Jérémie 25:10 - Ma Zhiklè

¹⁰ I cèma ta mwuffè auda te ma, a dimèsh, a ntsima dalahai, a ntsima medemai, nhèzlèwè kwa vova, a skwi nhél sam pitirla a ndev na.

Jérémie 25:10 ပူးပေါင်းရင်းမြစ်များ

Esther 3:13

A ta zlinde ta ndohi sak tsam tsam a ɗèlèwèr a kokwar-bi tèlèba, ma man a gaɗa aman ta zeda ndohi Juif tèlèba, ta bazl ta, ta ndev ta tèlèba; ko gola ko babgai, ko wudahai, ko ngwozai, tèlèba a pats staɗ, te ki 12, mʼmèn 13, ki Adar, a ta da helama ta skwi ta.

Esther 7:4

Aman ta pre nga ma a ɓèlèlihai, ar i gèɗè skwa azɓai, ar i ga na matakwan a bi a géɗ nengaʼa azɓai, aman ta woy a ta zede nga.

Esther 8:11

Ɗèlèwèr a goɗ aman bai a va ta civèɗ a ndohi Juif te kokwar staɗ staɗ tèlèba, aman ta ɓicè va, a ta gi var a géɗ nshèffè ta, a ta bazl ta ndohi var tèlèba, man ta ga ta matakwan, a nda wudahi ba a ngwozi ba, a ta zede ta, a ta helama ta skwi ta.

Esaie 47:2

Co vova tʼhai, a kra vova, sud nshidè! Ca na maslaka auda a di ngaya, takossko maslaka ngaya a géɗèʼa, a dos ngaya da nza a dala, beza a ndev iyam!

Jérémie 16:9

Aman Zhiklè bi mbiaʼa, Zhiklè Israel, a gada: Na haha, a sam kinè tèlèba, i gedassa dimèsh mwuffe, a dimèsh ngolala, a dimèsh mwoy ngwoz.

Jérémie 48:33

Mwuffè a dimèsh azɓai te gi lak, tʼherkeda Moab. Barassa a te klok ɓai, ta ɗècè nyi wof asaɓai, mwuffè a ngi susai susai a te pa ɓai.

Jérémie 7:34

I da zede dimèsh mwuffè a lalau mwuffè a mwuffè ntsima, a mwuffè medemai te kokwar Juda, a civèɗ Jérusalem; kokwar a ndi na hèshèkèɗ.

Lamentations de Jérémie 5:15

Mwuffè klèng te ndav nga, ngècè nga a nʼngwoda na a kuɗa.

Ezéchiel 26:13

I ndivè dimèsh mwuffe ngaya, a ta cinè ganzavar te kokwar ngaya asaɓai.

Osée 2:11

Gar haha i shkè a pats man dau a zhè, a i cè dau ga a deɓa, aman barassa a zhè, a i cè a deɓa, a i cè gogumi ga a maslaka ga, man a i hur a i da fi a va.