Jérémie 27:13 - Ma Zhiklè

¹³ Kinè a ndohi ngaya kin da bèzl kinè te ri tsakwal a mai a gidiɓèr èhèmè, ara man Ndo nzi pèc pècèk a goɗ a géɗ ndohi herkeda man ta da gi ɓèl bi Babylone asaɓai?

Jérémie 27:13 ပူးပေါင်းရင်းမြစ်များ

Proverbes 8:36

Aman ndo man a nciyè ɓai, a zeda nshèffè na. Ko wawa man a gi shèwa a iyè, mʼmetsi ambaha.

Jérémie 17:4

Skwi nʼndi gi ngaya man i va ka asaɓai, a i ge ka a ɓèlè te kokwar man ka sun ɓai, te man ndav ga a vècè ara vogwa man nvatsa a mèdèp.

Jérémie 24:9

I da ge ta a skwi horai, a matakwan te kokwar-bihi tʼherkeda tèlèba, a skwi ngedassaʼa, a njèkenè, a derngasl, a skwi mphomdaʼa a sam tèlèba man i da dzam ta a pa.

Jérémie 27:8

Ndohi herkeda, a kokwar-bai man ta da gi mizline Nebucadnetsar, bi Babylone, azɓai, man a woya a vi daʼai a hi a wof bi Babylone azɓai, i ga ta kita a kokwar ta a tsakwal, a mai, a gidiɓèr, Ndo nzi pèc pècèk a gaɗa, ha pats man i va na a ri ma.

Jérémie 38:2

Ndo nzi pèc pècèk a goɗ ar haha: Ndo man a nzi te kokwar haha, tsakwal a da kéɗèʼa, a tiɗè a mai, gidiɓèr a cedama. Aman ndo man a dè auda a sam ndohi Chaldée, a mbél na, a nzi a nshèffè.

Jérémie 38:20

Jérémie a ngaɗa: Ta da va ka a ri a tengaʼa azɓai. Tsena ma Ndo nzi pèc pècèk, man i menda ka, a ka nzi amba, a ka nzi a nshèffè!

Jérémie 38:23

A vava, ngwozi ngaya tèlèba, a wudahi ngaya tèlèba, ta de ta a sam ndohi Chaldée; aman géɗ va ngaya, ka da mbélè auda te ri tengaʼa azɓai. Bi Babylone a da gs ka, a da fa na vogwa a kokwar haha.

Ezéchiel 14:21

Aman Bi Zhiklè a goɗ ar haha: Ko i zlindè kita ga mwuɗitpa faɗ a haha a kokwar Jérusalem: tsakwal, mai, skwi dak a gidiɓèr,

Ezéchiel 18:24

Aman ndo nzuraʼa a njèkeda ngi-zuraʼa nengaʼa, a gi skwi nzura ka bai, a gi skwi nzuraʼa azɓai, skwi hori tèlèba lèmèlèmè ara ndo nderɗa Zhiklè, skwi nzura tèlèba man a gau, ta hérèʼa asaɓai. A géɗ man nlèɓèslè ɓai, a géɗ mali man a zhè a géɗ nengaʼa, a da metsi na.

Ezéchiel 18:31

Va-wusheda mali tèlèba man kin gau aussa a sam kinè! Va-woy ndav mɓuaʼa a mèzhèɓ mɓuaʼa. Kinè ndohi Israel, kin woy mʼmetsi èhèmè?

Ezéchiel 33:11

Gada ta: ara man a vava i zhè, Bi Zhiklè a gaɗa: ambahay bai, aman ndo ambaɓiaʼa a metsi na; aman i woya ndo malai a menkada deɓa te civèɗ na, a nzi a nshèffè. Va-menkada deɓa, Va-menkada deɓa te civèɗ kinè man ambaɓai! Kinè ndohi Israel, kin woy a kin metsi kinè èhèmè?