Jérémie 23:5 - Ma Zhiklè

⁵ Na haha patsaʼa a di a shkè, Ndo nzi pèc pècèk a gaɗa, i da ngotsko bi nzuraʼa auda te verzi David; a da gi hai, a da gi mizlinè a maya, a da bèzlè kita zuraʼa te kokwar.

Jérémie 23:5 ပူးပေါင်းရင်းမြစ်များ

II Samuel 23:3

Zhiklè Jacob a ngaɗayè; nengaʼa man a ɓer Israel a ngadayè; ndo man a gi bai a géɗ ndohai, zuraʼa, ndo man a gi bai a zlau Zhiklè,

Psaumes 45:4

Helda tsakwal ngaya a rai, ka ngul ndo! A nʼnjèl ngaya, a njèzlè-bi ngaya a ngre-dè auda!

Psaumes 80:15

Bi Zhiklè bi mbiaʼa, til nga zaʼa, di ngaya da hela nga sam dzayaʼa, a nga mbel nga! Paka di a hi te giɗfèk, wor wof barassa haha,

Psaumes 99:4

Bai, wuɗi na zhè, kita ambaha. Ka, man ka vi ma kita. Ma kita a ngi-zuraʼa ka gu te Jacob.

Esaie 33:5

Ndo nzi pèc pècèk mbiaʼa, a nzi te zhiklè te géɗèʼa, a ndha Sion a ngi-zuraʼa, a kita zuraʼa.

Esaie 4:2

A pats nasa, skwi Ndo nzi pèc pècèk a da fcè, angrédè nʼnjèl nengaʼaauda. Skwi man a shkè auda te pa, ndohi manta mbel ta te Israel ta da jégèr va a géɗèʼa, a ta jé-zlè va a vna.

Esaie 42:6

Iyè, Ndo nzi pèc pècèk, i baha ka te nzuraʼa, i gs ka te rai, i til ka, i ga ka a ndo nderzla ma a ndohai, a skwi nhél sam ndohi herkeda.

Esaie 45:24

Nʼngul skwai a wuɗai sèi te Ndo nzi pèc pècèk. Tèlèba man ta gu ndav a géɗ nengaʼa, ta da shkè a sam na, a ta gi horai.

Esaie 52:13

Na haha ɓèl ga a da gi a ndo, a grè a gi a mbiaʼa, a ta slébèrdèʼa.

Esaie 53:10

Aman Ndo nzi pèc pècèk a woya a nkalda a matakwan. Aman a mvau nshèffè na a skwi mpil gèɗ, a da rka ndohi nte verzi nengaʼa man ta gi kumba; a pats nshèffè nengaʼa ta herda a ma ma; a skwi man Zhiklè a woyaʼa, a da rufa te nengaʼa.

Esaie 53:2

Ɓèl Ndo nzi pèc pècèk a gra a sam nga, ara skwi nftsaʼa, ara zluzlor tʼherkeda ngworaʼa. Mbambi az a di nengaʼa ɓai, nga pa di a pa ɓai. Nara ndo ka ɓai, ambaha nga ɓai.

Esaie 9:5

Aman ta ya nga kra, nga ngots kra ngu-raʼa, wuɗi ɓai te va nengaʼa; ta baha na: Ndo nʼngra nga maya, mbikaɓai, Zhiklè; bi-wuɗai, Bab nga a mèdèp, Bi gumai.

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Esaie 9:7

Bi Zhiklè a nzlündo ma nengaʼa a sam ndohi gi Jacob, a ma a nkala ta a gèɗ a ndohi Israel,

Jérémie 22:15

Ka gi bai a géɗ man ka woy gi mbelaʼa ɗè? Bab ngaya a nʼnda skwai, a nsa skwi ɓi ɗè? A wuffè a géɗèʼa. Aman nengaʼa a ngau kita zuraʼa.

Jérémie 22:3

Ndo nzi pèc pècèk a goɗ ar haha: Va-gu kita zuraʼa, va-mbela ndo man ndo ambaɓiaʼa a nʼnga na wuɗai, auda te ri nengaʼa! Ndo mbrok, kra dikai, ngwoz mazai, kin ga ta matakwan ɓai, kin ga ta wuɗi ɓai, kin keɗa ndo man nʼnga mali ɓai a sam haha ɓai!

Jérémie 22:30

Ndo nzi pèc pècèk a goɗ ar haha: Va-windo nzlembaɗ ndo haha, wuɗi na azɓai, a wèl va azɓai, skwi a shkè auda te verzi nengaʼa azɓai, a da nzi a géɗ sam nʼnzi bi David azɓai, a gi bi te Juda asaɓai.

Jérémie 23:6

A pats man a da gi bai, Juda a mbel na, Israel a nzi a gumai. Ta da baha na a nzlembaɗ: Ndo nzi pèc pècèk, ngi-zura nga.

Jérémie 29:11

Aman iyè, i sun skwi man i hérè a géɗ kinè, Ndo nzi pèc pècèk a gaɗa; i hér gumai, matakwan ka ɓai; a i va kinè nshèffè a ma ma, a nzhèr skwi te ndav.

Jérémie 30:3

aman patsaʼa a di a shkè, Ndo nzi pèc pècèk a gaɗa, man i da helka ta ndohi ga, man ta te ɓèlè, Israel a Juda, a deɓa a kokwar man i va ta babhi ta, a gi a skwi ta, Ndo nzi pèc pècèk a gaɗa.

Jérémie 30:9

Ta da gi ɓèl Ndo nzi pèc pècèk, Zhiklè ta, a David, bi ta, man i ngotskoɗauda.

Jérémie 31:27

Ndo nzi pèc pècèk a gaɗa: Patsaʼa a di a shkè, man i da zleki te Israel, te Juda, tser ndo, tser skwi dak.

Ezéchiel 21:27

A civèɗ ri mandai, lamba Jérusalem a pa, a bi Babel a winè ma na, a tsi lalau var, a bèhè a var, a zlècèdè gaɗa nwurzlè zlazlar a ntamagai a ɗizlè kwahai a ta tivè a pa.

Ezéchiel 34:16

I hèsh skwi man a zlak na, i hulkoɗi skwi man a ksar na, a deɓa; skwi mpaslaʼa i manaʼa; skwi man wuɗi na azɓai i tsa na mbazlav; a i wèr skwi ngraʼa a skwi man wuɗi na zhè, a i da war ta amba zuraʼa.

Ezéchiel 34:29

I woy a i tila ta gi lak man ta wèl va te pa, a ta da tiɗè a mi te kokwar asaɓai, a ndohi nte deɓa ta slalia ta derɗa ta asaɓai.

Ezéchiel 45:8

Nasa skwi na te Israel, wud bihai ta helama ta skwi ta a ndohi ga te deɓaʼa asaɓai; aman sèi ta jèka ta herkeda a ndohi Israel, a ndohi te verzi ta.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Osée 3:5

Te deɓaʼa ndohi Israel ta da menkada deɓa a ta woy Ndo nzi pèc pècèk, Zhiklè tengaʼa, a David, bi ta. A ta kèlèhi a deɓ sak Ndo nzi pèc pècèk a ta woy mpshè ma nengaʼa, a pats nʼndikè-maʼa.

Amos 9:11

A pats nasa i da ɗèɗèyè gi David man mʼmbeɗ na a pa, a i ndè zlerɗi mbazlaʼa, a i cèpè sam man i ɗaɗayda a pa, a i rèmeʼa ara zlèzleʼa zaʼa.

Michée 5:3

Te deɓaʼa nengaʼa a sièmbèɗè, a wèr di rèwè na a wuɗi Ndo nzi pèc pècèk, a nʼnjèl nzlembaɗ Ndo nzi pèc pècèk, Zhiklè na. A ta nza, a nengaʼa a gi a mbiaʼa, wuɗi na a ndikè ha verzi herkeda.

Zacharie 3:8

Josué, ndo mvi skwi a Zhiklè mbiaʼa, fu zlembaɗ! Kinè a gwoli man a tsagi ngaya, kinè ndohi malwuɗihai. Na haha, i woya a i cko ɓèl ga, ‘skwi man a fcè’.

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

Matthew 2:2

a ta gaɗa: Bi ndohi Juif man ta yau, na tema? Nga rka banti nengaʼa te civèɗ mvèng pats, a nga shkè, aman nga slébèrdèʼa.

Jean 1:45

A Philippe a nʼngots Nathanael, a ngaɗa na: Nga ngots ndo, nengaʼa man Moise a ndohi nhadka ma ta Windo te ɗèlèwèr Zhiklè: Yèsu, kra Joseph, te Nazareth!

Jean 1:49

Nathanael a mʼmbeɗa na a ma: Rabbi, ka kra Zhiklè, ka Bi Israel!

1 Corinthians 1:30

Kinè a zhè te Yèsu Kristi a géɗ Bi Zhiklè, aman Yèsu a ngi a maya nga, a ge nga a ndohi nzuraʼa, a kezla ndav nga, a Preka nga auda;

Hébreux 8:8

Aman Bi Zhiklè a nʼnga ta ndzoan, a ngaɗa: Na haha patshi ta da shkè, aman i da derzlè ma mɓuaʼa a nda gi Israel, a nda gi Juda.

Apocalypse 19:11

A i rka zhiklè mwinèa: na haha, plèsh nslekaɗaʼa. Nzlembaɗ ndo plèsh: ‘nlèɓèslèʼa a nzuraʼa’, man a gi kita, a gi var te ngi-zuraʼa.