Jérémie 28:3 - Ma Zhiklè

³ Njèkè mvi cèw, i da hulkoɗi kolongwi tèlèba, man Nebucadnetsar, bi Babylone, a nheldama, a nɗaʼa a kokwar Babylone, a deɓa a gi Zhiklè a haha.

Jérémie 28:3 ပူးပေါင်းရင်းမြစ်များ

Genèse 47:28

A Jacob a nʼnza a nshèffe mvi 17 dai, te kokwar Egypte. Mvi nengaʼa tèlèba a gi 147.

Genèse 47:9

Mvi nʼnzi ga a géɗ herkeda 130. Mvi ga az a vata ɓai; aman i sau matakwan kumba; mvi nshèffè ga kumba lèmèlèmè ara mvi bababhi ga man ta nza a nshèffè ɓai.

II Rois 24:13

A nhelda skwi mèshèlè te gi Ndo nzi pèc pècèk ba, a skwi mèshèlè te gi bi ba, tèlèba a ma, kolongwi guro man Salomon, bi Israel, a gau, te gi Ndo nzi pèc pècèk, a mbazla tèlèba, lèmèlèmè ara Ndo nzi pèc pècèk a nhodko ma.

II Chroniques 36:10

Aman vi kala auda, bi Nebucadnetsar a nzlündo ndo, a ta hulkoda kokwar Babylone, a nda kolongwi gi Zhiklè mbelaʼa. A mfeda Sédécias, kük na, a bai a géɗ Juda a Jérusalem.

II Chroniques 36:7

Kolongwi gi Zhiklè ba, Nebucadnetsar te Babylone a nheldama, a mpeda a gi bai te Babylone.

Psaumes 90:10

Nga nzi a nshèffè nga mvi 70; aman nga hala kumba, a gi mvi 80; nga nzakada a mizlinè a matakwan. Nshèffè nga a ndev tsam-tsam, a hi ara diak man a hai.

Daniel 1:2

A Bi Zhiklè a mva na Jojakim, bi Juda, a ri a Nebucadnetsar, a kolongwi gi Zhiklè mba man a helda ma. A nengaʼa a ndaʼa a kokwar Shinear, a mpeda kolongwi a gi mèshèlè zhiklè na.