Jérémie 25:12 - Ma Zhiklè

¹² Te deɓ mvi 70 sa, i da gi kita a géɗ bi Babylone, a géɗ ndohi kokwar haha ba, a géɗ mali ta, Ndo nzi pèc pècèk a gaɗa. Kokwar ndohi Chaldée, i da ndeda a dikai a mèdèp.

Jérémie 25:12 ပူးပေါင်းရင်းမြစ်များ

II Rois 24:1

Te ndev nasa, Nebucadnetsar, bi Babylone, a mshkè a ngu var, a Jojakim a ngu ɓèl na, mvi makar. Te deɓaʼa a nslambaɗa na va.

II Chroniques 36:22

Aman Cyrus bi Perse, te mvi nshèlè-kuraʼa a rufa ma Ndo nzi pèc pècèk, man Jérémie a goɗa. Ndo nzi pèc pècèk a nslambaɗda na mèzhèɓ te ndav Cyrus, bi Perse, a njè ta ma haha te kokwar-bi nengaʼa tèlèba, a ma ba, a ɗèlèwèr ba:

Psaumes 137:8

Dem Baby lone, ta da gedas ka; mwuffè a sam ndo man a da pela nga di man a nga!

Esaie 13:19

Skwi haha a da gi te Babylone, kokwar-bi man a fena kokwar-bihi ngiɗè tèlèba. Nʼnjèlè man ndohi Chaldée ta fi va a vna, a da gi lèmèlèmè ara Sodome a Gomorrhe, man Zhiklè a ngedas ta.

Esaie 14:23

Gi nengaʼa i geda a gi matakwas, a draɓ, a i patsedaussa a sambak ngédèshè skwai, Zhiklè bi mbiaʼa a gaɗa.

Esaie 15:6

Thai Nimrim ta jèke-da, kuza ngwora, lak nhus na aussa, skwi mɓayaʼa asaɓai.

Esaie 20:1

Te mvi man Tharthan a mshkè a kokwar Asdod, te man Sargon, bi Assyrie a nzlündo, a mshkè a kokwar a ndumaʼa.

Esaie 33:1

Wobau a géɗ ngaya, ndo nge-dassa skwai, aman ka, ka gedassa ɓai! Wobau a géɗ ngaya, ndo metsar, aman ta ga metsar a skwi ngaya ɓai! Aman ka gedassa skwi klèng ma, ta da gedas ka. Aman ka ga metsar klèng ma, ta da gi metsar a sam ngaya.

Esaie 46:1

Bel a nhurv na. Nébo a ngurɓahai. Ta vi skwi mbèh skwi tengaʼa a deɓ kɗèh, a deɓ zlugumai, a nzala ta kumba.

Jérémie 23:2

Gar haha Ndo nzi pèc pècèk, Zhiklè Israel, a goɗ a géɗ ndohi mɓer ndohi Zhiklè, man ta wèr ndohi ga: Kin ksar ta ndohi ga, kin dzam ta, kin war ta bai. Na haha i gi kita a géɗ kinè, a géɗ maya man ambaɓai man kin gau, Ndo nzi pèc pècèk a gaɗa.

Jérémie 25:14

Aman tengaʼa ba, kokwar bihi mbibihiaʼa, a bihi mbibihiaʼa ta da ga ta ɓèlè. I da ga ta ara skwi man ta gau, ara man ri ta a ngau.

Jérémie 27:22

Ta da helda a kokwar Babylone, a ta da nzi te pa, ha pats man i shkè, Ndo nzi pèc pècèk a gaɗa – a i da helka ta a deɓa zaʼa a sam haha.

Jérémie 27:7

Ndohi herkeda ta da gi mizlinè nengaʼa, a kra na, a kra kra na, ha tiɗè sam man ta da gi kita a géɗ herkeda nengaʼa, man ndohi herkeda kumba a bihi mbibihiaʼa ta da gia a ɓèl ta.

Jérémie 29:10

Ndo nzi pèc pècèk a goɗ ar haha: Aman mvi 70 klèng te Babylone, i dè a sam kinè, a i da gi a sam kinè ara ma ga mbelaʼa, a i da helka kinè a deɓa a haha.

Ezéchiel 35:9

I da ndeda ka a hèshèkèɗ a mèdèp, ndo a da nzi a kokwar ngaya azɓai, a kin da suna, i Ndo nzi pèc pècèk.

Daniel 9:2

iyè Daniel, i wor te ɗèlèwèr a géɗ nʼngér mvai man Ndo nzi pèc pècèk a goɗ te ma Jérémie, ndo nhadka ma, te deɓ man Jérusalem a mbeɗ na: mvi 70.

Habakuk 1:17

Da geda ta tsakwal a ndohi herkeda, da bazl ta a mèdèp ɗè?