A pats nasa Bi Zhiklè a da slèmbèɗè zaʼa, a nda sumka ta ndohi nengaʼa a deɓa, njèkèɗi ndohai man ta venda gèɗ ta a kokwar Assyrie, a Egypte, a Pathros, a Ethiopie, a Elam, a Shinear, a Hamath, a herkeda nte ndev iyam mbiaʼa.
Skwi mwuɗitpa man a da gi a ma a nrkay a dai: Ndo metsar a gi metsar, ndo ngédèshè skwai a gédèshè skwai. Ndohi Elam, vo-washkè dai! Ndohi Médie, va-ɗaha va! — I da ndevda na nlèyè na.
Va-tasla sulom, va-hul gambar! Ndo nzi pèc pècèk a mpoko ta gèɗ auda a bihi te Médie, aman a nhur maya, a woya a ngedassa Babylone. Nasa kita Ndo nzi pèc pècèk, skwi mpil gèɗ, man a jhèɗè a géɗ gi na.
Elam a zhè a nhèyè ndohi nengaʼa, te gi dzavi nengaʼa tèlèba. Tèlèba ndohi man ta bazl ta a tsakwal, man to do vèvèɗ, ngwon nʼngel bai, man te va nasa ta pra ta zlau a va ndohi tʼherkeda man ta zhè a nshèffè; antanta ta ngots hori a di a sam ndohi man to do vèvèɗ.
