓèl ga.

Psaumes 66:3

Va-gaɗa na Bi Zhiklè: Skwi man ka giaʼa, wuɗitpa! Mayamhi ngaya ta slebarde ka, a géɗ wuɗi ngaya mbiaʼa.

Esaie 10:6

I hilèʼa, a i ndèhè ndohi mphö-mè a vna. I zlindèʼa a sam ndohi herkeda man i gi ndav a géɗ tengaʼa, a da düm skwi te pa, a gi metsar te pa, am batsaha ta a civèɗ ara koskosai.

Esaie 29:13

Bi Zhiklè a gaɗa: A géɗ man ndohi haha ta herdekay va a ma, a ta slébèrdyè a tapidaf ma ambalai, aman ndav tengaʼa dra a sam ga, a ta gi zlau ga ara man ndohi ngiɗè ta njè ta genè,

Esaie 31:6

Va-menkaɗa deɓa, ndohi Israel, a sam nengaʼa man kin ga na ri a gèɗ kumba!

Jérémie 11:10

Ta men ta a deɓa a sam mali babhi ta man ta gu mèdègèɗ a sam ma ga, a to do a verzi zhiklèhi mbèh skwai, a ta gu mizlinè tengaʼa. Ndohi Israel a ndohi Juda ta tawaɗaha nderzlè-ma man i derzla a nda babhi ta.

Jérémie 12:2

Ka nge ta a pa, ta tsu zluzlor ma ba, ta grè amba, ta yi wuda. Ka ndul ndul te ma ta, aman te ndav ta dra.

Jérémie 9:1

I woya a i kuɗai a pats a vaɗ a gèɗ ndohi ga man ta bazl ta, ko gèɗ ga nwalaɗ na, ko kuɗa a hezlamay dai.

Osée 7:14

Ta kuɗau a sam ga a ma genè, a ndav tèlè ka ɓai, aman ta manahi a matakwan. Ta gi zlau a géɗ dau a iyam nyi wof, a ta gi mèdègèɗ a sam ga.

Amos 4:9

I ga kinè matakwan a hüfa man a ndi dau, a cèɓè a bono ta gedasseda gi dau a gi lak kinè aussa, a wof kslor a wof tsna, dzarai a nʼndeda ma; ko ar haha kin menkada deɓa a sam ga ɓai, Ndo nzi pèc pècèk a gaɗa.

Mal. 2:11

Juda a ngu rai, skwi man a ndara ta ndohai a gu te Israel, te Jérusalem. Aman ndohi Juda ta derɗe sam Ndo nzi pèc pècèk nkezlaʼa, man nengaʼa a woyaʼa; a woy zhiklè ncèkèlma, ara ndo man a tsima dam nte deɓa.