A ntsu rai. A Ndo nzi pèc pècèk a nhuro, a nco ntsi ri na, a nda deɓa a kokwar Jérusalem, a kokwar-bi na. Manassé a suna, Ndo nzi pèc pècèk, nengaʼa Zhiklè.
a ta ngwodko ndav ta tèlèba a sam ngaya, a nhér gèɗ ta tèlèba, te kokwar man mayamhi tengaʼa ta par ta a ɓèlè, a ta ngwoda na ma a kokwar ta man ka va ta babhi ta, a kokwar man ka ngotskoɗauda, a gi man i gu a nzlembaɗ ngaya, a ta tsi rai,
Ta da shkè a kuɗa a dai, a ngi mbuh-mbuhaʼa; i da feda ta ma, i de ta a ma woyam mbiaʼa, a civèɗ nzuraʼa man skwi a slafaɗama ta sak a pa azɓai, a i ga a bab Israel, a Ephraim tsuvom ga.
A pats nasa, te ndev nasa, Ndo nzi pèc pècèk a gaɗa, ndohi Israel a ndohi Juda ta da shkè a sam nstaɗ, ta da shkè, a ta kuɗai, a ta woy Ndo nzi pèc pècèk, Zhiklè ta.
Ndo man maya na zhè, da tsena ma haha; ndo man a sun skwai, da sun skwi haha! Aman civèɗ Ndo nzi pèc pècèk, civèɗ nzuraʼa; ndohi nzuraʼa ta dè a pa; aman ndohi malihai ta kèlèhi a pa.
Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.