Jérémie 25:9 - Ma Zhiklè

⁹ na haha iyè i zlinde ndo, a sam Nebucadnetsar, bi Babylone, ɓèl ga, da helka ta ndohi gi tè-lèba te man a géɗèʼa, Ndo nzi pèc pècèk a gaɗa; a i zlinde ta, a ta da gi var a kokwar haha, a ndohi kokwar nengaʼa, a ndohi herkeda tèlèba man a tsagiaʼa. I da ga ta a skwi mphomdaʼa, i da pe ta a nlèyè, a ndohi ta ngwossaha ta. I da gedas ta a mèdèp.

Jérémie 25:9 ပူးပေါင်းရင်းမြစ်များ

II Rois 24:2

Ndo nzi pèc pècèk a mpra na ndohi metsarhi Chaldée a gèɗ, a ndohi Syrie, a ndohi Moab, a ndohi Ammon. A mpra ta a gèɗ a ndohi Juda, aman a nzede ta, ara man Ndo nzi pèc pècèk a goɗ te ma ndohi nhadka ma, ɓèlèlihi na.

II Chroniques 29:8

Gar haha Ndo nzi pèc pècèk a ngu ndav a gèɗ Juda a Jérusalem, a nge ta a skwi man ndohi ta rzl ta a ta gi zlau a ta live ta a géɗèʼa, ara man kin rka a di kinè.

II Chroniques 36:21

a ma Ndo nzi pèc pècèk, man a goɗ te ma Jérémie, a nrufaʼa: Ha herkeda a nsok va tèlèba, te di man a nza, ngedassa te va nasa, pats nshèk va ha mvi 70 klèng. Ma bi Cyrus

Proverbes 21:1

Ndav bai te ri Ndo nzi pèc pècèk nara woyam, a ngaldama na ma ara man a woyaʼa.

Esaie 10:5

Wobau a géɗ ndohi Assyrie! I fu a gada mbèzl va ga, a mènèwèd man i ndèh ndohi a vna.

Esaie 13:3

Iyè, i baha ta ndohi man i pe taa mizlinè, a tagi kita. I bahata ngul ndohai, man ta wuffè a géɗ nʼnjèl-bi ga.

Esaie 39:7

A wudahi te verzi ngaya, man ka yau, ta da hel ta a ta gi a ntokotasl ɓai te gi bi Babylone.

Esaie 44:28

I gaɗa na Cyrus: Ndo mɓer skwi ga! Da rufa skwi than i woya tèlèba! I gaɗa na Jérusalem: Da ram ka zaʼa! A géɗ gi Zhiklè: Da ɗaɗayda pa!

Jérémie 1:14

Ndo nzi pèc pècèk a ngaɗayè: Matakwan a kalka ta a gèɗ a ndohi kokwar tèlèba te civèɗ man a géɗèʼa.

Jérémie 1:15

I baha ta kokwar-bihi tèlèba te man a géɗèʼa, Ndo nzi pèc pècèk a gaɗa. A tengaʼa ta da shkè a kokwar Juda tèlèba, staɗ staɗ tèlèba ta feda sam nʼnzi bi ta a ntamagi kokwar Jérusalem, ta nza ta a ma zlazlar man ta tèuda a pa tèlèba.

Jérémie 10:22

Ntsenka mè? Nhèzlèwè mbiaʼa te civèɗ man a géɗèʼa, aman a ndeda kokwar Juda a hèshèkèɗ, a gi skwi dak.

Jérémie 12:14

Gar haha Ndo nzi pèc pècèk a gaɗa: A géɗ nslamagihi ga man ambaɓi tèlèba, man ta tara na ri a di a skwi nʼndi gi Israel, ndohi ga: na haha i bazl ta auda te kokwar ta; ndohi gi Juda, i dumdaussa te ndev tengaʼa.

Jérémie 18:16

Ta ndeda kokwar ta a skwi man ndohi ngiɗè ta gi zlauaʼa, a ta ngwèshè a pa. Ko wawa man a bizhè a pa, a gidè gèɗ kwotakwotaʼa.

Jérémie 2:15

Wud marizhèlèhai ta bebrè a géɗèʼa, ta kuɗi a vata, ta ndede kokwar na a hèshèkèd, man ndo a nza a pa azɓai.

Jérémie 20:4

Gar haha Ndo nzi pèc pècèk a gaɗa: Na haha i praka kinè zlau a va a mandalahi ngaya tèlèba. Ta da bazl ta a tsakwal mayamhi ta, a sam di ngaya. A Juda tèlèba i vi a ri a bi Babylone. Nengaʼa a da hel ta ma a kokwar Babylone, a da bazl ta a tsakwal.

Jérémie 24:9

I da ge ta a skwi horai, a matakwan te kokwar-bihi tʼherkeda tèlèba, a skwi ngedassaʼa, a njèkenè, a derngasl, a skwi mphomdaʼa a sam tèlèba man i da dzam ta a pa.

Jérémie 25:8

Gar haha Zhiklè bi mbiaʼa a gaɗa: A géɗ man kin tsena ma ga ɓai,

Jérémie 29:18

I da hi a verzi ta a tsakwal, a mai, a gidiɓèr, i da ge ta a skwi man kokwar-bihi a gèɗ herkeda tèlèba ta gi zlau a pa, man ta gi wobau a géɗèʼa, a ta tsi derngasl, a ta gi horai a sam ndohi herkeda tèlèba, man i dzam ta a pa,

Jérémie 35:11

Aman Nebucadnetsar, bi Babylone, a mshkè a ngi var a kokwar, nga gaɗa: Vo-washkè, ngo-dokoya a kokwar Jérusalem, a géɗ ndohi var Chaldée a ndohi var Syrie. A nga nza a Jérusalem.

Jérémie 36:2

Co ɗèlèwèr mpaɗaʼa, windeda ma tèlèba a pa, man i gaɗa ka a géɗ Israel, a géɗ Juda, a géɗ ndohi herkeda tèlèba, a hinè te pats man i gaɗa ka nshèlèkuraʼa, ha ndika na ma a mpatsna.

Jérémie 36:29

Goɗa a géɗ Jojakim, bi Juda: Ndo nzi pèc pècèk a goɗ ar haha: Ka fa na vogwa a ɗèlèwèr, a ka gaɗa: Ka windeda pa èhèmè: bi Babylone a da shkè, a da gedassa kokwar haha, a da zede ta ndohai a skwi kuɗom.

Jérémie 4:7

Marizhèlè a hakaɗauda tʼhwaɗ vah ma, ndo ngedassa ndohi kokwar a nslambaɗa a sam nʼnzi na, aman a dè a gédèshè kokwar ngaya, a ndeda a hèshè-kèd, a gédèshè kokwar ngaya, a ndo a nzi a pa azɓai.

Jérémie 40:2

Bi ndohi sojè a nco Jérémie, a ngaɗa na: Ndo nzi pèc pècèk, Zhiklè ngaya, a nhodko ma matakwan a géɗ sam haha.

Jérémie 43:10

Gada ta: Zhiklè bi mbiaʼa, Zhiklè Israel, a goɗ ar haha: Na haha i da bahka na Nebucadnetsar, bi Babylone, ɓèl ga, a da til sam nʼnzi bi na a géɗ kwa man kin rda a vèvèɗ haha, a da wuzhè maslaka man a nzi a pa, a pa.

Jérémie 46:20

Egypte te va nasa, nara dem zlè mbelaʼa; aman ndo ngedassaʼa a mshkè te civèɗ man a géɗèʼa.

Jérémie 49:19

Na haha ara marizhèlè a shkè auda a dzah woyam Jourdain, a sam nʼnzi nengaʼa te va nhèyè wof. Tsam-tsam a gi a Edom a hi na. A i da fi nengaʼa man i ngotskoɗauda a bi nengaʼa. Ngar iye wa? Nʼnjèy ma a gèɗ, wa? Bi man a salay va a gèɗ, wa?

Jérémie 6:1

Ndohi Benjamin, va-hu auda te Jérusalem, va-tsu tolom te Tekoa, va-zlatseda lamba kinè te Beth-Hakkérem! Aman skwi mwuɗitpa a shkè te man a géɗèʼa, skwi ngédèshè ndo mbiaʼa

Jérémie 8:16

Te Dan a tsenko kuɗ plèshihi na, nhèzlèwè ndohi plèsh nengaʼa a gudzeda herkeda tèlèba. Ta da shkè a ta ndeda kokwar a skwi na tèlèba a ma, kokwar a ndohi te pa.

Ezéchiel 12:20

Kokwar man ndohi ta nza a pa, ta mbeɗ ta, a kokwar a ndi na hèshèkèɗ, a kin suna, i Ndo nzi pèc pècèk.

Ezéchiel 16:40

Ta da ɓica ka mpi ndohi a gèɗ, a ta da kal ka a kwa, a ta da kal ka a tsakwal.

Ezéchiel 21:11

Anai ka, ndo, ngoy va ɗerɗeraʼa a géɗ skwi man a dza ka, a ka sakat ngaya a sam ta.

Ezéchiel 26:7

Gar haha, Bi Zhiklè a gaɗa: Na haha i baha na Nebucadnetsar, bi Babylone, bi a géɗ bihai, te man a géɗèʼa, a kala na va a Tyr a plèsh, a kiki var, a ndohi plèsh, ndohi herkeda rèdèdèʼa.

Ezéchiel 36:5

a géɗ nengaʼa Bi Zhiklè a gaɗa: a vava srak a kedyè, a i gèɗèʼa a géɗ kokwarbihi ngiɗè, a géɗ Edom tèlèba man ta duma kokwar ga, a ta ndedama a mwuffè te ndav, a ta durɗo te ndav ta.

Daniel 5:18

Bi ga, Zhiklè te géɗèʼa a nʼnga Nebucadnetsar, bab ngaya, a mbiaʼa, a mva na nʼnjèlè a wuɗi bai.

Habakuk 1:12

Ndo nzi pèc pècèk, Zhiklè ga nkezlaʼa, ka daga zlè-zlèzlèa ka ɓi ɗè? Nga da metsi azɓai. Ka zlindeka ta ndohi haha a ka ga nga kita a gèɗ, ka zede nga. Tengaʼa ara ndohi sak ngaya, aman ta ngez nga.

Habakuk 1:17

Da geda ta tsakwal a ndohi herkeda, da bazl ta a mèdèp ɗè?

Deutéronome 28:37

Ndohi herkeda tèlèba man Ndo nzi pèc pècèk a de ka a sam ta ta da rzl ta a géɗ ngaya, ta ngwossaha ka, ta paraha ka.