Jérémie 29:18 - Ma Zhiklè

¹⁸ I da hi a verzi ta a tsakwal, a mai, a gidiɓèr, i da ge ta a skwi man kokwar-bihi a gèɗ herkeda tèlèba ta gi zlau a pa, man ta gi wobau a géɗèʼa, a ta tsi derngasl, a ta gi horai a sam ndohi herkeda tèlèba, man i dzam ta a pa,

Jérémie 29:18 ပူးပေါင်းရင်းမြစ်များ

II Chroniques 29:8

Gar haha Ndo nzi pèc pècèk a ngu ndav a gèɗ Juda a Jérusalem, a nge ta a skwi man ndohi ta rzl ta a ta gi zlau a ta live ta a géɗèʼa, ara man kin rka a di kinè.

Psaumes 44:11

Ka gu aman ndohi mayamhi nga ta dzam nga, a ndohi shèwa nga ta dum nga a ta helama nga skwai.

Esaie 65:15

Nzlembaɗ kinè a gi a skwi mphom-daʼa a sam ndohi man i par ta, a ta gada: Bi Zhiklè da gedas ka! Aman ɓèlèlihi ga ta da ngècè nzlembaɗ ngiɗè.

Jérémie 15:4

Aranta i da ga ta matakwan man kokwar-bihi tèlèba a géɗ herkeda ta gi zlau te riaʼa; a géɗ skwi tèlèba man Manassé, kra Ezéchias, bi Juda, a gu te Jérusalem.

Jérémie 18:16

Ta ndeda kokwar ta a skwi man ndohi ngiɗè ta gi zlauaʼa, a ta ngwèshè a pa. Ko wawa man a bizhè a pa, a gidè gèɗ kwotakwotaʼa.

Jérémie 19:8

Kokwar haha, i da gi a skwi man ta gi zlauaʼa, a ta ngwèshè a pa. Ko wawa man a da bizhè a pa, a da rzl na, a liv ta, a géɗ matakwan tengaʼa tè-lèba.

Jérémie 24:10

I da zlinde tsakwal a sam ta, a mai, a gidiɓèr, ha ta ndev ta Tʼherkeda man i va ta, a i va ta babhi ta.

Jérémie 24:9

I da ge ta a skwi horai, a matakwan te kokwar-bihi tʼherkeda tèlèba, a skwi ngedassaʼa, a njèkenè, a derngasl, a skwi mphomdaʼa a sam tèlèba man i da dzam ta a pa.

Jérémie 25:9

na haha iyè i zlinde ndo, a sam Nebucadnetsar, bi Babylone, ɓèl ga, da helka ta ndohi gi tè-lèba te man a géɗèʼa, Ndo nzi pèc pècèk a gaɗa; a i zlinde ta, a ta da gi var a kokwar haha, a ndohi kokwar nengaʼa, a ndohi herkeda tèlèba man a tsagiaʼa. I da ga ta a skwi mphomdaʼa, i da pe ta a nlèyè, a ndohi ta ngwossaha ta. I da gedas ta a mèdèp.

Jérémie 26:6

i da ngwèdè gi haha ara Silo, a i phomda kokwar haha, a gi a skwi mphomde ta ndohi herkeda tèlèba.

Jérémie 27:8

Ndohi herkeda, a kokwar-bai man ta da gi mizline Nebucadnetsar, bi Babylone, azɓai, man a woya a vi daʼai a hi a wof bi Babylone azɓai, i ga ta kita a kokwar ta a tsakwal, a mai, a gidiɓèr, Ndo nzi pèc pècèk a gaɗa, ha pats man i va na a ri ma.

Jérémie 29:17

Zhiklè bi mbiaʼa a goɗ ar haha: Na haha i zlindè tsakwal a mai a gidiɓèr a sam kinè. I da ga ta lèmèlèmè ara kslor ambaɓiaʼa, ambaɓiaʼa a vata, man amba a nʼndi ɓi sa.

Jérémie 29:22

A géɗ tengaʼa ta da ngècè ma mphomdaʼa, ndohi ɓèlè Juda man ta zhè te Babylone tèlèba; ta gaɗa: Ndo nzi pèc pècèk da ga ka lèmèlèmè ara man a ga ta nda Sédécias a Achab, man bi Babylone a mpin ta te vogwa.

Jérémie 32:24

Na haha ta ɗizla kwa a ma kokwar, a ta gɗvèʼa. Kokwar a dè kèlè a ri ndohi Chaldée, man ta nza na a ma; tsakwal, mai a gidiɓèr ta da gi a ngul ta. Skwi man ka goɗa, kalka ma, ka rkaʼa.

Jérémie 34:17

Gar haha Ndo nzi pèc pècèk a gaɗa: Kin woy a kin pre ta kramamhi kinè ɓai, ngiɗè a ngiɗè a nslamagi ta; kin tsena ma ga ɓai. Gar haha i pra kinè tsakwal a gidiɓèr a mai a va kinè, Ndo nzi pèc pècèk a gaɗa. I da gi a kin ndara ta kokwar-bihi tʼherkeda tèlèba, a ta rzl ta a pa.

Jérémie 42:18

Zhiklè bi mbiaʼa, Zhiklè Israel, a goɗ ar haha. Lèmèlèmè ara man i gau ndzoan mwuɗitpa a géɗ ndohi Jérusalem, lèmèlèmè i da gi shèwa a géɗ kinè, aman kin dè a kokwar Egypte, a kin da gedas kinè. Kin da lèyè, kin phomda, kinè skwi horai, a kin da rka sam haha asaɓai.

Jérémie 44:12

I hil njèkèdi Juda, tengaʼa man ta pu di a kokwar Egypte, aman ta dè a pa, a ta nzi a pa, a ta da zi ta tèlèba. Ta da zi ta te kokwar Egypte, a tsakwal, a mai, nkèshèa a mbiaʼa, ta da bazl ta a tsakwal, a mai, ta gedas ta, ta lèyè, ta ga a skwi mphomdaʼa, a skwi horai.

Jérémie 44:22

Anai, Ndo nzi pèc pècèk a woya a nrka maya kinè man ambaɓai, a skwi hori man kin giaʼa, asaɓai. A géɗ nengaʼa kokwar nga ngedas na, a lèyè, mphomda, ndo a nzi a pa azɓai, ara man a zhè a patsna.

Ezéchiel 12:15

A ta da suna, i Ndo nzi pèc pècèk, man i ksar ta a va ndohi herkeda, a i venda ta gèɗ a kokwar ngiɗè.

Ezéchiel 22:15

I da venda ka gèɗ a va ndohi nte deɓa, i ksarde ka a va ndohi herkeda, a i da zeda ka skwi ngaya nlizhèʼa aussa.

Ezéchiel 23:46

Aman Bi Zhiklè a ngaɗa: Da ɓica ta mpi ndohai a gèɗ! Da pa ta zlau a gèɗ, da cèma ta skwi ta!

Ezéchiel 36:19

Te deɓaʼa i dzam ta auda te kokwar ta, a i ksar ta a géɗ herkeda, i ga ta kita ara maya nshèffè ta, ara skwi man ta gau.

Ezéchiel 5:15

Ndohi nte deɓa man ta zhè a tsagi ngaya ta da dérdèʼa, ta ngwossaha, ta ngècè maya te pa, ta rzl ta, aman i da gi kita, a ndzoan, a ndav.

Ezéchiel 6:8

Aman i da jèkeda ndohi ngiɗè kètè, te ndev kinè, ta da mbél ta auda a sam tsakwal, aman i da venda kinè gèɗ a kokwar tsaɗ tsaɗ.

Lèv. 26:33

Aman kinè, i woy a i ksar kinè a ndev ndohi herkeɗa, a i gedka kinè tsakwal, a herkeda kinè a ndi a hèshèkèɗ, a kokwar kinè a mbeɗ na a ngi a dikai.

Amos 9:9

I gèɗè a wuɗai: i dambalka ta ndohi Israel te va ndohi herkeda tèlèba, ara dau man ta dèmbèlèʼa, ko tser dau nshfaʼa staɗ a da kèlèhi a herkeda azɓai.

Michée 6:16

Ka dzodzor ma nkwèr Omri, a maya ambaɓiaʼa man a ndohi Achab. Ka gu ara man ta ngra ka, a i da gedas ka, a ta ngwossaha ta ndohi kokwar ngaya. Aranta sèi kin ɗishèʼa, aman ndohi herkeda ta paraha kinè.

Zacharie 7:14

A i ksar ta te ndev ndohi herkeda man ta sun ɓai, a herkeda a nʼnde na hèshèkèɗ te deɓ tengaʼa, ndo a shèwèlè te pa azɓai. Ta ngwoda herkeda mbelaʼa aranta a hèshèkèɗ.

Zacharie 8:13

Ndohi gi Juda a ndohi gi Israel: nzlembaɗ kinè skwi mphomdaʼa a sam ndohi herkeda te va nasa; anai i da mbél kinè, a kin gi a skwi mpshè ma. Kin gu zlau ɓai, va-nzala ri kinè!

Nombres 5:27

Aman a mva na iyam ma, va nengaʼa nlizhèa, a mʼmana a ndo ngiɗè, iyam mphomdaʼa a da na hwaɗ a ngi a wobau mbiaʼa, a sheɓa na hwaɗ a gèɗ, a derzlama na godor, a ngaʼa a ngwoz mphomdaʼa te va ndohai.

Luke 21:24

A ta bazl ta a tsakwal, a ta hel ta, ndzawda, a ndev ndohi herkeda tèlèba, a ndohi nte deɓa ta da gatseda Jérusalem a pa a sak, ha nʼndikèma wuɗi ndohi nte deɓa.

Deutéronome 28:25

Ndo nzi pèc pècèk a gi a ndohi mayamhi ngaya ta gi ngul ngaya. Kin dè a sam ta, te civèɗ staɗ, kin da hi auda a sam ta a kin venda gèɗ tèlèba, a kokwar-bihi herkeda tèlèba ta gi hori a géɗ ngaya.

Deutéronome 28:37

Ndohi herkeda tèlèba man Ndo nzi pèc pècèk a de ka a sam ta ta da rzl ta a géɗ ngaya, ta ngwossaha ka, ta paraha ka.

Deutéronome 28:64

Ndo nzi pèc pècèk a da ksar kinè a va ndohi herkeda tèlèba, te verzi herkeda ngidè a ngidè. Te pa kin da gi mizlinè zhiklèhi ngidè tsaɗ, man kinè a babhi kinè kin sen ta ɓai, nʼngaʼa a wof a kwa.