Jérémie 23:3 - Ma Zhiklè

³ Aman iyè, i da ɓicka ta njèkèdi ndohi ga te verzi herkeda, a sam man i dzam ta a pa, a i da helka ta a deɓa a sam nʼnzi ta. Ta da yi wuda, a ta mènè a vata.

Jérémie 23:3 ပူးပေါင်းရင်းမြစ်များ

Psaumes 106:47

Ndo nzi pèc pècèk, Zhiklè nga, mbel nga, ɓicka nga a deɓa te va ndohi nte deɓa, a nga shida na gèɗ a nzlembaɗ ngaya nkezlaʼa, a nga ngècè nʼnjèl nga te nslébèrdè ka.

Jérémie 16:15

Aman ta gada: ara man Ndo nzi pèc pècèk a zhè, man a nhelka ta ndohi Israel a deɓa te kokwar te man a gédèʼa, tʼherkeda tèlèba man a ndzam ta a pa zlèzlèʼa. I da helka ta a deɓa a kokwar ta, man i va na babhi ta.

Jérémie 29:14

Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 30:10

Aman ka, ka gu zlau ɓai, Jacob, ɓèl ga, Ndo nzi pèc pècèk a gaɗa. Israel, ka gudzu ɓai, aman i da mbelka ka dra, i da mbel ta ndohi te verzi ngaya te kokwar man ta te ɓèlè. Jacob a di a shkè deɓa, a nzi a gumai, skwa a ga na azɓai, ndo a pra na zlau a va azɓai.

Jérémie 30:3

aman patsaʼa a di a shkè, Ndo nzi pèc pècèk a gaɗa, man i da helka ta ndohi ga, man ta te ɓèlè, Israel a Juda, a deɓa a kokwar man i va ta babhi ta, a gi a skwi ta, Ndo nzi pèc pècèk a gaɗa.

Jérémie 31:7

Aman Ndo nzi pèc pècèk a goɗ ar haha: Va-hazlawa a mwuffè a géɗ Jacob, va-guzlau a ma ndohi herkeda, vo-boho, va-slu dimèsh nslèbèrdè Zhiklè, va-gaɗa: Ndo nzi pèc pècèk, mbul ndohi ngaya, mbul njèkèdi Israel!

Jérémie 31:8

Na haha iyè i bahka ta te kokwar man a géɗèʼa, i da ɓicka ta te verzi herkeda. Te va tengaʼa ndo mandazlai, ndo vedal, ngwoz man na hwaɗ, ngwoz man a yi kra, tèlèba, nhèyè ndohi mbiaʼa, man a da shkè a deɓa a haha.

Jérémie 32:37

Na haha, iyè i da ɓic ta te herkeda tèlèba, man i dzam ta a pa a ndav, a ndzoan, a shèwa ga mbiaʼa, a i da helka ta a deɓa a haha, a i gi aman ta nzi a gumai.

Jérémie 46:27

Aman ka, ka gu zlau ɓai, Jacob, ɓèl ga, ka gudzu ɓai, Israel. Na haha i mbel ka, ko ka dra; a ndohi te verzi ngaya, te kokwar man kinè te pa te ɓèlè. Jacob a di a shkè deɓa, a nzi a gumai, skwa a da ga na azɓai, ndo a da pra na zlau a va azɓai.

Jérémie 50:19

Te deɓaʼa i da helka ta ndohi Israel a deɓa a sam nʼnzi ta. Ta da ndi mandai te Carmel, te Basan, te za Ephraim, te Galaad, a ta da ngeza hwaɗ.

Jérémie 8:3

Njèkèdi verzi ndohi ambaɓihia haha, ta da woy mʼmetsai a fena nshèffè, a sam tèlèba man i dzam ta a pa, Ndo nzi pèc pècèk a gaɗa.

Ezéchiel 11:17

Aman i da ɓicka ta a deɓa te ndev ndohi herkeda, te kokwar man i ksar ta a pa, a i ɓic ta a i va ta kokwar Israel.

Ezéchiel 36:11

I gi aman ndohi a skwi kuɗom ta mènè a vata. Ta zlèzlè-mè a ma ma, a ta yi wuda. I da ge kinè kumba ara halaʼa, i da ga kinè skwi man amba a fena nshèlèkuraʼa; a kin da suna, i Ndo nzi pèc pècèk.

Ezéchiel 36:24

I da parka kinè a deɓa tʼherkeda tèlèba. I da ɓic kinè, a i de kinè a deɓa a ngwai a kokwar kinè.

Ezéchiel 36:37

Gar haha Bi Zhiklè a gaɗa: Aman ndohi Israel ta tsi ri a iyè, i céʼa, a i gi skwi haha a sam tengaʼa a vaʼa: a ndohi ta gi a vata ara rèwè tambak.

Lèv. 26:9

I nza kinè a deɓa, a i gi aman kin mènè kumba, a nderzlè-ma ga a prè azɓai.

Michée 2:12

Jacob, i da ɓic kinè tèlèba; i da ɓic ta njèkèɗi ndohi Israel; i da ɓic ta a sam staɗ ara tambakihi a kuɗom, ara rèwè tambak te zlazlar; ndohi rèdèdèʼa man ta hèzlèwè kumba.

Michée 7:12

A pats sa ta da shkè a sam ngaya dra, te Assyrie, te kokwar Egypte, a hinè te Egypte, ha ndè a ma woyam mbiaʼa, a ma iyam mbiaʼa ngiɗè a ndè a ma iyam mbiaʼa ngiɗè, te za ngiɗè a ndè a za ngiɗè.