Jérémie 26:6 - Ma Zhiklè

⁶ i da ngwèdè gi haha ara Silo, a i phomda kokwar haha, a gi a skwi mphomde ta ndohi herkeda tèlèba.

Jérémie 26:6 ပူးပေါင်းရင်းမြစ်များ

II Rois 22:19

A géɗ man ka hur te ndav ngaya a ka manda gèɗ a hi a sam Ndo nzi pèc pècèk a pats man ka tsena ma man i goɗ a géɗ sam haha, a géɗ ndohi kokwaraʼa, ara man i phomde ta, a ta ndi a skwi man a ndèrè a ndo; a géɗ man ka kuratseda maslaka ngaya aussa, a ka kuɗau a sam ga – i ba i tsena ntsi ri ngaya, Ndo nzi pèc pècèk a gada.

Esaie 43:28

Gar haha bihi mizlinè Zhiklè, sèi i rka ta ara ndohi nderda Zhiklè. I jè-keɗa Jacob a ri a ndohi man ta phömdèʼa, a Israel a ri a ndohi man ta dérɗèʼa.

Esaie 65:15

Nzlembaɗ kinè a gi a skwi mphom-daʼa a sam ndohi man i par ta, a ta gada: Bi Zhiklè da gedas ka! Aman ɓèlèlihi ga ta da ngècè nzlembaɗ ngiɗè.

Jérémie 24:9

I da ge ta a skwi horai, a matakwan te kokwar-bihi tʼherkeda tèlèba, a skwi ngedassaʼa, a njèkenè, a derngasl, a skwi mphomdaʼa a sam tèlèba man i da dzam ta a pa.

Jérémie 25:18

Jérusalem a kokwarhi Juda, a bihi na, a wud bihi na, man ta gedas ta, a ta zi ta, a ta tsa ta derngasl, a ta phomde ndo a vna, ara man a zhè a patsna.

Jérémie 29:18

I da hi a verzi ta a tsakwal, a mai, a gidiɓèr, i da ge ta a skwi man kokwar-bihi a gèɗ herkeda tèlèba ta gi zlau a pa, man ta gi wobau a géɗèʼa, a ta tsi derngasl, a ta gi horai a sam ndohi herkeda tèlèba, man i dzam ta a pa,

Jérémie 29:22

A géɗ tengaʼa ta da ngècè ma mphomdaʼa, ndohi ɓèlè Juda man ta zhè te Babylone tèlèba; ta gaɗa: Ndo nzi pèc pècèk da ga ka lèmèlèmè ara man a ga ta nda Sédécias a Achab, man bi Babylone a mpin ta te vogwa.

Jérémie 42:18

Zhiklè bi mbiaʼa, Zhiklè Israel, a goɗ ar haha. Lèmèlèmè ara man i gau ndzoan mwuɗitpa a géɗ ndohi Jérusalem, lèmèlèmè i da gi shèwa a géɗ kinè, aman kin dè a kokwar Egypte, a kin da gedas kinè. Kin da lèyè, kin phomda, kinè skwi horai, a kin da rka sam haha asaɓai.

Jérémie 44:22

Anai, Ndo nzi pèc pècèk a woya a nrka maya kinè man ambaɓai, a skwi hori man kin giaʼa, asaɓai. A géɗ nengaʼa kokwar nga ngedas na, a lèyè, mphomda, ndo a nzi a pa azɓai, ara man a zhè a patsna.

Lamentations de Jérémie 2:15

Ta tèlèba man ta bizhè a civèɗ, ta tsi ri pèsl pèslèʼa, ta tsi wagèsh, a ta geda gèɗ kwota-kwotaʼa a géɗ kokwar Jérusalem. Ta gada: Nta kokwar man ta sla na kokwar mbelaʼa, man kokwar tèlèba a wuffè a gédèʼa ma dè?

Lamentations de Jérémie 2:16

Mayamhi ngaya tèlèba ta ngre ka, ta ngwèshè, ta winè ma a vata a géɗ ngaya, ta gada: Nga gedassa kokwar! Pats man nga zhoro, nga ngotso ma, nga ndikeda pa!

Daniel 9:11

Ndohi Israel tèlèba ta tawaɗaha ma kita ngaya, a ta bez ta zlawa, a ta fa gèɗ a ma ngaya ɓai. Ndo nzi pèc pècèk a mphomde nga, a mʼmbèɗè, man a mwindo te ɗèlèwèr ma kita Moise, ɓèl Zhiklè, a gèɗ man nga gu malai a sam na.

Zacharie 5:3

Nengaʼa a ngaɗayè: Nasa ma mphömdè herkeda tèlèba. Aman nʼnzi a zhè metsarhi tèlèba ta ga kita ta ɓai, ar na. Nʼnzi a zhè, ndohi man ta mbèɗè a nzlembaɗ ga a ncèkèlma, ta ga kita tengaʼa ɓai, ar na.

Mal. 4:6

Nengaʼa a da ngwodko ndav babhi a sam wud ta, a ndav wudahi a sam bab ta; man ɓai i da shkè, a i phomde herkeda tèlèba.

Josué 18:1

A mpi ndohi Israel ta ɓicko va a Silo. A pa, ta til gi Zhiklè nkezlaʼa. To do aman ta dumda herkeda a ma.