Jérémie 29:8 - Ma Zhiklè

⁸ Zhiklè bi mbiaʼa, Zhiklè Israel, a goɗ ar haha: Ndohi nhadka ma man ta zhè te ndev kinè, ndohi mpi kwa kinè, da ngwoda kinè ɓai! Kin fu gèɗ a nshunè man a keɗa kinè ɓai!

Jérémie 29:8 ပူးပေါင်းရင်းမြစ်များ

Jérémie 14:14

Aman Ndo nzi pèc pècèk a ngaɗayè: Ndohi nhadka ma ta cèkèl ma a nzlembaɗ ga. Iyè nzlinde ta ka ɓai, i va ta ma ga ɓai, i gaɗa ta ɓai. Ta hodko ma ncèkèlma, ta njè kinè ma ncèkèlma, skwi ambalai man ta ngul te gèɗ ta.

Jérémie 23:16

Zhiklè bi mbiaʼa a goɗ ar haha: Kin tsun ma ndohi nhadka ma bai, man ta hadka kinè ma: ta ngwode kinè, ta hodko kinè skwi ndav ta, ma Ndo nzi pèc pècèk ka hai.

Jérémie 23:21

Iyè nzlinde ta ndohi nhadka ma ka ɓai; aman tengaʼa a nhau a ri ta. Iyè ngaɗa ta ka bai; aman tengaʼa ta hodko ma a ri ta.

Jérémie 23:25

I tsena ma ndohi nhadka ma man ta hodko ma ncèkèlma a nzlembaɗ ga, a ta gaɗa: Nshunè a nkeɗyè, nshunè a nkeɗyè!

Jérémie 23:27

Tengaʼa ta hur ta da gi, a nzlembaɗ ga a pca ta a gèɗ a ndohi ga, a maya nshun ta, man ngiɗè a njè na a ngiɗè; lèmèlèmè ara babhi ta, man nzlembaɗ ga a mpca ta a gèɗ, a géɗ Baal.

Jérémie 27:9

Aman kinè, kin tsun ma ndohi nhadka ma kinè ɓai, ma ndohi mpi kwa kinè, ndohi maya kinè, ndohi kilèa, ndohi mʼmbèh skwai, man ta gaɗa kinè: kin da gi ɓèl bi Babylone asaɓai.

Jérémie 28:15

Te deɓaʼa Jérémie, ndo nhadka ma, a ngaɗa na Hanania, ndo nhadka ma: Tsena mbelembela, Hanania! Ndo nzi pèc pècèk a nzlindka ka ɓai. Ka gu aman ndohi ta pi ndav a ka, a géɗ ncèkèlma ngaya!

Jérémie 29:1

Na haha ma ɗèlèwèr, man Jérémie, ndo nhadka ma, a nzlündo te Jérusalem, a sam ndohi nhalaʼa, njèkèɗiaʼa te va ndohi ɓèlè, a sam ndohi mvi skwi a Zhiklè, a sam ndohi nhadka ma, a sam ndohi tèlèba man Nebucadnetsar a hel ta te Jérusalem, a nde ta a Babylone,

Jérémie 29:15

A géɗ man kin gaɗa: Ndo nzi pèc pècèk a mva nga ndohi nhadka ma te Babylone,

Jérémie 29:21

Zhiklè bi mbiaʼa, Zhiklè Israel, a goɗ a géɗ Achab, kra Kolaja, a géɗ Sédécias, kra Maaséja, man ta hodko kinè ncèkèlma a nzlembaɗ ga: Iyè i da pe ta a ri Nebucadnetsar, bi Babylone, a da bazl ta a sam di kinè.

Jérémie 29:23

A géɗ man ta gu skwi horai te Israel, ta gu mphömè a ngwoz nslamagi ta, ta goɗ ncèkèlma a nzlembaɗ ga, man i njè ta a gèɗ ka ɓai. Iyè i suna, i ndo malwuɗai, Ndo nzi pèc pècèk a gaɗa.

Jérémie 37:9

Ndo nzi pèc pècèk a goɗ ar haha: Kin ngwode va kinè a ri kinè ɓai, a kin gaɗa: Ndohi Chaldée ta da jèke nga, a ta dè ta, ckè! Ta dè azɓai!

Jérémie 5:31

Ndohi nhadka ma ta hodko ma ta tsakal ma. Ndohi mvi skwi a Zhiklè ta takaha ta te pa. Ndohi ga, ambaha ta. Aman te deɓ nengaʼa, kin da gi mè?

Lamentations de Jérémie 2:14

Ndohi nhadka ma nga ta cèkèl ma a sam ngaya, a ta njè ka ma nrzlaʼa. Ta ngra ka mali ngaya ɓai, aman ka shkè auda te ndzoan. Skwi man ta hodko ma a géɗ ngaya, skwi ncèkèlma, skwi nʼngwode ka genè.

Ezéchiel 13:6

Ta rka skwi ncèkèlma, ta hadka ncèkèlma, ta gaɗa: Ma Ndo nzi pèc pècèk! Njè-kèm Ndo nzi pèc pècèk a nzlinde ta ka ɓai. Te deɓaʼa ta zhèr aman a da rufa ma tengaʼa.

Michée 2:11

Aman ndo ngiɗè a shkè a ma ambalai flak-flakaʼa, a cèkèlma, a gaɗa: i hodko ma a géɗ zom a barassa! – Nasa ndo nʼnjè ma man ambaha ta ndohi ambaɓihiaʼa haha!

Zacharie 13:4

A da gi a pats nasa, ndohi nhèdè ma tèlèba, hori a da gi a di ta, man mèzhèɓ nhèd ma a shkè a géɗ tengaʼa; a ta vi bkwi a va ara maslaka, a ta cèkèl ma azɓai.

Matthew 24:24

Aman kristihi ncèkèlma, a ndohi nhadka ma ncèkèlma ta da slèmbèɗè, a ta ngreda skwi malwuɗi mbiaʼa, a nrkedai, aman ta pèkètède ta ndohi mparahiaʼa ba, man ta slaha.

Luke 21:8

A nengaʼa a ngaɗa: Va-gu maya, ndo da pèkètèd kinè ɓai! Aman ta kumba ta da shkè a nzlembaɗ ga, a ta gaɗa: I nengaʼa, a patsa a zhè ndul ndul. Kin dzodzor ma tengaʼa ɓai!

Luke 6:26

Wobau, aman ndohi tèlèba ta gèɗ ma man amba a géɗ kinè; aman lèmèlèmè babhi tengaʼa ta gau a sam ndohi nhadka ma ncèkèlma.

Romans 16:18

Aman tengaʼa ta gi mizlinè Bi nga Kristi ka ɓai, aman mizlinè hwaɗ tengaʼa. Ma tengaʼa ara vongwom; ma tengaʼa man amba a pe ta a wai, man ta hér mali ta azɓai.

Ephésiens 4:14

Te deɓaʼa nga wudahi ka ɓai, a njè ma ambali tsaɗ tsaɗ, a shèwa ndohi man ta ngwèdè ndo, a maya ambaɓiaʼa man ta pe nga a wi a vna, a wutèma nga gèɗ azɓai.

Ephésiens 5:6

Ndo da pe kinè a wi a ma ambali ɓai. Aman a géɗ skwi haha ndzoan Zhiklè a shkè a géɗ ndohai man ta fi gèɗ a ma Zhiklè azɓai.

2 Thessalonians 2:3

Va-gau, aman ko staɗ da pe kinè a wi ɓai, pal ba. Aman patsaʼa a shkè di azɓai, sèi ndohi ta gi mèdègèɗ a sam Zhiklè holholaʼa, a ndo malai mbiaʼa a ngredekaɗ na auda, nengaʼa ndo ngedas ndo.

2 Timothy 3:13

Aman ndohi ambaɓihiaʼa a ndohi ncèkèlma ta gi ambaɓi holholaʼa a ma ma. Ta pi ndohi a wai, a ndohi ngiɗè ta pe ta tengaʼa a wai.

1 John 4:1

Dalahimam ga, kin co mèzhèɓ tsaɗ tsaɗ tèlèba a ndav ɓai! Sèi kin jkede ta mèzhèɓhai, a kin wora, aman ta shkè te Bi Zhiklè. Aman ndohi nhadka ncèkèl-ma kumba ta zhè tʼherkeda.

Apocalypse 13:14

A mpe ta ndohi a géɗ herkeda a wai a skwi man a slaha a ngrédè tsaɗ tsaɗ a sam di skwi dak. A ngaɗa ta ndohi a géɗ herkeda, aman ta gi mèzhèɓ skwi dak, a mblè kafahi gwèsh a va, man a mbel na zaʼa.

Apocalypse 19:20

A ta gso skwi dak a nda ndo nhadka ncèkèlma man a gu nrkedi a sam di na, man a pe ta ndohi man lamba skwi dak a va, a wai, aman ta tsi ri a skwi man ta roma ara skwi dak. A ta wushede ta cèw ba a vèvèɗ vogwa, man skwi nvècè vogwa te pa, a di tʼuda.