Jérémie 25:29 - Ma Zhiklè

²⁹ Aman i hinè ngi skwi ambaɓiaʼa te kokwar man ta baha na a nzlembaɗ ga; a kinè, i ga kinè kita azɓi ɗè? Aʼai, kin ngècè kita genè; aman i zlinde tsakwal a sam ndohi herkeda tèlèba, Zhiklè bi mbiaʼa a gaɗa.

Jérémie 25:29 ပူးပေါင်းရင်းမြစ်များ

I Rois 8:43

ka da tsenaʼa te zhiklè te géɗèʼa, a sam nʼnzi ngaya, a ka gi ara man ndo mbrok a ntsu ri a sam ngaya a géɗèʼa. A ndohi a géɗ herkeda tèlèba ta da sun nzlembaɗ ngaya, ta da slébèrdèʼa a zlau ara man ndohi Israel, ndohi ngaya, ta giaʼa. A ta suna, ta baha na nzlembaɗ ngaya te gi haha man i ga ka.

Proverbes 11:21

A vava! Ndo ambaɓiaʼa a ngècè kita na; verzi ndohi nzuraʼa ta mbel ta.

Proverbes 11:31

Aman ta pela na ndo nzuraʼa a géɗ skwi man a ngau a géɗ herkeda, holholaʼa ndo ambaɓiaʼa a ndo malai.

Proverbes 17:5

Ndo man a dèrɗè ndo ntawassaʼa, a dèrɗè ndo ngau; ndo man a ngwèshè a géɗ matakwan ndo, a ngècè kita na.

Esaie 10:12

Aman Bi Zhiklè a da ndeva mizlinè nengaʼa te za Sion, te kokwar Jérusalem tèlèba ma, a pats nasa a da ga na kita a gèɗ a bi Assyrie, a géɗ nfi va a njégèr va nengaʼa tèlèba.

Jérémie 13:13

Te deɓaʼa ka gaɗa ta: Ndo nzi pèc pècèk a goɗ ar haha: I da gi aman zom a keɗ ta ndohi kokwar haha tèlèba, a bihi a géɗ sam nʼnzi bi David, a ndohi mvi skwi a Zhiklè, a ndohi nhadka ma, a ndohi kokwar Jérusalem tèlèba.

Jérémie 19:3

Goɗ: Kinè bihi Juda a ndohi Jérusalem, va-tsena ma Ndo nzi pèc pècèk! Zhiklè bi mbiaʼa, Zhiklè Israel, a goɗ ar haha: i da geda matakwan a sam nta, ko wawa man a tsenaʼa, a woya a mpizlè zlembaɗ na.

Jérémie 30:11

Aman i zhè a nda ka, aman i mbel ka, Ndo nzi pèc pècèk a gaɗa. Aman i da zede ta ndohi herkeda tèlèba, a sam man i ksar kinè a pa. Sèi ka, i da zede ka azɓai; aman i da slebda ka maya te kita, i slaha a i jè-kaha kita ngaya azɓai.

Jérémie 46:28

Ka, Jacob, ɓèl ga, ka gu zlau ɓai, Ndo nzi pèc pècèk a gaɗa; aman i zhè a nda ka, aman i da zede ndohi herkeda tèlèba, man i ksar kinè a pa. I jèkaha kita kinè azɓai; aman i da ngatsa kinè maya a kita genè, i da zede kinè azɓai.

Jérémie 49:12

Aman Ndo nzi pèc pècèk a gaɗa: Tengaʼa man a matsa ta si kokwi kita azɓai, sèi ta sia ndèzl. Ka, ka ngècè kita azɓi dè! Aʼai, i jèkè kita a géɗ ngaya azɓai. Ka, ka da siaʼa a vava!

Ezéchiel 14:17

Man ɓai, aman agassa i zlindè tsakwal a kokwar ngiɗè, a i gaɗa: tsakwal da bazla ndohi te kokwar! – a i zedkoɗi ndohai, a skwi kuɗom auda,

Ezéchiel 14:21

Aman Bi Zhiklè a goɗ ar haha: Ko i zlindè kita ga mwuɗitpa faɗ a haha a kokwar Jérusalem: tsakwal, mai, skwi dak a gidiɓèr,

Ezéchiel 38:21

I da pra ta zlau a va tèlèba, Bi Zhiklè a gaɗa: ngiɗè a kéɗè ngiɗè a tsakwal.

Ezéchiel 9:6

Va-bazl ta tèlèba, ko babgai, ko gola, ko bidali, ko kra, ko ngwoz, va-zede ta! Aman ko wawa man lamba mwindèʼa a medi na, kin lama na bai. Va-hüno a sam ga nkezlaʼa. A ta hüno a sám ndohi nhalaʼa man ta zhè te gi Zhiklè.

Abdias 1:16

Ara man kin sau kokwi ndzoan Zhiklè a géɗ za nkezlaʼa, ndohi herkeda ta da sia pèc pècèk a nèf asaɓai. Ta siaʼa, a bazl ta, a ta ndev ta ara man ta gaka ta ɓai.

Zacharie 13:7

Tsakwal, kala na va a ndo nwèr skwi ga, a ndo man ndo ga, Zhiklè bi mbiaʼa a gaɗa. I tsi ndo nwèr skwai, a tambakihi ta venda gèɗ ta, a i gedas ta, man wuɗi ta azɓai.

Luke 23:31

Aman ta gi skwi haha a sam wof mɓayaʼa, ta da gi a sam wof ngworaʼa mè?

1 Peter 4:17

Tiɗè sama ma, aman kita Zhiklè a hinè a sam ndohi gi nengaʼa. Aman a hüno a sam nga, ndohi Zhiklè, aranta, a da gi a sam ndohi man ta co ma mbelaʼa Zhiklè a ndav ta ɓai, kè?