Jérémie 23:19 - Ma Zhiklè

¹⁹ Na haha ndombozlor Ndo nzi pèc pècèk: Ndzoan nengaʼa a nslambaɗa, a vitèma ta gèɗ a ndohi ambaɓihiaʼa.

Jérémie 23:19 ပူးပေါင်းရင်းမြစ်များ

Psaumes 58:9

Ara nzerɗaɗau man a hi te va nzerɓakai, ara skwi man ta mön mʼmènè, nshèffè a te pa ɓai.

Proverbes 1:27

Zlau a tseda kinè gèɗ ara kozlar iyam, a skwi ngedas kinè a kalde kinè a hai ara ndombozlor, a matakwan a zlau mʼmetsai a ga kinè.

Proverbes 10:25

Aman skwi mwuɗitpa a shkè, ndo ambaɓiaʼa klèng ma; aman ndo nzuraʼa a nzi gedeng-gedengaʼa a mèdèp.

Esaie 21:1

Nhèdè ma a géɗ Babylone: Te civèɗ hèshèkèɗ, a dal Négeb, ndombozlor a nslambaɗkaɗa te kokwar te dukwaɗ.

Esaie 40:24

Ta ge ta a patsna; ta zlekau a patsna, ta tsau zluzlor tʼherkeda. Aman a ftè ta, ta gwor ta, ndombozlor a hel ta a ma ara koskosai.

Jérémie 25:31

Wobau kala a verzi herkeɗa ma: Ndo nzi pèc pècèk a gi kita a ndohi herkeda ma, a hin kita a géɗ ndohi tèlèba. Ndohi ambaɓihiaʼa, a pe ta a ma tsakwal, Ndo nzi pèc pècèk a goɗ ar haha.

Jérémie 25:32

Zhiklè bi mbiaʼa a gaɗa: Skwi ambaɓiaʼa a zlèzlèmè a géɗ ndohi herkeda a ma ma, ara ndombozlor man a tèuda herkeda.

Jérémie 30:23

Na haha ndombozlor Ndo nzi pèc pècèk: Skwi mwuɗitpa kalka ma, nara ndombozlor man a vitèma ta gèɗ a ndohi ambaɓihiaʼa.

Jérémie 30:24

Nara ndzoan mbiaʼa. Ndav Ndo nzi pèc pècèk a mènèhi azɓai, ha a nrufa skwi na, ha a ngau skwi man a nhuro a nda giaʼa. A pats nʼndikèma skwai kin da cinèʼa.

Jérémie 4:11

A pats nasa ta da gaɗa ta ndohi Jérusalem: Kozlar mbiaʼa a haka tʼhèshèkèɗ, a géɗ ndohi ga, a mpèvè ka ɓai, a ndè-gèlè ka ɓai;

Jérémie 51:1

Ndo nzi pèc pècèk a goɗ ar haha: Na haha i bahka na kozlar man a gedassa Babylone a ndohi Chaldée.

Ezéchiel 1:4

A i pu dai: I rka ara ndombozlor a shkè a civèɗ te man a géɗèʼa, vani mbiaʼa, a tsagi vani sam nhelaʼa a vogwa man a mbècè azɓai. Te ndev vogwa, skwi ngiɗè a si dai ara koturmai.

Ezéchiel 13:13

Gar haha Bi Zhiklè Ndo nzi pèc pècèk a gaɗa: I da zlindè ndombozlor, a iyam nchè-nchè a ndzoan, a i gédèshè tèlèba a vandzal, a ndzoan ga.

Amos 1:14

I da fa na vogwa a zlazlar Rabba, a da ndeda gi-bihi nengaʼa a ma, a pats nguzli var, a pats lokotor a ndombozlor;

Zacharie 7:14

A i ksar ta te ndev ndohi herkeda man ta sun ɓai, a herkeda a nʼnde na hèshèkèɗ te deɓ tengaʼa, ndo a shèwèlè te pa azɓai. Ta ngwoda herkeda mbelaʼa aranta a hèshèkèɗ.

Zacharie 9:14

Tsam-tsam te deɓaʼa Ndo nzi pèc pècèk a di a gudko ta va a dai, a sulom nengaʼa ara ntsi iyam. Bi Zhiklè a da tsi tolom, a hakaɗi ara kozlar te verzi gai.