Jérémie 23:11 - Ma Zhiklè

¹¹ Ndo nhadka ma, a ndo mvi skwi a Zhiklè cèw ba, ta ndohi nʼngwèdè ndo, maya tengaʼa man ambaɓai i ngotso, ko te gi ga ba, Ndo nzi pèc pècèk a gaɗa.

Jérémie 23:11 ပူးပေါင်းရင်းမြစ်များ

II Chroniques 33:5

A nʼnga ta sam mʼmbèh skwai a bantihai a kia a pats te giɗfèk, te gala gi Zhiklè cèw.

II Chroniques 33:7

Astarté, skwi mʼmbèh skwi man a gau, a mfeda a gi Zhiklè, a géɗ nengaʼa man a gaɗa na David a Salomon, kra nengaʼa: Te gi haha, te Jérusalem, man i ngotskoɗauda te va verzi ndohi Israel tèlèba, i da feda nzlembaɗ ga a pa a mèdèp.

II Chroniques 36:14

Bihi Juda a ndohi mvi skwi a Zhiklè ta gu malai a vaʼa a vaʼa, a ta dzodzor skwi man a ndèrè a ndo man ndohi nte deɓa ta giaʼa. Ta derɗa gi Zhiklè man Ndo nzi pèc pècèk a kezlaʼa te kokwar Jérusalem.

Esdras 10:18

Ta ngots te va ndohi mvi skwi a Zhiklè, man ta hul ngwozi man verzi ta tsaɗ: te va wudahi Josué, kra Jotsadak a kramamhi nengaʼa: Maaséja, Eliézer, Jarib a Guedalia.

Jérémie 11:15

Medemi ga a gi te gi ga mè? A hér skwi man ambaɓai. Mbeza a zluèd man ta va na Zhiklè ta takaha ka te matakwan dè? Ka mbel ngaya a vna dè?

Jérémie 23:15

Gar haha Zhiklè bi mbiaʼa a goɗ a géɗ ndohi nhadka ma: Iyè i da va ta skwi nsi mwuɗitpa, i da va ta iyam man dèrè te pa. Aman ma nʼngwèɗè ndo te kokwar tèlèba a shkè auda te ndohi nhadka ma te Jérusalem.

Jérémie 32:34

Ta ckoɗi skwi tengaʼa man hori te pa a gi ga, man ta baha na a nzlembaɗ ga, a ta lizhèʼa.

Jérémie 5:31

Ndohi nhadka ma ta hodko ma ta tsakal ma. Ndohi mvi skwi a Zhiklè ta takaha ta te pa. Ndohi ga, ambaha ta. Aman te deɓ nengaʼa, kin da gi mè?

Jérémie 50:6

Ndohi ga ara rèwè tambakihai man ta zlak ta. Ndohi mɓer skwi tengaʼa ta zlakede ta te za, to do a géɗ za, rèwè skwi ta mpca ta a gèɗ.

Jérémie 6:13

Ta woy sulai, ko nkèshèʼa, ko mbiaʼa, ko ndo nhadka ma, ko ndo mvi skwi a Zhiklè, ta gi ri tèlèba.

Jérémie 7:30

Ndohi Juda ta gu skwi man ambahayè ɓai, Ndo nzi pèc pècèk a gaɗa. Ta feda skwi mbèh skwi hori ta a gi ga, man ta baha na a nzlembaɗ ga, a ta derɗaʼa a vna.

Jérémie 8:10

Gar haha i da pa ta ngwozi ta a ndohi ngiɗè, gi dau ta a ndohi ndum ta, te man tèlèba ta woy sulai, ko nkèshèʼa ko mbiaʼa, ko ndohi nhadka ma, ko ndo mvi skwi a Zhiklè, ta gi ri tèlèba.

Lamentations de Jérémie 2:20

Ndo nzi pèc pècèk, wora, pu dai! Ka ga na skwi aranta a wa? Mam wudahi da ndau wudahi man ta yu ɗè? Wudahi man ta feda a gsa dè? Da bazl ta ndo mvi skwi a Zhiklè a ndo nhadka ma a sam Bi Zhiklè nkezlaʼa dè?

Ezéchiel 23:39

Aman ta zlaha wudahi ta, a ta va ta a vrihai, a pats nasa to do a gi ga nkezlaʼa a ta derɗaʼa. Na haha skwi man ta gu te gi ga.

Ezéchiel 44:10

Aman ndohi Lévi, man ta jèkyè, te va man Israel a nzlak na, a mdo a verzi skwi mbèh skwi nlizhèʼa, sèi i ga ta kita a gèɗ.

Ezéchiel 7:20

Guro, amba a dai, ta gi skwi nfi va a vna, ta gi skwi mbèh skwi a vna. Gar haha i ngwèɗèʼa, a sam ta, a skwi man a ndara ta.

Ezéchiel 8:11

Ndohi 70 ta zlatsa a sam ta, te va ndohi Israel mbibihiaʼa. Jaazania, kra Shaphan, te va tengaʼa. Staɗ staɗ tèlèba a shiɗèf ɓurdi te rai, a vodzok skwi man ta ndaraʼa a dè a géɗèʼa.

Ezéchiel 8:16

A ndyè a gi nʼngalaʼa tʼhwaɗaʼa te gi Zhiklè. Na haha a ntamagi gi Zhiklè, te ndev gala a sam mvi skwi a Zhiklè, ndohi ta zhè, ta gi 25 ma ba, ta ngwoda na deɓa a gi Zhiklè. Ta gurɓahai a ta tsi ri a pats, ta peda di a civèɗ mvèng pats.

Sophonie 3:3

Wud bihi te kokwar nengaʼa, ta ara marizhèlè man ta kuɗkaɗai, ndohi kit a nengaʼa ara nvalavalhi a vaɗ, man ta jèkè skwi a hi a mangoslèm azɓai.

Sophonie 3:4

Ndohi nhadka ma nengaʼa, man ta fu va ta a falihai, ndohi ngi rai; ndohi mvi skwi a Zhiklè nengaʼa ta derɗa skwi nkezlaʼa, ta ngwoda ma kita.