Jérémie 23:16 - Ma Zhiklè

¹⁶ Zhiklè bi mbiaʼa a goɗ ar haha: Kin tsun ma ndohi nhadka ma bai, man ta hadka kinè ma: ta ngwode kinè, ta hodko kinè skwi ndav ta, ma Ndo nzi pèc pècèk ka hai.

Jérémie 23:16 ပူးပေါင်းရင်းမြစ်များ

I Rois 22:11

A Sédékias, kra Kenaana, a ngau drom a züdo, a mboho: Ndo nzi pèc pècèk a goɗ ar haha: A drom züdo aranta ka da bazl ta ndohi Syrie, a ta zi ta tèlèba.

II Rois 17:15

Ta kwola ma nkwèrè a ma nderzlè-ma man a nderzla a nda babhi ta, a ma malwudai man a mbid ta a vna. Ta dzodzor zhiklè mʼmbèh skwi ambalai, ta nda a ndohi ambalai, a verzi ndohi nte deɓa man ta zhè a tsagi ta, a géɗ tengaʼa man Ndo nzi pèc pècèk a njè ta ma a gèɗ: Kin da gu lèmèlèmè ara tengaʼa ɓai!

II Chroniques 18:5

Bi Israel a mɓic ta ndohi nhadka ma, a gi 400, a ngaɗa ta: Nga dè a nga gi var a Ramoth te Galaad dè, dè i jèkeda dè? Ta gaɗa: Do, Zhiklè a da pa ta a ri bai.

Proverbes 19:27

Kra ga, tsenaʼa, man ta ngez ka; jè-keda nbizhè zlawa, dzodzor ma maya!

Jérémie 14:14

Aman Ndo nzi pèc pècèk a ngaɗayè: Ndohi nhadka ma ta cèkèl ma a nzlembaɗ ga. Iyè nzlinde ta ka ɓai, i va ta ma ga ɓai, i gaɗa ta ɓai. Ta hodko ma ncèkèlma, ta njè kinè ma ncèkèlma, skwi ambalai man ta ngul te gèɗ ta.

Jérémie 2:5

Ndo nzi pèc pècèk a goɗ ar haha: Babhi kinè ta ngatsa a sam ga mali mè? A ta jèkyè a ta dè a verzi skwi ambalai a ta gedas ta.

Jérémie 23:21

Iyè nzlinde ta ndohi nhadka ma ka ɓai; aman tengaʼa a nhau a ri ta. Iyè ngaɗa ta ka bai; aman tengaʼa ta hodko ma a ri ta.

Jérémie 23:26

Te va ndohi nhadka ma, ndohi nhadka ncèkèlma ta zhè, ta ahngwa? A ta hodko ncèkèlma te ndav ta?

Jérémie 29:23

A géɗ man ta gu skwi horai te Israel, ta gu mphömè a ngwoz nslamagi ta, ta goɗ ncèkèlma a nzlembaɗ ga, man i njè ta a gèɗ ka ɓai. Iyè i suna, i ndo malwuɗai, Ndo nzi pèc pècèk a gaɗa.

Jérémie 29:8

Zhiklè bi mbiaʼa, Zhiklè Israel, a goɗ ar haha: Ndohi nhadka ma man ta zhè te ndev kinè, ndohi mpi kwa kinè, da ngwoda kinè ɓai! Kin fu gèɗ a nshunè man a keɗa kinè ɓai!

Jérémie 9:12

Ndo man maya na zhè wa, man a sun verzi skwi haha, a Ndo nzi pèc pècèk a ngaɗa na te ma na: herkeda ngedas na, nʼndeda hèshèkèɗ a ndo a bizhè a pa azɓai, a géɗ mè?

Jérémie 9:20

Kinè ngwozai, va-tsena ma Ndo nzi pèc pècèk, va-fu zlembaɗ a ma man a shkè auda te ma na, va-slebda ta ntsi lalau a dalahi kinè, ngiɗè da slebda na ntsi nguzlah a ngiɗè.

Lamentations de Jérémie 2:9

Ntamagi kokwar ta preka ta auda, a skwi mɓèr ntamagai mpasl na. Bai a wud bihi tengaʼa ta te ndev ndohi nte deɓa; ma kita azɓai; ko ndohi nhadka ma ta ngècè nshunè te ri Ndo nzi pèc pècèk azɓai.

Ezéchiel 13:16

Ndohi nhadka ma Israel, tengaʼa man ta hodko ma a géɗ Jérusalem, a ta rka gumi nengaʼa te nshunè, aman gumi azɓai, Bi Zhiklè Ndo nzi pèc pècèk a gaɗa.

Ezéchiel 13:23

A géɗ nengaʼa kin da rka skwi ncèkèlma asaɓai, kin da hodko ma asaɓai. I preka ta ndohi ga auda te ri kinè, a kin da suna, i Ndo nzi pèc pècèk.

Ezéchiel 13:3

Va-tsena ma Ndo nzi pèc pècèk! Ta dzodzor nhér gèɗ ta, a skwi Zhiklè man a rka ta a di ka ɓai.

Ezéchiel 13:6

Ta rka skwi ncèkèlma, ta hadka ncèkèlma, ta gaɗa: Ma Ndo nzi pèc pècèk! Njè-kèm Ndo nzi pèc pècèk a nzlinde ta ka ɓai. Te deɓaʼa ta zhèr aman a da rufa ma tengaʼa.

Ezéchiel 22:28

Ndohi nhadka ma ngaya ta zlakede ta ndohai, ta njè ta nshunè ncèkèlma, ta hodko ncèkèlma, ta tila ma ta mbelaʼa. Ta gaɗa: Bi Zhiklè a goɗ ar haha – ko Ndo nzi pèc pècèk a ngaɗa bai.

Michée 2:11

Aman ndo ngiɗè a shkè a ma ambalai flak-flakaʼa, a cèkèlma, a gaɗa: i hodko ma a géɗ zom a barassa! – Nasa ndo nʼnjè ma man ambaha ta ndohi ambaɓihiaʼa haha!

Matthew 7:15

Va-gu maya a sam ndohi nhadka ma ncèkèlma; aman ta shkè a sam kinè, ta lèɓèslèʼa ara tambak, aman te ndav ta, ta ara kda dak man a woya a nʼnde kinè a ma.

Romans 1:21

Ta suna, Bi Zhiklè a zhè, aman ta slébèrdè nengaʼa ara Zhiklè azɓai, ta ga na susi azɓai. Gar haha te skwi man ta hérèʼa ta zlak ta, a ndav tengaʼa, man a sun maya ɓai, nʼndha a ruva.

1 John 4:1

Dalahimam ga, kin co mèzhèɓ tsaɗ tsaɗ tèlèba a ndav ɓai! Sèi kin jkede ta mèzhèɓhai, a kin wora, aman ta shkè te Bi Zhiklè. Aman ndohi nhadka ncèkèl-ma kumba ta zhè tʼherkeda.