Jérémie 24:9 - Ma Zhiklè

⁹ I da ge ta a skwi horai, a matakwan te kokwar-bihi tʼherkeda tèlèba, a skwi ngedassaʼa, a njèkenè, a derngasl, a skwi mphomdaʼa a sam tèlèba man i da dzam ta a pa.

Jérémie 24:9 ပူးပေါင်းရင်းမြစ်များ

I Rois 9:7

i da zedko Israel auda te kokwar man i va ta, a i kwola gi haha man i baha na a nzlembaɗ ga. A ndohi ngiɗè a géɗ herkeda ta livèʼa, a ta ngwossaha ta ndohi Israel.

II Chroniques 7:20

i da zede kinè auda te kokwar ga man i va kinè, a gi haha man i baha na a nzlembaɗ ga, i kwolaʼa, a ndohi herkeda tèlèba ta livèʼa a ta ngala na gèɗ.

Psaumes 69:11

I jèkeda skwi nʼndai a i ga na wuɗi a va ga a vna, a ta derɗyè a géɗ nengaʼa.

Esaie 43:28

Gar haha bihi mizlinè Zhiklè, sèi i rka ta ara ndohi nderda Zhiklè. I jè-keɗa Jacob a ri a ndohi man ta phömdèʼa, a Israel a ri a ndohi man ta dérɗèʼa.

Esaie 65:15

Nzlembaɗ kinè a gi a skwi mphom-daʼa a sam ndohi man i par ta, a ta gada: Bi Zhiklè da gedas ka! Aman ɓèlèlihi ga ta da ngècè nzlembaɗ ngiɗè.

Jérémie 15:4

Aranta i da ga ta matakwan man kokwar-bihi tèlèba a géɗ herkeda ta gi zlau te riaʼa; a géɗ skwi tèlèba man Manassé, kra Ezéchias, bi Juda, a gu te Jérusalem.

Jérémie 19:8

Kokwar haha, i da gi a skwi man ta gi zlauaʼa, a ta ngwèshè a pa. Ko wawa man a da bizhè a pa, a da rzl na, a liv ta, a géɗ matakwan tengaʼa tè-lèba.

Jérémie 25:18

Jérusalem a kokwarhi Juda, a bihi na, a wud bihi na, man ta gedas ta, a ta zi ta, a ta tsa ta derngasl, a ta phomde ndo a vna, ara man a zhè a patsna.

Jérémie 26:6

i da ngwèdè gi haha ara Silo, a i phomda kokwar haha, a gi a skwi mphomde ta ndohi herkeda tèlèba.

Jérémie 29:18

I da hi a verzi ta a tsakwal, a mai, a gidiɓèr, i da ge ta a skwi man kokwar-bihi a gèɗ herkeda tèlèba ta gi zlau a pa, man ta gi wobau a géɗèʼa, a ta tsi derngasl, a ta gi horai a sam ndohi herkeda tèlèba, man i dzam ta a pa,

Jérémie 29:22

A géɗ tengaʼa ta da ngècè ma mphomdaʼa, ndohi ɓèlè Juda man ta zhè te Babylone tèlèba; ta gaɗa: Ndo nzi pèc pècèk da ga ka lèmèlèmè ara man a ga ta nda Sédécias a Achab, man bi Babylone a mpin ta te vogwa.

Jérémie 34:17

Gar haha Ndo nzi pèc pècèk a gaɗa: Kin woy a kin pre ta kramamhi kinè ɓai, ngiɗè a ngiɗè a nslamagi ta; kin tsena ma ga ɓai. Gar haha i pra kinè tsakwal a gidiɓèr a mai a va kinè, Ndo nzi pèc pècèk a gaɗa. I da gi a kin ndara ta kokwar-bihi tʼherkeda tèlèba, a ta rzl ta a pa.

Jérémie 42:18

Zhiklè bi mbiaʼa, Zhiklè Israel, a goɗ ar haha. Lèmèlèmè ara man i gau ndzoan mwuɗitpa a géɗ ndohi Jérusalem, lèmèlèmè i da gi shèwa a géɗ kinè, aman kin dè a kokwar Egypte, a kin da gedas kinè. Kin da lèyè, kin phomda, kinè skwi horai, a kin da rka sam haha asaɓai.

Jérémie 44:12

I hil njèkèdi Juda, tengaʼa man ta pu di a kokwar Egypte, aman ta dè a pa, a ta nzi a pa, a ta da zi ta tèlèba. Ta da zi ta te kokwar Egypte, a tsakwal, a mai, nkèshèa a mbiaʼa, ta da bazl ta a tsakwal, a mai, ta gedas ta, ta lèyè, ta ga a skwi mphomdaʼa, a skwi horai.

Jérémie 44:13

I ga ta kita a tengaʼa man ta nzi te kokwar Egypte, ara man i gu kita a géɗ Jérusalem, a tsakwal, a mai, a gidiɓèr.

Jérémie 44:22

Anai, Ndo nzi pèc pècèk a woya a nrka maya kinè man ambaɓai, a skwi hori man kin giaʼa, asaɓai. A géɗ nengaʼa kokwar nga ngedas na, a lèyè, mphomda, ndo a nzi a pa azɓai, ara man a zhè a patsna.

Ezéchiel 23:46

Aman Bi Zhiklè a ngaɗa: Da ɓica ta mpi ndohai a gèɗ! Da pa ta zlau a gèɗ, da cèma ta skwi ta!

Ezéchiel 25:3

Gada ta ndohi Ammon: Va-tsena ma Bi Zhiklè! Bi Zhiklè a goɗ ar haha: A gèɗ man kin ngwoshè kiɗè kiɗè a gèɗ sam ga nkezlaʼa man ta derɗaʼa, a gèɗ herkeda Israel man a nʼnde na hèshèkèɗ, a gèɗ ndohi Juda, man ta hel ta a ɓèlè –

Ezéchiel 26:2

Ka ndo, Tyr a goɗ a géɗ Jérusalem: Yowa, kokwar gani mbiaʼa ngedas na! Anai i da ɓicè skwi mèshèlè ndohi man ta gedas ta.

Ezéchiel 5:8

i gi kita ngaya, Jérusalem, a sam ngaya, a sam di ndohi nte deɓa tèlèba. I gi a mayam ngaya, Jérusalem!

Deutéronome 28:25

Ndo nzi pèc pècèk a gi a ndohi mayamhi ngaya ta gi ngul ngaya. Kin dè a sam ta, te civèɗ staɗ, kin da hi auda a sam ta a kin venda gèɗ tèlèba, a kokwar-bihi herkeda tèlèba ta gi hori a géɗ ngaya.

Deutéronome 28:37

Ndohi herkeda tèlèba man Ndo nzi pèc pècèk a de ka a sam ta ta da rzl ta a géɗ ngaya, ta ngwossaha ka, ta paraha ka.