Jérémie 26:13 - Ma Zhiklè

¹³ Anai, va-tila civèɗ kinè, a skwi man kin giaʼa. Va-tsena ma Ndo nzi pèc pècèk, Zhiklè kinè. Te deɓaʼa ndav Ndo nzi pèc pècèk a da mènèhai, a gi skwi ambaɓiaʼa man a hodko ma a géɗ kinè azɓai.

Jérémie 26:13 ပူးပေါင်းရင်းမြစ်များ

Exode 32:14

A Ndo nzi pèc pècèk a mʼmanda ndav na a hai, a nʼnga ta matakwan a ndohi bai, ara man a hur nshèlèkuraʼa.

Esaie 1:19

Aman kin woya a kin fi gèɗ a ma ga, kin da ndi skwi gi dau kinè.

Esaie 55:7

Ndo man ambaɓai da jèkeda civèɗ nengaʼa. Ndo malai da jèkeda skwi ambaɓiaʼa man a nhuro, da menkaɗa deɓa a sam Ndo nzi pèc pècèk, a da sia te va; a sam Zhiklè nga, aman nengaʼa a prè mali kumba.

Jérémie 11:4

Ma nderzlè-ma man i va ta babhi kinè a pats man i helka ta auda te kokwar Egypte, te gezla, a i gaɗa ta: Va-tsena ma ga, va-gu skwi haha tèlèba man i njè kinè, a kin gi a ndohi ga, a iyè i gi a Zhiklè kinè,

Jérémie 18:11

Gar haha gaɗa ta ndohi Juda a ndohi Jérusalem: Ndo nzi pèc pècèk a goɗ ar haha: Na haha i til matakwan a hai a i hér skwi man ambaɓai a géɗ kinè. Va-menkaɗa deɓa, staɗ staɗ tèlèba a civèɗ nengaʼa man ambaɓai, va-tila civèɗ kinè, va-gu skwi man amba.

Jérémie 18:8

Aman i goɗ ma ambaɓiaʼa a géɗ ndohi sa, te deɓaʼa ta ngwode ndav ta, i jèkeda, i ga ta ɓai.

Jérémie 26:19

Ezéchias, bi Juda, a Juda tèlèba, ta keɗa Michée ɗè? Ezéchias a ngu zlau Ndo nzi pèc pècèk ka ɓi dè, a Ndo nzi pèc pècèk a nkeɗaha gèɗ ndzoan, a njèkeda skwi ambaɓiaʼa man a hodko ma a géɗ tengaʼa. A nga, nga woy a nga gi skwi ambaɓiaʼa a nga fi mali a gèɗ nga a vna dè?

Jérémie 26:3

Wa ngiɗè ba ta da cinèʼa, a ta menkaɗa a deɓa, staɗ staɗ tèlèba a civèɗ tengaʼa ambaɓiaʼa; a skwi man ambaɓai man i hur i da giaʼa, a géɗ maya man ambaɓai man ta gau, i da gia azɓai.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 36:3

Wa ngiɗè ba ndohi gi Juda ta cinè skwi man ambaɓai tèlèba man i hur i da ga ta, aman ta shkè a deɓa staɗ staɗ tèlèba te civèɗ tengaʼa man ambaɓiaʼa, a i pra ta mali ta a maharam ta.

Jérémie 38:20

Jérémie a ngaɗa: Ta da va ka a ri a tengaʼa azɓai. Tsena ma Ndo nzi pèc pècèk, man i menda ka, a ka nzi amba, a ka nzi a nshèffè!

Jérémie 42:10

Aman a vava, kin da nzi te kokwar haha, i da til kinè, i da gedas kinè azɓai. I da nge kinè a pa, i dzam kinè azɓai. Aman skwi ambaɓiaʼa tèlèba man i ga kinè, i da gia asaɓai.

Ezéchiel 33:11

Gada ta: ara man a vava i zhè, Bi Zhiklè a gaɗa: ambahay bai, aman ndo ambaɓiaʼa a metsi na; aman i woya ndo malai a menkada deɓa te civèɗ na, a nzi a nshèffè. Va-menkada deɓa, Va-menkada deɓa te civèɗ kinè man ambaɓai! Kinè ndohi Israel, kin woy a kin metsi kinè èhèmè?

Joel 2:14

Nsun wa? Wa ngiɗè ba a hèrè te deɓaʼa, a jekeda ngi ndzoan, a pshè kinè ma a movar a skwi nsai man a Ndo nzi pèc pècèk, Zhiklè kinè.

Jonas 3:9

te mali man a lizhèma na rai. Nsun wa? Wa ngiɗè ba nga si Zhiklè te va, a jèkeda ngi ndav, a nga zi azɓai.

Jonas 4:2

Wa Zhiklè, man i te kokwar ga dai, i goɗ ɓi ɗè! A géɗ nasa i hu ga a kokwar Tarsis nshèlèkuraʼa, te man i suna, ka Zhiklè, pombi ngaya a zhè, ndohi ta se ka te va, ka zhèrè te ndav, ndav ngaya amba, ka ngwèdè skwi mwuɗitpa.

Deutéronome 32:36

Aman Ndo nzi pèc pècèk a da Preka ta ndohi nengaʼa auda te kita, a ɓèlèlihi nengaʼa ta sia te va; te man a rkaʼa, wuɗi tèlèba klèng, ko bèlè azɓai, ko kra ngwi azɓai.

Hébreux 5:9

Te deɓaʼa man nʼngaʼa jèlèlèʼa ma, nʼngaʼa a verzi skwi mbél ndohi man ta fa na gèɗ, a mèdèp,

Juges 2:18

Aman Ndo nzi pèc pècèk a mpa ta ndohi kita, Ndo nzi pèc pècèk a ntakaha ndo kita, a pats nshèffè nengaʼa tèlèba, a mʼmbel ta auda te ri ndohi mayamhi ta, a géɗ man ta si Ndo nzi pèc pècèk te va, a géɗ wobau tengaʼa, a sam ndohi nʼnga ta matakwan, a sam ndohi mparaha ta.