Jérémie 23:2 - Ma Zhiklè

² Gar haha Ndo nzi pèc pècèk, Zhiklè Israel, a goɗ a géɗ ndohi mɓer ndohi Zhiklè, man ta wèr ndohi ga: Kin ksar ta ndohi ga, kin dzam ta, kin war ta bai. Na haha i gi kita a géɗ kinè, a géɗ maya man ambaɓai man kin gau, Ndo nzi pèc pècèk a gaɗa.

Jérémie 23:2 ပူးပေါင်းရင်းမြစ်များ

Exode 32:34

Antanta do, de ta ndohi a sam man i gada ka. Na haha, i zlindè gol ga a man ngaya. Aman pats ngiɗè a i da ga ta kita a géɗ mali ta.

Jérémie 10:21

Ndohi mɓer skwai ta rzla, ta dérɗè Ndo nzi pèc pècèk; a géɗ nengaʼa manam ta azɓai, rèwè tengaʼa tèlèba a vendè gèɗ na.

Jérémie 11:22

Gar haha Zhiklè a goɗ ar haha: Na haha sèi ta pilèʼa: golahi ta da bèzl ta a tsakwal, wudahi a dalahi tengaʼa ta da tiɗè a mai.

Jérémie 13:17

Aman kin fi zlembaɗ azɓai, ndav ga a kuɗi tʼhwaɗaʼa. A géɗ nfi va kinè, kuɗa a pay a dai. I kuɗai, a géɗ man ta hel ta ndohi Ndo nzi pèc pècèk a ɓèlè.

Jérémie 13:20

Pu dai a ka rka ndohi man ta shkè te man a géɗèʼa! Rèwè skwi man ka ngotso, rèwè skwi ngaya mbelaʼa, na tema?

Jérémie 13:21

Ka da gèɗè kè, aman ndohi man ka gu mphömè a nda ta, ta gi bi a géɗ ngaya? Ka da ɗish va ara ngwoz man a yi kra azɓi dè?

Jérémie 17:10

Iyè Ndo nzi pèc pècèk, i jkeda ndav ndo, i wuzhèʼa tʼhwaɗaʼa, a i va na a ndo staɗ staɗ ara skwi man a giaʼa, a skwi man a nʼngots te pa.

Jérémie 21:12

Ndohi gi David, Ndo nzi pèc pècèk a goɗ ar haha: Va-gu kita a prèk langa, va-mbela ndo man ndo ambaɓiaʼa a nga na wuɗai, auda te ri nengaʼa; man ɓai ndzoan ga a shkè auda ara vogwa, a da ndeda skwi a ma, ndo mʼmbècè azɓai, a géɗ maya kinè man ambaɓai.

Jérémie 23:34

Ndo nhadka ma, ndo mvi skwi a Zhiklè, ndohi man ta gaɗa: Ndo nzi pèc pècèk a gi ndzoan a géɗ mè? I da ga na kita a gèɗ a ndo sa, a ndohi gi na.

Jérémie 44:22

Anai, Ndo nzi pèc pècèk a woya a nrka maya kinè man ambaɓai, a skwi hori man kin giaʼa, asaɓai. A géɗ nengaʼa kokwar nga ngedas na, a lèyè, mphomda, ndo a nzi a pa azɓai, ara man a zhè a patsna.

Jérémie 5:29

I gi ndzoan a pa azɓi ɗè? I ga ta kita a ndohi ar haha, a ta pil gèɗ, azɓi dè? Ndo nzi pèc pècèk a gaɗa.

Jérémie 5:9

I gi ndzoan a pa azɓi dè? Ndo nzi pèc pècèk a gaɗa. Ndohi herkeda aranta ta pil gèɗ azɓi dè?

Jérémie 8:12

A woy ta gi horai a gèɗ man ta gau skwi man ambaɓai; aman ta sun hori ɓai, hori a keɗ ta azɓai. Gar haha ta kèlèhai a nda ndohi ngiɗè man ta kèlèhai. A pats man i da gi kita ta, ta da kèlèhai, Ndo nzi pèc pècèk a gaɗa.

Ezéchiel 34:5

Tambakihi ga ta ksar ta, a géɗ man ndo mɓer ta azɓai, a skwi dak a nde ta ma.

Osée 2:13

I da gedassa mwuffe nengaʼa tèlèba, a ngolala nengaʼa, a ngolala kia, a pats nshèk va na, a ngolala mbiaʼa tèlèba.

Michée 7:4

Mwoy-ndo man ta woy ndo a vna, nara ncèkncèkè sulom. Ngi-zuraʼa tengaʼa nara zlazlar vatak. Pats man ta da war ka, a ta ga ka kita, kalka ma. Antanta ta gi zlau ma.

Zacharie 10:3

I gi ndav a géɗ ndohi nwèr skwai, a i da ga ta skwi a mazawalhai. Aman Zhiklè bi mbiaʼa a wèr rèwè ndohi na, ndohi gi Juda, a ge ta a ngur plèshi nengaʼa a sam var.

Zacharie 11:16

Na haha i da baha na ndo nwèr skwai te kokwar haha: a hèsh tambak man a ze na azɓai, a helka ta tambakihi man ta zlak ta azɓai, a va ta zungwa a sam skwi man sak mpasla azɓai, a wara na di a skwi man skwa a dza na, azɓai. A ndi zluèɗ ngraʼa, a pelasla ta kotèkwèr tengaʼa aussa.

Matthew 25:36

Iyè adai, kin vay maslaka a va. I mbelakaɓai, kin ndzarahayè. I te dangai, kin ngelay dai.

Matthew 25:43

I ndo mbrok, kin fiyè a gi ɓai. Iyè adai, kin vay maslaka a va ɓai. I mbelakaɓai, i te gi dangai, kin ndzarahayè ɓai.

Jacques 1:27

Njèjèr Zhiklè zuraʼa, lizhèɓiaʼa, a sam di Zhiklè, Bab nga, aranta: Nwèr di mbelawhai, a ngwozi mazihi te nlèyè tengaʼa; mɓir va aman skwi herkeda a lizhèʼa azɓai.