Jérémie 29:10 - Ma Zhiklè

¹⁰ Ndo nzi pèc pècèk a goɗ ar haha: Aman mvi 70 klèng te Babylone, i dè a sam kinè, a i da gi a sam kinè ara ma ga mbelaʼa, a i da helka kinè a deɓa a haha.

Jérémie 29:10 ပူးပေါင်းရင်းမြစ်များ

II Chroniques 36:21

a ma Ndo nzi pèc pècèk, man a goɗ te ma Jérémie, a nrufaʼa: Ha herkeda a nsok va tèlèba, te di man a nza, ngedassa te va nasa, pats nshèk va ha mvi 70 klèng. Ma bi Cyrus

II Chroniques 36:22

Aman Cyrus bi Perse, te mvi nshèlè-kuraʼa a rufa ma Ndo nzi pèc pècèk, man Jérémie a goɗa. Ndo nzi pèc pècèk a nslambaɗda na mèzhèɓ te ndav Cyrus, bi Perse, a njè ta ma haha te kokwar-bi nengaʼa tèlèba, a ma ba, a ɗèlèwèr ba:

Esdras 1:1

Cyrus, bi Perse. Te nhin ngi bi nengaʼa, Ndo nzi pèc pècèk a mpoko na gèɗ auda, a mboho te kokwar-bi tèlèba, a ngaɗa ta, a ɗèlèwèr ba. Aranta a gu ara man Ndo nzi pèc pècèk a goɗ te ma Jérémie.

Esdras 1:2

Cyrus, bi Perse, a goɗ ar haha: Ndo nzi pèc pècèk, Zhiklè te zhiklè te géɗèʼa, a mvay kokwar-bihai a géɗ herkeda tèlèba, a ngaɗayè te ma na, aman a i rèm gi nengaʼa te Jérusalem, te Juda, zaʼa.

Psaumes 102:14

Ka da slèmbèɗè, Sion a da se ka te va. Tiɗè sama ma, patsa azhè aman ka va na pombai.

Jérémie 25:11

Herkeda haha tèlèba a di a gédèsh na, a lèyè, a ndohi kokwar haha sèi ta gi ɓèl bi Babylone, mvi 70.

Jérémie 25:12

Te deɓ mvi 70 sa, i da gi kita a géɗ bi Babylone, a géɗ ndohi kokwar haha ba, a géɗ mali ta, Ndo nzi pèc pècèk a gaɗa. Kokwar ndohi Chaldée, i da ndeda a dikai a mèdèp.

Jérémie 27:22

Ta da helda a kokwar Babylone, a ta da nzi te pa, ha pats man i shkè, Ndo nzi pèc pècèk a gaɗa – a i da helka ta a deɓa zaʼa a sam haha.

Jérémie 27:7

Ndohi herkeda ta da gi mizlinè nengaʼa, a kra na, a kra kra na, ha tiɗè sam man ta da gi kita a géɗ herkeda nengaʼa, man ndohi herkeda kumba a bihi mbibihiaʼa ta da gia a ɓèl ta.

Jérémie 29:28

A zlinda nga maʼa a kokwar Babylone, man a gaɗa: Kin nzi kumba! Va-rom gai, va-nza a pa, va-gu gi lak, va-ndau nyièʼa!

Jérémie 29:32

a géɗ nengaʼa Ndo nzi pèc pècèk a gaɗa: Iyè i gi kita a géɗ Shemaeja, ndo Néchélam, a géɗ ndohi te verzi nengaʼa: Ndo azɓai te va gwoli na, man ta da nzi te ndev ndohi haha; nengaʼa a da rka skwi mbelaʼa man i ga ta ndohi ga azɓai, Ndo nzi pèc pècèk a gaɗa, a géɗ man a nju ma, a ndohi ta slambaɗa na va a Ndo nzi pèc pècèk.

Jérémie 30:3

aman patsaʼa a di a shkè, Ndo nzi pèc pècèk a gaɗa, man i da helka ta ndohi ga, man ta te ɓèlè, Israel a Juda, a deɓa a kokwar man i va ta babhi ta, a gi a skwi ta, Ndo nzi pèc pècèk a gaɗa.

Jérémie 33:14

Na haha pats a di a shkè, Ndo nzi pèc pècèk a gaɗa, man i da gi ara ma mbelaʼa man i goɗ a géɗ ndohi Israel, a géɗ ndohi Juda.

Ezéchiel 11:17

Aman i da ɓicka ta a deɓa te ndev ndohi herkeda, te kokwar man i ksar ta a pa, a i ɓic ta a i va ta kokwar Israel.

Daniel 9:2

iyè Daniel, i wor te ɗèlèwèr a géɗ nʼngér mvai man Ndo nzi pèc pècèk a goɗ te ma Jérémie, ndo nhadka ma, te deɓ man Jérusalem a mbeɗ na: mvi 70.

Sophonie 2:7

Sam a ma woyam mbiaʼa sa, njèkèɗi ndohi Juda ta da ngècèʼa, ta da wèr skwi ta a ma woyam mbiaʼa. A dakwaɗ ta da mènè te gi te kokwar Askalon. Ta pea ta a gèɗ a Ndo nzi pèc pècèk, Zhiklè tengaʼa, azɓai. A da helka ta ndohi a deɓa te ɓèlè.

Zacharie 1:12

Gol Ndo nzi pèc pècèk a ngaɗa: Zhiklè bi mbiaʼa, Jérusalem a kokwarhi Juda ta da se ka te va a ngèmè? Ka gu ndav a géɗ tengaʼa mvi 70 ma.

Zacharie 7:5

Gaɗa ta ndohi kokwar tèlèba, a ndohi mvi skwi a Zhiklè: Aman kin jèkeda skwi nʼndai, a kin kuɗai, a ki mazlamaʼa, a ki matsaraɗaʼa, tʼhwaɗ mvi 70 ma, kin gu a géɗ ga ɗè?

Ruth 1:6

A nengaʼa a nslambaɗa a nda ngwozi wud na, a ta jèkeda kokwar Moab, te man Naomi a ntsena, Ndo nzi pèc pècèk a ntakaha ta ndohi na, a ta ngots skwi nʼndi ma.