Jérémie 23:24 - Ma Zhiklè

²⁴ Aman ndo ngiɗè a ngheda va, i rka bi dè? I ndha giɗfèk a herkeda ka ɓi dè, Ndo nzi pèc pècèk a gaɗa.

Jérémie 23:24 ပူးပေါင်းရင်းမြစ်များ

Genèse 16:13

A nengaʼa a mva na nzlembaɗ a Ndo nzi pèc pècèk, man ta goɗ a vna: Ka Atta-El-roi. A vava, a haha, i rka nengaʼa man a rkayè, a di ga ɗe?

I Rois 8:27

Aman a vava Zhiklè a da nzi a sam ndohi tʼherkeda dè? Ko sam te giɗfèkihai, kala a géɗèʼa, a slra ka ɓai, azɓa gi man nga rama ka haha dè?

II Chroniques 2:6

Aman nslaha a nrèm gi a nengaʼa wa? Ko sam te giɗfèk, kala a géɗèʼa, a slra na ɓai. I wa, aman a i rèm gi nengaʼa? Sèi man i ndara na ɓurdi genè kla!

II Chroniques 6:18

Aman a vava Zhiklè a da nzi a sam ndohi tʼherkeda dè? Ko sam te giɗfèk, kala a géɗèʼa, a slra ka ɓai, azɓa gi man nga rama ka haha dè?

Job 34:21

Aman nengaʼa a pi ɗi a civèɗ ndo, a rka sam sak nengaʼa tèlèba.

Job 34:22

Vaɗ ba, ruva ba, azbai, aman ndohi malihi ta nghédè va a pa.

Psaumes 10:11

A nhuro: Mpca na a gèɗ a Zhiklè; Zhiklè a nʼngheda va na, a rka ɓai.

Psaumes 139:7

I mbelè a di Mèzhèɓ ngay a ma? I hi ga a sam di ngay a ma?

Psaumes 139:8

I tivè a zhiklè a géɗèʼa, ka te pa. I manahai a sam mʼmetsai, ka te pa.

Psaumes 148:13

Sèi ta shid gèɗ a nzlembaɗ Ndo nzi pèc pècèk, aman nzlembaɗ nengaʼa mbiaʼa staɗ genè. Nʼnjèl nengaʼa a fena herkeda a giɗfèk tèlèba,

Psaumes 90:8

Ka feda mali nga a sam di ngaya, skwi man nga ngheda tʼhwaɗaʼa, ka feda a sam di ngaya nhelaʼa.

Proverbes 15:3

Ndo nzi pèc pècèk a pi di a sam tèlèba, a war ndohi ambaɓihiaʼa a ndohi amba cèw ba.

Esaie 29:15

Wobau a sam ndohai man ta ngheda skwi man ta woy a ta giaʼa a skwi man ta gia te ruva, a sam Zhiklè, a ta gaɗa: Nrka nga wa, nsenaha nga wa?

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 66:1

Ndo nzi pèc pècèk a gada: Gidfèk sam nʼnzi bi ga, a herkeda skwi nfi sak ga. Gi mè, man kin woy a kin gayè? Sama tema, man i nzi a pa?

Jérémie 16:17

Aman i pi di a civèd tengaʼa tèlèba, ta slaha ta ngheda va a sam di ga bai, mali tengaʼa a nghédè a sam di ga azɓai.

Jérémie 32:19

Ka sun maya kumba, ka gi skwi a wuɗai, di ngaya mwinèa a géɗ civèɗ ndohi Tʼherkeda tèlèba. Aman ka va na staɗ staɗ tèlèba ara mizlinè na, ara skwi nengaʼa man a gau.

Jérémie 49:10

Aman iyè, i gi a Esau a nzi adai, i ngreda sam man a ngheda auda, a slaha a nghédè va asaɓai. Wudahi nengaʼa, kramamhi nengaʼa, nslamagihi na, ta zi ta. Nengaʼa klèng, asaɓai.

Ezéchiel 8:12

A ngaɗayè: Ka ndo, ka rka skwi man ndohi Israel mbibihiaʼa ta gia te ruva dè? Staɗ staɗ te gi mʼmbèh skwi na? Ta gaɗa: Ndo nzi pèc pècèk a rka nga ɓai. Ndo nzi pèc pècèk kal na auda te kokwaraʼa.

Ezéchiel 9:9

A mbeɗkay a ma: Mali ndohi Israel a ndohi Juda mbiaʼa holholaʼa. Kokwar nʼndha a Pombaz, malai a nʼndha te kokwar. Ta gaɗa: Ndo nzi pèc pècèk kal na auda te kokwaraʼa, Ndo nzi pèc pècèk a nrka ɓai.

Daniel 2:22

Skwi nʼnghedaʼa tʼhwaɗaʼa, nengaʼa a ngredauda, a sun skwi te ruva, skwi nhél sam a zhè a sam na.

Daniel 4:35

Ndohi a géɗ herkeda tèlèba ara skwi ambalai. A gi ara man a woyaʼa a sam golahi Zhiklè, a sam ndohi tʼherkeda. Ndo a slaha a ngedassa skwi man ri nengaʼa a ngau azɓai, a ngaɗa na: Ka gi a haha mè.

Ephésiens 1:23

Yèsu te mpi ndohi Zhiklè, a ndha tèlè ma ba.

Hébreux 4:13

Ko skwi staɗ nʼngheda a sam nengaʼa ɓai. Aman skwi tèlèba nʼngreda tʼuda a sam di Zhiklè, nengaʼa aman te deɓaʼa sèi nga da menda na skwi tèlèba.