Jérémie 22:16 - Ma Zhiklè

¹⁶ A nʼnga ta kita a ndohi ntawassaʼa, a ndohi man ta ga mali ɓai, a wuffè a vna. Nasa nshin Zhiklè ka bi dè? Ndo nzi pèc pècèk a gaɗa.

Jérémie 22:16 ပူးပေါင်းရင်းမြစ်များ

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

Psaumes 109:31

Aman nengaʼa a nza na a deɓa a ndo ntawassaʼa, aman a mbelaʼa te ri ndohi man ta ga na kita a gèɗ.

Psaumes 36:10

Aman nlèlè iyam nshèffè a zhè a sam ngaya. Te va skwi nhél sam ngaya nga rka skwi nhél sam.

Psaumes 9:10

Gar haha Ndo nzi pèc pècèk hwaɗ zlazlar ndo man ta ga na matakwan, hwaɗ zlazlar a pats mwuɗitpa.

Proverbes 31:9

Goɗ ngèɗè zuraʼa a ka bozlo kita zuraʼa, nza ta a deɓa a mbelawahai a ndohi ntawassaʼa.

Esaie 1:17

Va-slebau ngi skwi man amba, va-woy skwi nzuraʼa, va-ngra na maya a ndo man a cè skwi ndo a wuɗai, va-takaha kra dikai, va-nza na a deɓa a ngwoz mazai!

Jérémie 5:28

Aranta ta ge ta a ndohi mbibihiaʼa, a ndohi mèshèlè. A ta tawaɗaha ma kita, ta takaha kra diki azɓai, ta nza na a deɓa a ngwoz mazi azɓai.

Jérémie 9:16

I da ksar ta a va ndohi herkeda man ta sen ta ɓai, ko tengaʼa ko babhi ta, a i zlinda ta tsakwal a verzai, ha i ndev ta tèlèba.

Jérémie 9:24

Aman ndo man a woya a nfi va, da fu va a géɗ skwi haha: aman a hér maya, aman a senyè. Aman iyè i vi pombai, i gi kita nzuraʼa a géɗ herkeda. Aman skwi haha ambahayè, Ndo nzi pèc pècèk a gaɗa.

Jérémie 9:3

Nèʼèn ta mwosla a ncèkèlma, skwi nzura ka ɓai a gi bi te kokwar. Ta gu mali a ma ma, a ta senyè ɓai, Ndo nzi pèc pècèk a gaɗa.

Michée 6:8

Ndo, ta ngra ka skwi man amba, a skwi man Ndo nzi pèc pècèk a jhèɗèʼa a sam ngaya: Sèi ka gi skwi zuraʼa; ka woy ndo; a ka manda gèɗ a hi a sam Zhiklè ngaya!

Jean 16:3

Skwi ar haha ta da giaʼa, te man ta sun Bab ga ɓai, a ta senyè ɓai, cèw ba.

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

Jean 17:6

I ngreda ta nzlembaɗ ngaya a ndohi man ka vayè tʼherkeda. Tengaʼa a ngaya, a ka pay a iyè, a ta fu gèɗ a ma ngaya.

Jean 8:19

A ta gaɗa na: Bab ngaya tema? A Yèsu a ngaɗa ta: Kin senyè bai, kin sun Bab ga ɓai. Aman agassa kin senyè, ar kin sun Bab ga ba.

Titus 1:16

Ta gaɗa, nga sun Zhiklè, aman te skwi man ta giaʼa, ta ngwè-dèʼa. Tengaʼa ndohi man ta ndara na Zhiklè, a ta fi gèɗ a ma nengaʼa azɓai, a mizlinè man amba ko staɗ ta slaha a ta gia ɓai.

I Samuel 2:2

Nkezlaʼa gar Ndo nzi pèc pècèk, nʼazbai. Ngiɗè azɓai, sèi ka. Sam gedeng-gedengaʼa ngar Bi Zhiklè nga, azɓai.