Jérémie 27:5 - Ma Zhiklè

⁵ Iyè i gau herkeda, ndo a skwi dak man ta zhè a géɗ herkeda. I gau a ri man wuɗi na zhè, a i va na herkeda a ndo man i woyaʼa.

Jérémie 27:5 ပူးပေါင်းရင်းမြစ်များ

Genèse 1:25

A Bi Zhiklè a ngu skwi dakhai a skwi ndzhamhai tsaɗ tsaɗ tèlèba, a skwi man a hi tèlèba a géɗ herkeda. A Bi Zhiklè a nrka, nʼngaʼa amba.

Genèse 9:6

Ko wawa man a keɗa ndo, ta da kéɗèʼa, lèmèlèmè. Aman Bi Zhiklè a ngu ndo ara Mèzhèɓ nengaʼa.

I Rois 8:42

a géɗ man a tsena labar ma nzlembaɗ ngaya mbiaʼa, ma ri ngaya man wuɗi na zhè, ri ngaya man a nzlatseda – a nengaʼa a shkè a tsi ri te gi haha,

Esdras 1:2

Cyrus, bi Perse, a goɗ ar haha: Ndo nzi pèc pècèk, Zhiklè te zhiklè te géɗèʼa, a mvay kokwar-bihai a géɗ herkeda tèlèba, a ngaɗayè te ma na, aman a i rèm gi nengaʼa te Jérusalem, te Juda, zaʼa.

Néhémie 9:22

Ka va ta kokwar-bihai, a ndohi herkeda, a ka kezla ta kokwar tengaʼa. Ta duma kokwar Sihon, bi Hesbon, a kokwar Og, bi Basan.

Psaumes 102:25

Anai i gaɗa: Zhiklè ga, ka cèmay nshèffè te gola ɓai! Mvi ngaya a dè a ma ma te verzi wud wuda.

Psaumes 96:5

Aman Zhiklè ndohi nte deɓa, vri amɓalai; sèi Ndo nzi pèc pècèk a ngau giɗfèk.

Exode 20:11

Aman te mʼmèn mokwa, Ndo nzi pèc pècèk a ngu giɗfèk a herkeda, a iyam mbiaʼa, a skwi tèlè te pa, a nsok va pats matsaraɗaʼa. Gar haha Ndo nzi pèc pècèk a mpshè na ma pats nshèk va, a nkezlaʼa, a nslébèrdèʼa.

Exode 6:6

Gar haha gada ta ndohi Israel: I Ndo nzi pèc pècèk, i woy a i helka kinè auda te mizlinè bèlè te kokwar Egypte, a i mbel kinè auda te ɓèlè kinè, i tèr ri ga a i preka kinè auda te ɓèl kinè, a i ga ta kita mbiaʼa.

Esaie 42:5

Zhiklè Ndo nzi pèc pècèk, man a ngau giɗfèk a wuzhè ker-paʼa, a mvau herkeda gedeng-gedengaʼa a gi a skwi a fcè te pa, man a gi a ndohi ta shèffè a pa.

Esaie 44:24

Ndo nzi pèc pècèk, man a mbel ka, man a fe ka a hwaɗ mam ngaya, a gaɗa: Ndo nzi pèc pècèk, man i gau skwi tèlèba, man i wuzhè giɗfèk kerpaʼa, iyè a géɗ ga, a i dizla herkeda – nga a wa?

Esaie 45:12

I gau herkeda, i gau ndohi man a géɗ herkeda, ri ga a wuzhè giɗfèk, a i gaɗa ta golahi ga.

Esaie 48:13

Ri ga a ngau herkeda, ri mandi ga a mwuzhè giɗfèk, a i baha ta, tèlèba ta zhè ma.

Esaie 51:13

Ndo nzi pèc pècèk man a nge ka, man a mwuzhè giɗfèk, a ngu herkeda, a pca ka a gèɗ, kè! Ka gu gudza gudzaʼa a sam shèwa ma-yamhi ngaya pèc pècèk, man a woya a ngedas ka; Shèwa mayamhi ngaya ani na tema?

Jérémie 27:4

A ka da va ta ma man ta menda ta bihi ta ar haha: Zhiklè bi mbiaʼa, Zhiklè Israel, a goɗ ar haha: Kin da gaɗa ta bihi kinè:

Jérémie 32:17

Wa! Bi Zhiklè, Ndo nzi pèc pècèk, ka ka gau giɗfèk a herkeda a wuɗi ngaya mbiaʼa, a ri ngaya man wuɗi na zhè. Skwi man ka slaha ɓi ba, azɓai.

Jérémie 51:15

Zhiklè a ngau herkeda a wuɗi na, a mpau herkeda a maya na, a mwuzhè giɗfek a nshin maya na.

Daniel 2:38

A mva ka ndohai a skwi dak a ɗiakihai tʼhwad giɗfèk, a sam tèlèba, a ri a ka, a ge ka a bai a géɗ skwi tèlèba.

Daniel 4:14

A mboho a wuɗai: Va-ngela wof, va-slidè riaʼa, va-berzla vahaʼa, vaslevda nyi nengaʼa aussa! Skwi nte verziaʼa a ɗiakihai tʼhwaɗaʼa da hu ta!

Daniel 4:17

Golahi Zhiklè ta goɗ arsa, a ta goɗ ara man ndohi nkezlaʼa ta huro. A ndohi tèlèba man ta zhè a nshèffè ta da suna, Zhiklè te zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa, ko mbelaw ndo a slaha a nfi a géɗ sam nʼnzi bai.

Daniel 4:22

Ka mbiaʼa, wuɗi ngaya a zhè, ka ga a mbiaʼa, ha ndè a zhiklè, a nʼnjèl bi ngaya a grè a ma ma, ha ndè a verzi herkeda.

Daniel 4:25

Ndohi ta da kwol ka, a ka da nzi a va skwi dakhai. Ka da ndi mandai ara zlè. Minmèn a gi a iyam ngaya. A ka nzi aranta mvi tsaraɗ, ha ka suna, Zhiklè te zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa.

Daniel 5:18

Bi ga, Zhiklè te géɗèʼa a nʼnga Nebucadnetsar, bab ngaya, a mbiaʼa, a mva na nʼnjèlè a wuɗi bai.

Actes 14:15

Kinè ndohai, kin gi mè? Nga ba, nga ndohi lèmèlèmè ara kinè, a nga njè kinè ma mbelaʼa, aman kin ngwèdè ndav, a kin menkada deɓa te mʼmbèh skwi ambalai a sam Zhiklè a nshèffè, nengaʼa man a gu giɗfèk a herkeda, a iyam mbiaʼa a skwi tèlèba te pa.

Actes 17:24

Bi Zhiklè man a gu herkeda a skwi tèlèba te pa, nengaʼa Bi giɗfèk a herkeda, a nzi te gi mʼmbèh skwi azɓai, man ri ndo a ngau.

Actes 17:26

A nengaʼa a ngu aman te godozlom staɗ, verzi ndohi tèlèba ta zlèzlèmè a géɗ herkeda, a pa ta kuma a sam nʼnzi tengaʼa.

Deutéronome 2:19

a ka da ndikè ndul ndul a sam ndohi Ammon. Ka gu var a tengaʼa ɓai, ka zlor var a tengaʼa ɓai, te kokwar ndohi Ammon i va ka sam te pa azɓai. I va ta wudahi Lot a skwi ta.

Deutéronome 2:21

ndohi kumba, a vata, ngur-gurhiaʼa, ara Anak, a Ndo nzi pèc pècèk a nzede ta a ma tengaʼa, a ta dum ta, a ta nza a sam nʼnzi ta.

Deutéronome 2:7

Te man Ndo nzi pèc pècèk, Zhiklè kinè, a mpshè kinè ma te skwi man kin gu tèlèba, a mɓerka kinè te ri man kin dè tʼhèshèkèɗ, mvi 40, Ndo nzi pèc pècèk, Zhiklè kinè, a zhè a nda kinè, kinè tèkwona skwa ɓai.

Deutéronome 2:9

A Ndo nzi pèc pè-cèk a ngaɗayè: Ka gu var a ndohi Moab ɓai, ka zlor var a tengaʼa ɓai! Te kokwar tengaʼa i va ka sam te pa azɓai, ko hüɗök kata. I va ta Ar a wudahi Lot a skwi ta.

Deutéronome 32:8

Aman Zhiklè te géɗèʼa a kezla ta skwi a ndohi herkeda, a ngel ta ndohi Adam, a pa ta kuma a ndohi herkeda, a ɗèlè ta ndohi Israel ara mʼmèn ta,

Deutéronome 4:17

a kin lèmdèʼa a skwi ndzham a gèɗ herkeda, a ɗiak man a hi te giɗfèk ɓai!

Deutéronome 4:25

Aman kin ngeda verzi kinè a kokwar ma, a kin gi malai a kin gi skwi ngidè man kin lèmdèʼa a Zhiklè, mèzhèɓ skwi mèmè, a kin gi skwi man ambaha Ndo nzi pèc pècèk, Zhiklè kinè ɓai, a kin poko na gèɗ ndav auda a vna,

Deutéronome 4:32

Gar haha, vo-dzhoɗo a gèɗ skwi man a gu zlèzlèa, man kinazdi ɓai, a hinè a pats man Bi Zhiklè a ngu ndo a gèɗ herkeda. Te verzi herkeda ngiɗè a ndè a verzi herkeda ngidè, ta rka skwi mbiaʼa ar haha ɗè, ta tsena ma aranta dè?

Deutéronome 4:35

Kin rka a di kinè, aman kin suna, Ndo nzi pèc pècèk, nengaʼa Bi Zhiklè stadgenè, ngidè azɓai.

Deutéronome 5:16

Slubordo bab ngaya a mam ngaya, ara man Ndo nzi pèc pècèk, Zhiklè ngaya, a njè ka, a da nderɗa ka pats nshèffè ngaya man Ndo nzi pèc pècèk a woya a mva ka, a ma ma tʼherkeda.

Deutéronome 9:29

Aman tengaʼa ndohi ngaya, skwi nʼndi gi ngaya man ka helka ta auda a wuɗi ngaya mbiaʼa, a ri ngaya man ngeda.

Colossiens 1:16

Aman skwi tèlèba nʼnga a nengaʼa, skwi te giɗfèk, skwi a géɗ herkeda, skwi man di ndo a rkaʼa, skwi man ndo a nrka di ɓai, sam nʼnzi bihai, bihai, kokwar-bihai, a wuɗihai. Skwi tèlèba nʼnga te nengaʼa, a géɗ nengaʼa.

Hébreux 1:2

Antanta, man tiɗè sama ma, a ngaɗa nga ma te kra nengaʼa. Zhiklè a ngu nengaʼa a ndo ngècè skwi Zhiklè tèlèba. Te nengaʼa ba a ngu herkeda.

Apocalypse 4:11

Bai, Zhiklè nga, ka amba man ta slébèrdè nʼnjèl ngaya a wuɗi ngaya, te man ka gu skwi tèlèba. A géɗ man ka woyaʼa ta zhè, ta gaʼa.