Jérémie 23:9 - Ma Zhiklè

⁹ A géɗ ndohi nhadka ma: Ndav ga mʼmbeɗ na, a mpaslay vatasl a va. Iyè ara ndo zom, ara ndo man zom a keɗaʼa, a géɗ Ndo nzi pèc pècèk, a gèɗ zlau ma nengaʼa nkezlaʼa.

Jérémie 23:9 ပူးပေါင်းရင်းမြစ်များ

Psaumes 60:3

Bi Zhiklè, ka kwol nga, ka pasla ma-zlangal nga, ka gu ndav a nga hu nga.

Psaumes 69:20

Ka suna ara man ta derɗyè, hori a di ga, ta ngwossahayè. Ka rka ta ndohi nʼngay matakwan.

Esaie 28:1

Wobau a géɗ mpèɗè gèɗ ndohi zom te Ephraim! Wobau a géɗ nwurzhè mɓutaʼa, man ndohi zom ta jézlè gèɗ a vna.

Esaie 29:9

Va-pu di ndèzlèʼa, va-rzl kinè, va-nde kinè a mandazlai, kin rka di ɓai! Skwi ngiɗè da zedama kinè maya, zom ka ɓai! Vo-do dzaw-dzawaʼa, a géɗ zom man a keɗ kinè ka ɓai!

Esaie 51:21

Gar haha tsena ma haha, ka mbelaw ngwoz, man skwi ngiɗè a dza-kaɓama ka gèɗ, aman zom ka ɓai.

Esaie 6:5

I gada: Wobau, i da gédèsh ga; aman tapidaf ma ga a gèɗè ma nlizhèʼa, a i nza te ndev ndohi man tapiɗaf ma tengaʼa gèɗè ma nlizhèʼa, a i rka Bai, Zhiklè bi mbiaʼa, a di ga!

Jérémie 20:9

Aman i gaɗa: I woy a i hérè asaɓai, i gèɗè a nzlembaɗ nengaʼa asaɓai, a pay vogwa a va, a dza-hayè te vatasl. I gaɗa i dishèʼa, a dishè azɓai, i slaha ɓai.

Jérémie 36:16

Aman ta tsena ma tèlèba, ta pu di a va, a ta gu zlau. Te deɓaʼa ta gaɗa na Baruc: Ma haha tèlèba nga da ngreda na bai.

Jérémie 5:31

Ndohi nhadka ma ta hodko ma ta tsakal ma. Ndohi mvi skwi a Zhiklè ta takaha ta te pa. Ndohi ga, ambaha ta. Aman te deɓ nengaʼa, kin da gi mè?

Jérémie 8:18

Nlèyè ga a ndèlè azɓai, ndav a dzayè!

Jérémie 9:1

I woya a i kuɗai a pats a vaɗ a gèɗ ndohi ga man ta bazl ta, ko gèɗ ga nwalaɗ na, ko kuɗa a hezlamay dai.

Lamentations de Jérémie 3:15

A ngezyè a skwi nduzlekzlekaʼa, a mvay dèrvowa aman i siaʼa.

Ezéchiel 13:3

Va-tsena ma Ndo nzi pèc pècèk! Ta dzodzor nhér gèɗ ta, a skwi Zhiklè man a rka ta a di ka ɓai.

Ezéchiel 9:4

A ngaɗa na: Do a ndev kokwar, a ka beza a ndev kokwar Jérusalem, a ka windeda lamba wof ngézlèlè a medi ndohi man ta ɗish va a ta ngèy va, a géɗ skwi hori tèlèba man ndohi ta gu te kokwar.

Ezéchiel 9:6

Va-bazl ta tèlèba, ko babgai, ko gola, ko bidali, ko kra, ko ngwoz, va-zede ta! Aman ko wawa man lamba mwindèʼa a medi na, kin lama na bai. Va-hüno a sam ga nkezlaʼa. A ta hüno a sám ndohi nhalaʼa man ta zhè te gi Zhiklè.

Daniel 8:27

Iyè Daniel, mʼmèn a zhè, i mbelakaɓai, wuɗi ga azɓai. Te deɓaʼa i slambaɗa zaʼa, a i gu mizlinè bai. I ba i rzl ga a géɗ nshunè, a i sun verzia ɓai.

Habakuk 3:16

I tsenaʼa… a va ga a gi sawaʼa, tapiɗaf ma ga a gudzi te ri zlau, vatasl ga a wurr na, a mpay gudɓi a sak. I zhèr pats man matakwan a kala ta va a ndohi man ta kala nga va.

Romans 7:9

Pats ngiɗè ma kita Zhiklè az a sam ga ɓai. Nshkè ma nkwèr Zhiklè, malai a dzodzorkoɗa te deɓa,