Jérémie 25:27 - Ma Zhiklè

²⁷ Ka da gaɗa ta: Zhiklè bi mbiaʼa, Zhiklè Israel, a goɗ ar haha: Va-sau, da keɗe kinè ara zom, va-vünèho, va-kalahai, kin slambaɗa ɓai, a sam tsakwal man i zlinda a sam kinè.

Jérémie 25:27 ပူးပေါင်းရင်းမြစ်များ

Esaie 51:21

Gar haha tsena ma haha, ka mbelaw ngwoz, man skwi ngiɗè a dza-kaɓama ka gèɗ, aman zom ka ɓai.

Esaie 63:6

I mbats ta ndohi herkeda a hi a sak a ndzoan ga. I kerd ta a pa a sak a ndav, a pombaz tengaʼa a nhu a herkeda.

Jérémie 12:12

A géɗ za tʼhèshèkèɗ tèlèba, ndohi metsarhi ta zhè. Ndo nzi pèc pècèk a gidè tsakwal te rai, a bèzlè ndohi te verzi herkeda ngiɗè, a kèlè man a verzi herkeda ngiɗè. Ndohi tèlèba ta nzi a gumi azɓai.

Jérémie 13:13

Te deɓaʼa ka gaɗa ta: Ndo nzi pèc pècèk a goɗ ar haha: I da gi aman zom a keɗ ta ndohi kokwar haha tèlèba, a bihi a géɗ sam nʼnzi bi David, a ndohi mvi skwi a Zhiklè, a ndohi nhadka ma, a ndohi kokwar Jérusalem tèlèba.

Jérémie 22:10

Kin kuɗau a géɗ ndo mʼmetsa ɓai, kin loyo nengaʼa ɓai! Aman va-kuɗau a géɗ nengaʼa man kal na, a da shkè a deɓa asaɓai, a da rka kokwar bab na te deɓaʼa asaɓai.

Jérémie 25:16

Ta da siaʼa, a ta da wush ta hai. Gèd ta a zi na, a géɗ tsakwal man i zlinda a sam ta.

Jérémie 46:10

Na haha, pats sa, pats mpil gèɗ a sam Bi Zhiklè, Zhiklè bi mbiaʼa, man a jhèɗè skwi mpil gèɗ a sam ndohi mayamhi na. Tsakwal a keɗa ndo, a si pombaz a pa tèlè. Skwi man ta zla na Bi Zhiklè, Zhiklè bi mbiaʼa, te kokwar te man a géɗèʼa, a ma woyam Euphrate.

Jérémie 46:14

Va-njo te Egypte! Vo-goɗ te Migdol, a ta cinè te Noph, te Tachpanès! Vogoda: Slambaɗa, tila va ngaya, aman tsakwal a keɗa ndo a tsagi ngaya.

Jérémie 50:35

Tsakwal a va ndohi Chaldée! Ndo nzi pèc pècèk a gaɗa. A va ndohi Babylone, a wud bihi na, a ndohi maya nengaʼa!

Jérémie 51:39

Nté-tékè a keɗ ta, i da va ta zom a nda keɗ ta, a ta gi ngolala; te deɓaʼa ta nzhun ta a mèdèp, ta pidèkwe ta asaɓai, Ndo nzi pèc pècèk a gaɗa.

Jérémie 51:57

I gi a zom a keɗ ta wud bihai a ndohi maya nengaʼa, mbibihiaʼa te pa, bihi na a ndohi var na. A ta da nzhun ta a mèdèp, ta da pidèkwè asaɓai. Bai, man nzlembaɗ na Zhiklè bi mbiaʼa, a ngoɗa.

Lamentations de Jérémie 4:21

Wuffa, gu langlangaʼa, kokwar Edom, man ka zhè te kokwar Uts! Ka ba ka da si kokwi kita, a da keɗ ka lèmèlèmè ara zom, a suɗama ka maslaka auda a va.

Amos 8:14

Tengaʼa man ta mbada a sam mʼmbèh skwi te Samarie, a ta mbada a géɗ nshèffè vri Dan, a géɗ nshèffè vri Beer-Shéba, ta da kèlèhai, a ta da slèmbèɗè te deɓaʼa asaɓai.

Nahum 3:11

Ka ba ta tèuda ka a pa a ta dum ka, a ka hèsh sam nʼnghédé va te ri mayamhai.

Habakuk 2:16

Gar haha ka ba sau! Ha a keɗe ka! Kokwi te ri mandi Ndo nzi pèc pècèk a da baɗa ka a gèɗ. Hori a da keɗe ka, agédèshè nʼnjèl ngaya.

Deutéronome 32:42

Tsakwal ga da tuz ndo; Pombaz ndohi mbazlaʼa a ɓèlèlihai da geda a sulom ga, man a bècè gèɗ tsuvomhi mayamhai.

Apocalypse 14:10

sèi a si kokwi ndzoan Zhiklè a géɗagèɗ; a ta da ga na matakwan a vogwa man skwi nvècè vogwa te pa, a sam di golahi Zhiklè nkezlaʼa, a sam di kra tambak.