Jérémie 29:14 - Ma Zhiklè

¹⁴ Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 29:14 ပူးပေါင်းရင်းမြစ်များ

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

Psaumes 126:1

Dimèsh ndè a gi Zhiklè. Aman Ndo nzi pèc pècèk a helka ta ndohi Sion a deɓa ma, nga ara ndohi man nshunè a keɗ nga.

Psaumes 126:4

Ndo nzi pèc pècèk, sèi ka helka ta ndohi nga man ta hel ta a ɓèlè, a deɓa, ara man iyam a hi te woyam zaʼa te Négeb.

Psaumes 32:6

Gar haha ko wawa man a gi zlau Zhiklè, da tsu ri a ka a pats mwuɗitpa; man iyam a shkè mbiaʼa, a ndikè na a va azɓai.

Psaumes 46:1

Dimèsh ndohi Koré.

Esaie 14:1

Jacob a da si Ndo nzi pèc pècèk te va, a da ɓicka ta ndohi Israel zaʼa, a va ta kokwar bab ta. Ndohi man verzi ta tsaɗ ta da humdè va a nda tengaʼa, a nda ndohi gi Jacob.

Esaie 43:5

Ka gu zlau ɓai; aman i zhè a sam ngaya. I da mendeka ta ndohi te verzi ngaya a deɓa te civèɗ mvèng pats, a i da ɓicka ta te civèɗ nkèl pats.

Esaie 43:6

I da gèɗè te civèɗ man a géɗèʼa: Vo-pokoyè! Te civèɗ man a dukwad: Ka gse ta hi ɓai! Mendeka ta wudahi ga a deɓa te pa, a dalahi ga te verzi herkeda!

Esaie 45:19

I goɗ a metsar ka ɓai, te ndev ruva ka ɓai. A ndohi te verzi Jacob i gaɗa ta ɓai: ko kin woy iyè, kin woy iyè ambalai. Iye Ndo nzi pèc pècèk, i gèɗè a nzuraʼa, i njè skwi man a da gi a vava.

Esaie 55:6

Va-woy Ndo nzi pèc pècèk, aman ani a zhè dai. Va-baha na, aman ani a zhè ndul ndul a sam kinè dai!

Jérémie 12:15

Aman i dumdaussa ma, ta da siyè te va zaʼa, i da helka ta a deɓa, staɗ staɗ tèlèba a sam skwi nʼndi gi na, staɗ staɗ tèlèba a kokwar na.

Jérémie 3:14

Kinè ndohi man kin kwolyè, va-menkaɗa deɓa, Ndo nzi pèc pècèk a gaɗa. Iyè, i bi kinè, I woy a i cè staɗ staɗ te kokwar staɗ staɗ tèlèba, a i hilè te verzi kinè tèlèba cèw cèw, a i de kinè a kokwar Sion.

Jérémie 30:10

Aman ka, ka gu zlau ɓai, Jacob, ɓèl ga, Ndo nzi pèc pècèk a gaɗa. Israel, ka gudzu ɓai, aman i da mbelka ka dra, i da mbel ta ndohi te verzi ngaya te kokwar man ta te ɓèlè. Jacob a di a shkè deɓa, a nzi a gumai, skwa a ga na azɓai, ndo a pra na zlau a va azɓai.

Jérémie 30:18

Ndo nzi pèc pècèk a gaɗa: Na haha i da helka ta ndohi ɓèlè te gi Jacob a deɓa, a gihi tengaʼa ta siyè te va. Ta da ɗèɗèy kokwar a pa, ta da gi gi bai a sam nhalaʼa.

Jérémie 30:3

aman patsaʼa a di a shkè, Ndo nzi pèc pècèk a gaɗa, man i da helka ta ndohi ga, man ta te ɓèlè, Israel a Juda, a deɓa a kokwar man i va ta babhi ta, a gi a skwi ta, Ndo nzi pèc pècèk a gaɗa.

Jérémie 31:16

Ndo nzi pèc pècèk a goɗ ar haha: Ka kuɗ ɓai, saha na kuɗa auda a dai, aman skwi ntul mizlinè ngaya a zhè, Ndo nzi pèc pècèk a gaɗa; ta da shkè a deɓa te kokwar ndo mayam ta.

Jérémie 31:17

Ndo nzi pèc pècèk a gaɗa: Skwi man ka zhèrè dai, zhoro genè, a da gai; a wudahi ta da shkè a deɓa a kokwar ta.

Jérémie 31:23

Zhiklè bi mbiaʼa, Zhiklè Israel, a goɗ ar haha: Ta da gèɗè te Juda, te kokwar nengaʼa, aman i da helka ta ɓèlèlihi a deɓa, ma haha: Sam nʼnzi ngi zuraʼa, Ndo nzi pèc pècèk da pshè ka ma! Za nkezlaʼa!

Jérémie 51:10

Ndo nzi pèc pècèk a nʼngreda ngi-zura nga auda; vo-washkè, ngo-njokoy te Sion, skwi man Ndo nzi pèc pècèk, Zhiklè nga, a ngau.

Jérémie 8:3

Njèkèdi verzi ndohi ambaɓihia haha, ta da woy mʼmetsai a fena nshèffè, a sam tèlèba man i dzam ta a pa, Ndo nzi pèc pècèk a gaɗa.

Ezéchiel 37:21

Te deɓaʼa ka da gaɗa ta: Bi Zhiklè a gaɗa: Na haha i da helka ta ndohi Israel auda te va ndohi herkeda man ta nzakaɗ a va tengaʼa, a i da ɓicka ta te tsagi tèlèba, a i de ta a deɓa a kokwar ta.

Ezéchiel 39:25

Gar haha Bi Zhiklè a goɗ ar haha: Antanta i woya a i helka ta ndohi ɓèlè Jacob a deɓa. Ndohi gi Israel tèlèba ta siyè te va, i gi srak a géɗ nzlembaɗ ga nkezlaʼa.

Amos 9:14

Te deɓaʼa, i da helka ta ndohi Israel, ndohi ga, a deɓa te ɓèlè. Ta da ɗaɗaya kokwar ngedassaʼa a ta nzi a pa zaʼa, a ta gi gi wof barassa, a ta ngècè barassa ta te pa, a ta gi gi dau, a ta ngècè skwi nʼndi ta te pa.

Michée 4:12

Aman tengaʼa ta sun skwi man Ndo nzi pèc pècèk a hèra ɓai, ta sun verzi skwi man a da gia dai, ta sun ɓai; a nda ɓic ta ara dau man ta tsamda a hedak, ta sun ɓai.

Sophonie 3:20

A pats nasa i da hel kinè a deɓa a ngwai, a pats nasa i da ɓic kinè a deɓa. I woy a i va kinè nʼnjèlè, a ndohi herkeda tèlèba ta slèbèrdè kinè, aman i da helka kinè a deɓa te ɓèlè, a sam di ta – Ndo nzi pèc pècèk a gaɗa.

Romans 10:20

Aman Esaie a ngu zlau ɓai, man a gaɗa: Ndohi man ta woy iyè ɓai, ta ngatsyè, a i gudoko ta va a tengaʼa man ta dzhaɗyè ɓai.

Deutéronome 30:1

Aman skwi haha tèlèba a da ga ka, mpshè ma ba a ma mphomdaʼa ba man i ngra ka – aman ka da cè a ndav zuraʼa te ndev ndohi herkeda tèlèba man Ndo nzi pèc pècèk, Zhiklè ngaya, a da dzam ka a pa,

Deutéronome 30:3

te deɓaʼa Ndo nzi pèc pècèk, Zhiklè ngaya, a da helka ta ɓèlèlihi a deɓa, ka da sia te va, a da ɓic kinè a deɓa te ndev ndohi herkeda man Ndo nzi pèc pècèk, Zhiklè kinè, a nksar kinè a pa.

Deutéronome 30:5

Ndo nzi pèc pècèk, Zhiklè ngaya, a da cka ka a deɓa a kokwar man babhi ngaya ta ngotso, a gi a skwi ngaya. A da ga ka skwi man amba, a da gi a ka mènè a vata a fena man a babhi ngaya.

Deutéronome 4:7

Ndohi herkeda mbia ngiɗè tema, man Zhiklè tengaʼa a zhè ndul ndul a sam ta, ara Ndo nzi pèc pècèk, Zhiklè nga, pèc pècèk man nga tsi ri a nengaʼa?