Jérémie 23:20 - Ma Zhiklè

²⁰ Ndo nzi pèc pècèk a gi ndav, ndav nengaʼa a mènèhi azɓai, ha a rufa skwi na, a nʼnga skwi man a nhuro. A pats nʼndikèma skwai kin da cinè zuraʼa.

Jérémie 23:20 ပူးပေါင်းရင်းမြစ်များ

Genèse 49:1

A Jacob a mbaha ta wudahi na, a ngaɗa: Va-ɓicko va, a i ngreda kinè skwi man a da ga kinè, a nʼndikèma nshèffè kinè.

I Rois 8:47

a ta hér mali ta te kokwar man ta gi ɓèlè te pa, a ta ngwoda ndav ta, a ta tsi ri a ka, te kokwar ndohi ndum ta, a ta gada: Nga gu malai, nga gau ambaɓai, nga gau skwi man ambaha Zhiklè ɓai!

II Rois 23:26

Ko gar haha Ndo nzi pèc pècèk a gi ndav kumba genè, a ndav a ndza na a géɗ Juda genè, a géɗ skwi man Manasse a mpoko na gèɗ ndav auda a vna.

II Rois 23:27

Ndo nzi pèc pècèk a gada: Ko Juda ba, i da dzama na auda dra a sam di ga, lèmèlèmè ara man i dzama Israel. A i kwola kokwar haha, Jérusalem, man i ngotskoɗauda, a gi ba, te nengaʼa man i gada: nzlembaɗ ga a da nzi a pa, i da kwolaʼa.

Proverbes 21:30

Skwi ngiɗè azɓai, maya ngiɗè azɓai, nshin skwi ngiɗè azɓai, man a slaha a nzlècè a sam Ndo nzi pèc pècèk.

Esaie 14:24

Zhiklè bi mbiaʼa a mʼmbaɗa: A vava, a gi ara man i huro, a skwi man i basla na gèɗ a vá, a zhè.

Esaie 55:11

lèmèlèmè ma ga a shkè a deɓa a sam ga ambalai azɓai, sèi man a gi skwi man i woyaʼa, a rufko skwi man i zlündo a pa.

Jérémie 30:24

Nara ndzoan mbiaʼa. Ndav Ndo nzi pèc pècèk a mènèhi azɓai, ha a nrufa skwi na, ha a ngau skwi man a nhuro a nda giaʼa. A pats nʼndikèma skwai kin da cinèʼa.

Jérémie 4:28

Herkeɗa a da lèyè, giɗfèk a da madz na te géɗèʼa. Iyè a ngoɗa, i basla na gèɗ a va, i mindè ma ga a deɓa azɓai, i ngwèdè gèɗ ga azɓai.

Jérémie 51:12

Va-zlatseda bata a géɗ zlazlar Babylone, va-pu ndohi a vaʼa, va-pe ta ndohi mɓer kokwar a pa, va-ɗizla kwa, aman skwi man Ndo nzi pèc pècèk a huro, a nhodko ma a géɗ ndohi Babylone, a giaʼa.

Ezéchiel 21:10

A ndohi tèlèba ta da suna, i Ndo nzi pèc pècèk, i phko gwèsh auda te gi na, a i da ciɓa a gi na azɓai.

Ezéchiel 21:5

Aman i gaɗa: Ah, ah, Bi Zhiklè Ndo nzi pèc pècèk! Tengaʼa ta gèɗè a géɗ ga: Ndo sa a gèdè ma njkedè ndo pèc pècèk.

Zacharie 1:6

Aman ma ga, a skwi man i basla na gèɗ a va a i gaɗa ta ndohi mizlinè ga, ndohi nhadka ma, nʼnga ta babhi kinè ɓi ɗè? A ta menkaɗa deɓa a ta gaɗa: Skwi man Zhiklè bi mbiaʼa a nhur a da ga nga, ara civèɗ nga, ara mizlinè nga, nʼnga nga arsa a vava.

Deutéronome 4:30

Aman kinè te matakwan, a fena wuɗi kinè, a skwi man a gi te ndikè-ma skwai a ga kinè tèièba, kin da ngwodko ndav kinè a sam Ndo nzi pèc pècèk, Zhiklè kinè, a kin da tsena daʼai nengaʼa,