Jérémie 24:7 - Ma Zhiklè

⁷ I da va ta ndav, aman ta senyè, i Ndo nzi pèc pècèk. Ta da gi a ndohi ga, a iyè, i ndi a Zhiklè ta, a ta da menkaɗa deɓa a sam ga a ndav tengaʼa tèlèba.

Jérémie 24:7 ပူးပေါင်းရင်းမြစ်များ

II Chroniques 6:38

a ta ngwodko ndav ta tèlèba a sam ngaya, a nhér gèɗ ta tèlèba, te kokwar man mayamhi tengaʼa ta par ta a ɓèlè, a ta ngwoda na ma a kokwar ta man ka va ta babhi ta, a kokwar man ka ngotskoɗauda, a gi man i gu a nzlembaɗ ngaya, a ta tsi rai,

Psaumes 119:2

Mwuffè a sam ndohi man ta fi gèɗ a ma malwuɗi nengaʼa, man ta hèshèʼa a ndav ta tèlèba;

Esaie 51:16

I va ka ma ga a ma ngaya, i ɓer ka tʼhwaɗ ri ga, aman i wuzhè giɗfèk a i gi herkeda, a i gaɗa ta ndohi Sion: Kinè ndohi ga.

Jérémie 11:4

Ma nderzlè-ma man i va ta babhi kinè a pats man i helka ta auda te kokwar Egypte, te gezla, a i gaɗa ta: Va-tsena ma ga, va-gu skwi haha tèlèba man i njè kinè, a kin gi a ndohi ga, a iyè i gi a Zhiklè kinè,

Jérémie 29:10

Ndo nzi pèc pècèk a goɗ ar haha: Aman mvi 70 klèng te Babylone, i dè a sam kinè, a i da gi a sam kinè ara ma ga mbelaʼa, a i da helka kinè a deɓa a haha.

Jérémie 3:10

Ar haha, Juda, demam na, man nlèɓèslɓai, a nʼngwodko ndav na a deɓa a sam ga tèlè ɓai, a goɗ a deɓa genè Ndo nzi pèc pècèk a gaɗa.

Jérémie 30:22

Kin da gi a ndohi ga, a iyè, i gi a Zhiklè kinè.

Jérémie 7:23

Sèi skwi haha man i dzhaɗ ta: Va-tsena ma ga; i da gi a Zhiklè kinè, a kin gi a ndohi ga, a kin dè a civèɗ man i njè kinè tèlèba, a kin nzi amba amba.

Ezéchiel 11:17

Aman i da ɓicka ta a deɓa te ndev ndohi herkeda, te kokwar man i ksar ta a pa, a i ɓic ta a i va ta kokwar Israel.

Ezéchiel 14:11

A ndohi gi Israel ta da zlèkè auda a sam ga azɓai, ta lizhè ndav ta a mali tengaʼa tèlèba te deɓaʼa azɓai, a ta gi a ndohi ga, a iyè i gi a Zhiklè ta, Bi Zhiklè Ndo nzi pèc pècèk a gaɗa.

Ezéchiel 16:62

I woy a i til nderzlè-ma nga a ka, a ka da suna, i Ndo nzi pèc pècèk.

Ezéchiel 37:23

Ta da lizhè va ta a skwi mbèh skwi tengaʼa, a skwi hori tengaʼa a mali tengaʼa asaɓai. A i helka ta auda te skwi man ta kwolyè te pa tèlèba a ta gi mali a vna; a i da pana mali ta, a i ge ta a ndohi ga, a i gi a Zhiklè ta.

Ezéchiel 37:27

Gi ga a nzi zangalaʼa a géɗ tengaʼa, i gi a Zhiklè tengaʼa, a tengaʼa ta gi a ndohi ga.

Ezéchiel 39:22

A ndohi gi Israel ta da suna, i Ndo nzi pèc pècèk, Zhiklè tengaʼa, a hinè a pats sa, ha ndè a ma ma a mèdèp.

Osée 2:22

Nga dérzlè va a ka te nlèɓèslè, aman ka da sun Ndo nzi pèc pècèk.

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Zacharie 8:8

I woya a i de ta a deɓa a ngwai, a ta nzi a Jérusalem, a ta ndi a ndohi ga, a i gi a Zhiklè tengaʼa, nlèɓèslèa a nzuraʼa.

Romans 6:17

Aman nga shid gèɗa Zhiklè, kinè man ɓèlèlihi mali te va nasa, kin fu gèɗ a ndav tèlè a ma man ta njè kinè.

Hébreux 11:16

Aman anai ta woy kokwar man amba holholaʼa te zhiklè te géɗèʼa. Gar haha Zhiklè a gi hori azɓai, man a gi a Zhiklè ta. A ntila ta kokwar mbelaʼa ma.

Hébreux 8:10

Na haha nderzlè-ma man i woy a i giaʼa, a nda ndohi Israel, te deɓ patshi sa, Bi Zhiklè a gaɗa: I woya man i va ta ma kita ga a ndav tengaʼa, a i winda ta a ndav ta. A i woy a i gi a Zhiklè tengaʼa, a tengaʼa ta gi a ndohi ga.

I Samuel 7:3

Samuel a ngaɗa ta ndohi Israel tèlèba: Aman kin menkada deɓa a sam Ndo nzi pèc pècèk a ndav tèlè, va-hulkoɗi zhiklèhi ngiɗè auda a sam kinè, a Astartéhai. Va-tila ndav kinè a sam Ndo nzi pèc pècèk, a kin tsu ri a nengaʼa stadgenè, aman a mbel kinè te ri ndohi Philistie.