Jérémie 23:14 - Ma Zhiklè

¹⁴ I rka skwi horai a sam ndohi nhadka ma te Jérusalem: ta gi mphömè, ta cèkèl ma. Ta ndha ri ndohi malihai, ta woya ndo da menkada deɓa te mali na bai. Ta tèlèba ta ga ara Sodome a sam di ga, lèmèlèmè ara ndohi kokwar Gomorrhe.

Jérémie 23:14 ပူးပေါင်းရင်းမြစ်များ

Genèse 13:13

Aman ndohi Sodome, ndohi malihi mbiaʼa, ndohi mphömè a sam di Ndo nzi pèc pècèk.

Genèse 18:20

Ndo nzi pèc pècèk a gada: Labar ma Sodome a Gomorrhe mbiaʼa, mali tengaʼa mbiaʼa holholaʼa.

Genèse 19:24

A Ndo nzi pèc pècèk a mwusheda vogwa a skwi mvècè vogwa a gèd Sodome a Gomorrhe, ara iyam man a shkè te zhiklè,

Genèse 19:25

a ngedassa kokwar a dal kokwar a ndohi kokwar a skwi man a gèɗ herkeda te pa.

Esaie 9:15

A ndohi ncè ta ma ndohi haha, ta nde ta a ndohi mpe ta a wai, a ta zede ta ndohi man ta cè ta ma.

Jérémie 14:14

Aman Ndo nzi pèc pècèk a ngaɗayè: Ndohi nhadka ma ta cèkèl ma a nzlembaɗ ga. Iyè nzlinde ta ka ɓai, i va ta ma ga ɓai, i gaɗa ta ɓai. Ta hodko ma ncèkèlma, ta njè kinè ma ncèkèlma, skwi ambalai man ta ngul te gèɗ ta.

Jérémie 18:13

Gar haha Ndo nzi pèc pècèk a goɗ ar haha: Vo-dzhoɗo a sam ndohi nte deɓa! Daga halaʼa ta tsena ma arsa dè? Israel, bidalai, a ngau skwi ambaɓiaʼa holholaʼa.

Jérémie 20:16

Pats nasa da gu lèmèlèmè ara kokwarhi man Ndo nzi pèc pècèk a gedas ta, a ta sia te va ɓai. Da tsena wobau a prèk, a lalau var a géɗ pats.

Jérémie 23:17

A ndohi man ta derɗyè, ta gaɗa ta: Ndo nzi pèc pècèk a ngoɗo: gumi a nda kinè! A ndohi tèlèba man ta sassaya ndav ta, ta gaɗa: Skwi mwuɗitpa a da ga kinè azɓai.

Jérémie 23:22

Aman agassa ta nza a sam ncèmma ga, ar ta menda ta ma ga a nɗohi ga, a ta helka ta a deɓa a civèɗ tengaʼa man ambaɓai, te maya tengaʼa man ta gu ambaɓai.

Jérémie 23:32

Ndohi nhadka nshunè ncèkèlma, ta ambahayè hai, Ndo nzi pèc pècèk a gaɗa, man ta njè ta ncèkèlma a nfi va tengaʼa, a ta zlakede ta ndohi ga. Iyè nzlinde ta ka ɓai, iyè ngaɗa ta ka ɓai. Ta takaha ta ndohi haha ɓai, ko kèshkata, Ndo nzi pèc pècèk a gaɗa.

Jérémie 29:21

Zhiklè bi mbiaʼa, Zhiklè Israel, a goɗ a géɗ Achab, kra Kolaja, a géɗ Sédécias, kra Maaséja, man ta hodko kinè ncèkèlma a nzlembaɗ ga: Iyè i da pe ta a ri Nebucadnetsar, bi Babylone, a da bazl ta a sam di kinè.

Jérémie 29:23

A géɗ man ta gu skwi horai te Israel, ta gu mphömè a ngwoz nslamagi ta, ta goɗ ncèkèlma a nzlembaɗ ga, man i njè ta a gèɗ ka ɓai. Iyè i suna, i ndo malwuɗai, Ndo nzi pèc pècèk a gaɗa.

Jérémie 36:2

Co ɗèlèwèr mpaɗaʼa, windeda ma tèlèba a pa, man i gaɗa ka a géɗ Israel, a géɗ Juda, a géɗ ndohi herkeda tèlèba, a hinè te pats man i gaɗa ka nshèlèkuraʼa, ha ndika na ma a mpatsna.

Jérémie 49:18

Lèmèlèmè ara Sodome a Gomorrhe a kokwar man a tsagiaʼa, man ta gedas ta, Ndo nzi pèc pècèk a gaɗa, ko ndo staɗ a te pa ɓai, ko staɗ a nzi a pa azɓai.

Lamentations de Jérémie 4:6

Mali kokwar ndohi ga, mbiaʼa a fena mali Sodome, man ngedas na a nasa nasa, ri ndo a ngedassa ka ɓai.

Ezéchiel 13:16

Ndohi nhadka ma Israel, tengaʼa man ta hodko ma a géɗ Jérusalem, a ta rka gumi nengaʼa te nshunè, aman gumi azɓai, Bi Zhiklè Ndo nzi pèc pècèk a gaɗa.

Ezéchiel 13:19

Kin derɗyè a sam ndohi ga, a géɗ marori guva ri kètè, a géɗ movar a vi a ma staɗ; a kin zeda nshèffè ndo man a woy ar da nza a nshèffè; a kin mbél nshèffè ndohi man a woy ar da bazl ta, a kin ngwode ta ndohi ga a ta fi zlembaɗ a ncèkèlma.

Ezéchiel 22:25

Tsuvomhi kokwar ngaya ta ara marizhèlèhai man ta bebrè a ta cizlè ndo. Ta ndeda ndohi a ma, ta ngezlama ta skwi mèshèlè a skwi mbelaʼa tengaʼa a ma, a ngwozi kokwar kumba ta nde ta a ngwozi mazai.

Osée 6:10

I rka skwi hori holholaʼa te Béthel. Ephraim, ka gu mphömè te pa.

Amos 4:11

I zede kinè lèmèlèmè ara man Zhiklè a gu te Sodome a Gomorrhe, a kin nʼngaʼa a gada shègwa nlussoaʼa, man ta ckoɗauda te va vogwa. Ko ar haha kin menkada deɓa a sam ga ɓai, Ndo nzi pèc pècèk a gada.

Michée 1:5

Skwi haha tèlèba a gi a géɗ mphömè, a géɗ mali Israel. Mphömè Jacob a shkè tema? Te Samarie ka ɓi ɗè? Sam mvi skwi a zhiklè man a Juda a géɗ za tema? Te Jérusalem ka ɓi ɗè?

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Sophonie 3:4

Ndohi nhadka ma nengaʼa, man ta fu va ta a falihai, ndohi ngi rai; ndohi mvi skwi a Zhiklè nengaʼa ta derɗa skwi nkezlaʼa, ta ngwoda ma kita.

Zacharie 13:2

A da gi a pats nasa, a i gedassa nzlembaɗ vrihai te kokwar, a ta hér ta asaɓai. Ndohi nhadka ma, a mèzhèɓ ambaɓiaʼa ba, i dzam ta te kokwar, Zhiklè bi mbiaʼa a gaɗa.

Mal. 1:1

Ma a géɗ Israel, man Ndo nzi pèc pècèk a bezda na a ma Malachie.

Matthew 11:24

Aman i gaɗa kinè: Kokwar Sodome dara nengaʼa a kinè a pats kita.

Deutéronome 32:32

Aman wof tengaʼa, verzi wof man a ftskaɗa te Sodome, verzi tengaʼa te Gomorrhe. Nyi tengaʼa duzlekzlekaʼa a dèrè te pa.

1 Timothy 4:2

a ma mberzlalahaʼa a ndohi njèngè ncèkèlma, mèzhèɓ ndav ta nsassaya.

2 Peter 2:6

Zhiklè a nʼndeda Sodome a Gomorrhe a mèrwèc, a nʼnga na kita a gèɗ man a ngedassaʼa a mèdèp, a nʼngreda ta skwi aranta a ndohi man a ma, man ta da woy civèɗ Zhiklè ɓai.

Jude 1:7

Va-hur Sodome a Gomorrhe a kokwarhi man a tsagiaʼa, man ta gu mphömè lèmèlèmè ara golahi Zhiklè, a ta dzodzor ntétékè tsaɗ tsaɗ tʼhai. Ta fa ta kita a gèɗ te vogwa a mèdèp, a ndohi tèlèba ta slaha a ta hèrèʼa.

Apocalypse 11:8

A ta jèkeda nckondohi tengaʼa a dal kokwar mbiaʼa, man ta baha na a ma Zhiklè: Sodome a Egypte, a sam man ta gezlala Bi tengaʼa ba a pa.

Apocalypse 19:20

A ta gso skwi dak a nda ndo nhadka ncèkèlma man a gu nrkedi a sam di na, man a pe ta ndohi man lamba skwi dak a va, a wai, aman ta tsi ri a skwi man ta roma ara skwi dak. A ta wushede ta cèw ba a vèvèɗ vogwa, man skwi nvècè vogwa te pa, a di tʼuda.

Apocalypse 21:8

Aman ndohi zlau, a ndohi man ta ca a ndav ɓai, a metsarhai, a ndohi nkéɗè ndo, a ndohi mphömè, a ndohi mʼmbèh skwai, a ndohi vrai, a ndohi ncèkèlma tèlèba, skwi man ta ngècèʼa nte vèvèɗ vogwa, man vogwa a skwi nvècè vogwa te pa: nasa mʼmetsi macecèwaʼa.

Apocalypse 22:15

Kdadihai, ndohi mʼmbèh skwai, ndohi mphömè, ndohi nkeɗ ndo, ndohi vrai, ndo staɗ staɗ tèlèba man a cèkèlma te ngèɗè, te skwi man ta giaʼa, ta tʼuda.