Jérémie 25:5 - Ma Zhiklè

⁵ Ta gaɗa: Ko wawa te ndev kinè da menkada deɓa te civèɗ nengaʼa man ambaɓai, te maya nengaʼa man ambaɓai, a kin da nzi tʼherkeda man Ndo nzi pèc pècèk a va kinè, a va ta babhi kinè a mèdèp.

Jérémie 25:5 ပူးပေါင်းရင်းမြစ်များ

Genèse 17:8

A i va ka, a ndohi verzi ngaya, herkeda a haha, man ka a mbrok te pa, kokwar Canaan tèlèba, a ka ngotso a mèdèp, a i ndi a Bi Zhiklè tengaʼa.

Psaumes 139:24

Woro, aman i zhè a civèɗ ambaɓiaʼa, a ka dyè a civèɗ man a da á nshèffè a mèdèp.

Psaumes 37:27

Ngwoda na deɓa a skwi ambaɓiaʼa, gau skwi man amba, a ka ngècè sam nʼnzi a mèdèp.

Esaie 1:16

Va-pana va, va-tila va kinè! Va-cè na shèwa kinè auda a sam diga! Va-jè-keɗa malai!

Jérémie 17:25

te deɓaʼa bihai a wud bihai man ta nza a géɗ sam nʼnzi bi David ta da bizhè a ntamagi kokwar haha, ta nzi a kikai a ta nzi a deɓ plèsh, tengaʼa a wud bihi tengaʼa, ndohi Juda a ndohi Jérusalem; a ndohi ta da nzi te kokwar haha a mèdèp.

Jérémie 18:11

Gar haha gaɗa ta ndohi Juda a ndohi Jérusalem: Ndo nzi pèc pècèk a goɗ ar haha: Na haha i til matakwan a hai a i hér skwi man ambaɓai a géɗ kinè. Va-menkaɗa deɓa, staɗ staɗ tèlèba a civèɗ nengaʼa man ambaɓai, va-tila civèɗ kinè, va-gu skwi man amba.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 4:1

Ndo nzi pèc pècèk a gaɗa: Israel, aman ka shkè a deɓa – aman ka shkè a deɓa a sam ga, aman ka wusheda mʼmbèh skwi ngaya aussa, ar ka hi a iyè asaɓai.

Jérémie 7:7

kin da nzi a kokwar haha, te kokwar man i va ta babhi kinè halaʼa a mèdèp.

Ezéchiel 18:30

Gar haha i da gi kita kinè, ndohi Israel, staɗ staɗ a géɗ civèɗ nengaʼa, Bi Zhiklè a gaɗa. Va-menkada deɓa, va-jèkeda mali kinè tèlèba, man ɓai a de kinè a kita.

Ezéchiel 33:11

Gada ta: ara man a vava i zhè, Bi Zhiklè a gaɗa: ambahay bai, aman ndo ambaɓiaʼa a metsi na; aman i woya ndo malai a menkada deɓa te civèɗ na, a nzi a nshèffè. Va-menkada deɓa, Va-menkada deɓa te civèɗ kinè man ambaɓai! Kinè ndohi Israel, kin woy a kin metsi kinè èhèmè?

Osée 1:7

Aman ndohi gi Juda ta da siyè te va, a iyè Ndo nzi pèc pècèk, Zhiklè tengaʼa, i da mbel ta. I da mbel ta a lèkèɗ a tsakwal a plèsh a ndohi plèsh ka ɓai.

Actes 26:20

A i ngreda nshèlèkuraʼa te kokwar Damas, te kokwar Jérusalem, te Judée tèlèba, a sam ndohi nte deɓa, aman ta ngwèdè ndav, a ta menkada deɓa a sam Zhiklè, a ta ngrédèʼa auda ara man ta ngwoda ndav ta, a skwi man ta giaʼa zuraʼa.