Jérémie 28:9 - Ma Zhiklè

⁹ Ndo nhadka ma man a hodko ma gumai, a skwi man a hodko ma a géɗèʼa, a shkè, nengaʼa ndo nhadka ma man Ndo nzi pèc pècèk a nzlündo, a vava.

Jérémie 28:9 ပူးပေါင်းရင်းမြစ်များ

Esaie 44:26

I nzala ma ɓèl ga, a i gi ara man ndohi sak ga ta goɗo. I gaɗa na Jérusalem: Ndo da nza a pa! I gaɗa ta kokwarhi Juda: Da ram kinè zaʼa! Gi man mʼmbeɗ na, da ɗaɗayda pa!

Jérémie 14:13

A i gaɗa: Aʼ – aʼ – aʼ – Ndo nzi pèc pècèk, bi ga! Na haha ndohi nhadka ma ta gaɗa ta: Kin gu zlau tsakwal ɓai, mi a da gi azɓai, i va kinè gumi ga a sam haha.

Jérémie 4:10

A i gaɗa: Ai, ai, ai, Bi Zhiklè Ndo nzi pèc pècèk! A vava ka ngwode ta ndohi Jérusalem. Ka gaɗa ta: I da mbél kinè! Aman tsakwal a bazl nga!

Jérémie 6:14

Ta woy a ta fa na kwa a gèɗ a mali ndohi ga, a ta gaɗa: gumi a zhè, gumi a zhè! Aman gumi azɓai.

Jérémie 8:11

Ta woy a ta fa na kwa a gèɗ mali ndohi ga, a ta gaɗa: Gumi a zhè, gumi a zhè aman gumi azɓai.

Ezéchiel 33:33

Aman te deɓaʼa skwi a da gai – a da gi a vavata da suna, ndo nhadka ma a nza a sam ta a vava.

Deutéronome 18:21

Wa ngidè ba ka hur te ndav ngaya: Nga da sunko ma man Ndo nzi pèc pècèk a ngaɗa bi tema?

Deutéronome 18:22

Aman skwi man ndo nhadka ma a ngoɗo, a gi azɓai, nasa ma man Ndo nzi pèc pècèk a ngaɗa ɓai; ndo nhadka ma sa a fi va, ka gu zlau nengaʼa ɓai!