Jérémie 23:8 - Ma Zhiklè

⁸ Aman ta gèɗè: Ndo nzi pèc pècèk a zhè a nshèffè, nengaʼa man a nhelka ta ndohi te verzi Israel auda te kokwar te man a géɗèʼa, te kokwar tèlèba man a dzam ta a pa, a ta da nzi a herkeda ta.

Jérémie 23:8 ပူးပေါင်းရင်းမြစ်များ

Esaie 11:11

A pats nasa Bi Zhiklè a da slèmbèɗè zaʼa, a nda sumka ta ndohi nengaʼa a deɓa, njèkèɗi ndohai man ta venda gèɗ ta a kokwar Assyrie, a Egypte, a Pathros, a Ethiopie, a Elam, a Shinear, a Hamath, a herkeda nte ndev iyam mbiaʼa.

Esaie 14:1

Jacob a da si Ndo nzi pèc pècèk te va, a da ɓicka ta ndohi Israel zaʼa, a va ta kokwar bab ta. Ndohi man verzi ta tsaɗ ta da humdè va a nda tengaʼa, a nda ndohi gi Jacob.

Jérémie 16:14

Gar haha, patsa a di a shkè, Ndo nzi pèc pècèk a gada, ta da gèdè azɓai: ara man Ndo nzi pèc pècèk, man a nhelka ta ndohi Israel auda te kokwar Egypte, a zhè.

Jérémie 16:15

Aman ta gada: ara man Ndo nzi pèc pècèk a zhè, man a nhelka ta ndohi Israel a deɓa te kokwar te man a gédèʼa, tʼherkeda tèlèba man a ndzam ta a pa zlèzlèʼa. I da helka ta a deɓa a kokwar ta, man i va na babhi ta.

Jérémie 23:3

Aman iyè, i da ɓicka ta njèkèdi ndohi ga te verzi herkeda, a sam man i dzam ta a pa, a i da helka ta a deɓa a sam nʼnzi ta. Ta da yi wuda, a ta mènè a vata.

Jérémie 29:14

Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 30:10

Aman ka, ka gu zlau ɓai, Jacob, ɓèl ga, Ndo nzi pèc pècèk a gaɗa. Israel, ka gudzu ɓai, aman i da mbelka ka dra, i da mbel ta ndohi te verzi ngaya te kokwar man ta te ɓèlè. Jacob a di a shkè deɓa, a nzi a gumai, skwa a ga na azɓai, ndo a pra na zlau a va azɓai.

Jérémie 30:3

aman patsaʼa a di a shkè, Ndo nzi pèc pècèk a gaɗa, man i da helka ta ndohi ga, man ta te ɓèlè, Israel a Juda, a deɓa a kokwar man i va ta babhi ta, a gi a skwi ta, Ndo nzi pèc pècèk a gaɗa.

Jérémie 31:8

Na haha iyè i bahka ta te kokwar man a géɗèʼa, i da ɓicka ta te verzi herkeda. Te va tengaʼa ndo mandazlai, ndo vedal, ngwoz man na hwaɗ, ngwoz man a yi kra, tèlèba, nhèyè ndohi mbiaʼa, man a da shkè a deɓa a haha.

Jérémie 32:37

Na haha, iyè i da ɓic ta te herkeda tèlèba, man i dzam ta a pa a ndav, a ndzoan, a shèwa ga mbiaʼa, a i da helka ta a deɓa a haha, a i gi aman ta nzi a gumai.

Jérémie 8:3

Njèkèdi verzi ndohi ambaɓihia haha, ta da woy mʼmetsai a fena nshèffè, a sam tèlèba man i dzam ta a pa, Ndo nzi pèc pècèk a gaɗa.

Ezéchiel 28:25

Gar haha Bi Zhiklè a gaɗa: Aman i da ɓicka ta ndohi Israel a deɓa te ndev ndohi herkeda, man i ksar ta a pa, i da ngrédè va ga auda, a sam ndohi Israel, a sam di ndohi herkeda, i Zhiklè nkezlaʼa. A ta da nzi te herkeda ta, man i va na Jacob, ɓèl ga.

Ezéchiel 34:13

A i de ta auda te va ndohi herkeda, a i ɓicka ta a deɓa te kokwar bihai, a i helka ta a deɓa a kokwar bab ta, a i war ta a gèɗ za Israel, te nkulgodok, a sam nʼnzi tèlèba te kokwar.

Ezéchiel 36:24

I da parka kinè a deɓa tʼherkeda tèlèba. I da ɓic kinè, a i de kinè a deɓa a ngwai a kokwar kinè.

Ezéchiel 36:35

A ndohi ta da gaɗa: Kokwar haha man ngedassa, a nda lèmèlèmè ara gi lak Eden. A kokwar man a nde na dikai, man ta gedassaʼa, a ta mbeɗdahai, ani ndo te pa, nʼngala te pa.

Ezéchiel 37:25

A ta da nzi te kokwar man i va na Jacob, ɓèl ga, man babhi tengaʼa ta nzakaɗa pa. Ta da nzi te pa pèc pècèk, a tengaʼa a wudahi a wud wudahi tengaʼa. A David, ɓèl ga, a gi bi tengaʼa a mèdèp.

Ezéchiel 39:28

Te deɓaʼa ta da suna, i Ndo nzi pèc pècèk, Zhiklè tengaʼa, a géɗ man i hel ta ndohi a ɓèlè, aman antanta i ɓicka ta zaʼa a kokwar ta, i jèka ndo a pa ɓai, ko staɗ.

Joel 3:7

Na haha i da bahka ta a deɓa a sam man kin pre ta a pa, a i ngwoda kinè skwi man kin gu a haha a gèɗ.

Michée 7:15

Ngra nga nrkedi ara man a pats man ka shkè auda te kokwar Egypte.

Sophonie 3:20

A pats nasa i da hel kinè a deɓa a ngwai, a pats nasa i da ɓic kinè a deɓa. I woy a i va kinè nʼnjèlè, a ndohi herkeda tèlèba ta slèbèrdè kinè, aman i da helka kinè a deɓa te ɓèlè, a sam di ta – Ndo nzi pèc pècèk a gaɗa.