Jérémie 25:14 - Ma Zhiklè

¹⁴ Aman tengaʼa ba, kokwar bihi mbibihiaʼa, a bihi mbibihiaʼa ta da ga ta ɓèlè. I da ga ta ara skwi man ta gau, ara man ri ta a ngau.

Jérémie 25:14 ပူးပေါင်းရင်းမြစ်များ

Psaumes 137:8

Dem Baby lone, ta da gedas ka; mwuffè a sam ndo man a da pela nga di man a nga!

Esaie 13:4

Tsena dakwa! Nhèzlèwè te za ara nhè-zlèwè ndohi var kumba. Tsena ɗakwa! Ara nrubai kokwar-bihai a ndohi herkeda mɓicaʼa! Zhiklè bi mbiaʼa a par ta ndohi var.

Esaie 14:2

A ta hel ta ndohi kokwar ngiɗè a rai a kokwar bab ta. A ndohi gi Israel ta da ge ta a ɓèl ta, ngur-hi a ngwozi te kokwar Ndo nzi pèc pècèk. Ta da dzaw ta tengaʼa man ta dzawka ta pats ngiɗè, a ta da kwar ta ndohi nʼnga ta matakwan.

Esaie 66:6

Tsenaʼa! Mbèhè ngiɗè, nhè-zlèwè ngiɗè a cinè te kokwar! Mbèhè ngiɗè a cinè te gi Zhiklè! Daʼai Ndo nzi pèc pècèk, man a ga ta ndzoan a mayam-hi nengaʼa.

Jérémie 27:7

Ndohi herkeda ta da gi mizlinè nengaʼa, a kra na, a kra kra na, ha tiɗè sam man ta da gi kita a géɗ herkeda nengaʼa, man ndohi herkeda kumba a bihi mbibihiaʼa ta da gia a ɓèl ta.

Jérémie 32:19

Ka sun maya kumba, ka gi skwi a wuɗai, di ngaya mwinèa a géɗ civèɗ ndohi Tʼherkeda tèlèba. Aman ka va na staɗ staɗ tèlèba ara mizlinè na, ara skwi nengaʼa man a gau.

Jérémie 50:41

Na haha ndohi herkeda ta shkè te man a géɗèʼa, ndohi herkeda mbiaʼa, a bihi kumba, ta da slèmbèdè te verzi herkeɗa.

Jérémie 50:9

Aman i bahka ta ndohi rè-dèdèʼa, ndohi herkeda mbibihiaʼa te man a géɗèʼa, a ta gi var a Babylone. Ta da dèhè va a sam na, a ta dumda ma. Sulom tengaʼa, sulom ndo man a sun var, man a kèlèhi ambali azɓai.

Jérémie 51:6

Va-hu kinè te ndev Babylone, staɗ staɗ tèlèba da mbelda nshèffè na, man ɓai kin da zi kinè te mali Babylone; aman pats kita Ndo nzi pèc pècèk. A da ga na ara skwi man a gau.

Daniel 5:28

U-pharsin: Kokwar-bi ngaya nʼngela. Ndohi Medes a Perses ta ngotso.

Osée 9:7

Pats kita a mshkè ma, pats mpil gèɗ a mshkè ma. Ndohi Israel ta da suna. Ndo nhadka ma a nrzl na a pa. Ndo man Mèzhèɓ Zhiklè te ndav na, a nyakedama na gèɗ. A géɗ mali ngaya man kumba, kita ba a gi mbiaʼa.