Jérémie 29:13 - Ma Zhiklè

¹³ kin da has-syè, a kin da ngatsyè, a géɗ man kin dzhadyè a ndav kinè tèlèba.

Jérémie 29:13 ပူးပေါင်းရင်းမြစ်များ

I Rois 2:4

A skwi man Ndo nzi pèc pècèk a mpasla ri a pa, a da gi a ma ma, man a ngadayè: Aman wudahi ngaya ta dè a sam di ga zuraʼa, a ndav tèlèba, a nshèffè tèlèba, i da geda ka verzi ngaya auda a sam nʼnzi bi Israel azbai.

II Rois 23:3

Bai a nzlatsa a sam man a zlatsa a pa pèc pècèk, a ta da derzlè ma a Zhiklè, a ngaɗa: Nga da gshè ndav a ka, nga da jèjèr ma nkwèr ngaya, ma malwuɗi ngaya, ma ngaya man a de nga, a ndav nga tèlèba, a nshèffè nga tèlèba, a nga gi ara man ka goɗ te nderzlè-ma te ɗèlèwer haha. A ndohi tèlèba ta co nder-zlè-maʼa.

I Chroniques 22:19

Gar haha va-woy Ndo nzi pèc pècèk, Zhiklè kinè, a ndav tèlè, a nshèffè kinè tèlèba! Va-slambaɗa, vo-rom sam nkezlaʼa a Ndo nzi pèc pècèk! Va-hulko koti nderzlè-ma Ndo nzi pèc pècèk, a kolongwi Zhiklè nkezlaʼa, a gi man kin rom a nzlembaɗ Ndo nzi pèc pècèk!

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

II Chroniques 22:9

Te deɓaʼa a ta hoss Achazia, a ta gso, man a ngheda va na te Samarie, ta ckoɗa sam Jéhu, a nkeɗaʼa. A ta raʼa a ta gaɗa: Nengaʼa kra kra Josaphat, man a woya Ndo nzi pèc pècèk a ndav tèlèba. Te verzi Achazia ndo azɓai man a slaha a ngi bai.

II Chroniques 31:21

A ngau a ndav nengaʼa tèlèba, a skwi tèlèba man a gau, a ngau amba, a woy Zhiklè na te mizlinè gi Zhiklè, a géɗ ma kita a ma nkwèr na.

Psaumes 119:10

I has ka a ndav ga tèlèba. Takahayè, a i da pèkèt ga auda a civèɗ ma nkwèr ngaya ɓai.

Psaumes 119:145

Ndo nzi pèc pècèk, i baha ka a ndav ga tèlèba, mbeɗkay a ma! A i jèjèr ma ngaya man a de nga.

Psaumes 119:2

Mwuffè a sam ndohi man ta fi gèɗ a ma malwuɗi nengaʼa, man ta hèshèʼa a ndav ta tèlèba;

Psaumes 119:58

Ndav ga a woy man ka pakay dai. I da se ka te va, ara man ka goɗ te ma ngaya.

Psaumes 119:69

Ndohi nfi va ta ngelay ma a va; aman iyè, i fi gèɗ a ma-bi ngaya a ndav ga tèlèba.

Psaumes 145:18

Ndo nzi pèc pècèk a zhè ndul a sam ndohi tèlèba man ta baha na, tèlèba man ta baha na a nzuraʼa.

Psaumes 32:6

Gar haha ko wawa man a gi zlau Zhiklè, da tsu ri a ka a pats mwuɗitpa; man iyam a shkè mbiaʼa, a ndikè na a va azɓai.

Psaumes 91:15

A bahayè, a i da mbeɗa na a ma, i da zhè a sam na te matakwan, i da ckoɗauda a i feda a sam man ta slébèrdèʼa.

Esaie 45:19

I goɗ a metsar ka ɓai, te ndev ruva ka ɓai. A ndohi te verzi Jacob i gaɗa ta ɓai: ko kin woy iyè, kin woy iyè ambalai. Iye Ndo nzi pèc pècèk, i gèɗè a nzuraʼa, i njè skwi man a da gi a vava.

Esaie 65:10

Saron a gi a sam nwèr skwai, slrats Acor sam rèwè zlèhai ndohi ga man ta woy iyè.

Jérémie 24:7

I da va ta ndav, aman ta senyè, i Ndo nzi pèc pècèk. Ta da gi a ndohi ga, a iyè, i ndi a Zhiklè ta, a ta da menkaɗa deɓa a sam ga a ndav tengaʼa tèlèba.

Jérémie 3:10

Ar haha, Juda, demam na, man nlèɓèslɓai, a nʼngwodko ndav na a deɓa a sam ga tèlè ɓai, a goɗ a deɓa genè Ndo nzi pèc pècèk a gaɗa.

Jérémie 50:4

A pats nasa, te ndev nasa, Ndo nzi pèc pècèk a gaɗa, ndohi Israel a ndohi Juda ta da shkè a sam nstaɗ, ta da shkè, a ta kuɗai, a ta woy Ndo nzi pèc pècèk, Zhiklè ta.

Osée 5:15

I dè ga, i minè a deɓa a sam nʼnzi ga, ha ta ndev ta a géɗ mali ta, a ta hèsh di ga, ha te ri zlau mʼmetsai ta woy iyè.

Joel 2:12

Aman ko antanta ba, Ndo nzi pèc pècèk a gaɗa: Va-ngwodko ndav kinè tèlèba a sam ga, va-jèkeda skwi nʼndai, va-kudau, va-gu wobau, kin kuratsa maslaka kinè ɓai, aman va-kuɗu te ndav kinè!

Matthew 7:7

Vo-dzhoɗo, ta da va kinè; va-woya, kin da ngècèʼa; vo-boho a ntamagai, ta da winè kinè.

Actes 8:36

Aman ta dè a civèɗ, ta shkè a ma woyam; a ndo mɓer gi bai a ngaɗa: Na haha, iyam a zhè; ka gay baptême azɓi èhèmè?