Jérémie 21:13 - Ma Zhiklè

¹³ Anai i zhè a sam ngaya ma, kokwar a vara — a geɗ pra man a vara — Ndo nzi pèc pècèk a gaɗa. Kinè man kin gaɗa: Nshkè a nda kala nga a va wa? Nda shkè a gi nga ndakmaʼa ma wa?

Jérémie 21:13 ပူးပေါင်းရင်းမြစ်များ

Psaumes 125:2

Jérusalem a nzi taraʼa a mè-dèp, zahi ta derzlda pa, lèmèlèmè ara Ndo nzi pèc pècèk a derzlde ndohi na a pa, a hinè antanta a ndè a ma ma a mè-dèp.

Exode 13:20

Te deɓaʼa ta jèkeda Succoth, a ta mana a Etham, a ma hèshèkèɗ.

Exode 13:8

A pats nasa kin da ngra ta wudahi kinè, a kin gada ta: Nga giaʼa, a géɗ skwi man Ndo nzi pèc pècèk a gu a sam nga, aman nga jèkede kokwar Egypte.

Esaie 22:1

Nhèdè ma a géɗ slrats za Hinnom. Kin tèlèba, kin tivè a géɗ gai, nʼnga kine mè?

Jérémie 17:3

A géɗ mali ngaya te kokwar ngaya tèlèba, ta da hil skwi mèshèlè ngaya, suli ngaya tèlèba, a metsar.

Jérémie 21:5

Iyè a ri ga i da gi var a kinè, a ri ga ngedaʼa, a ri man wuɗi na zhè, a ndav a ndzoan a shèwa mbiaʼa;

Jérémie 49:16

Zlau man ka pra ta va a ndohi ngrè gèɗ ngaya, a nfi va te ndav ngaya, ta zlakede ka. Ka man ka nza te slrats za, ka man ka nza a géɗ za. Aman ka da geda gi ngaya te géɗèʼa ara mangayak, i da cka ka a hai, Ndo nzi pèc pècèk a gaɗa.

Jérémie 50:31

Na haha i tara ka ri a dai, ka man ka fi va, Bi Zhiklè Ndo nzi pèc pècèk a gaɗa; pats kita ngaya a mshkè ma.

Jérémie 51:25

Na haha, nga a ka ma, za ngédèshè skwai, Ndo nzi pèc pècèk a gaɗa. Ka man ka gedassa herkeda tèlèba! I geda ri ga a géɗ ngaya, i gudumbal ka a hai te za, i da ge ka a za man vogwa a shkè auda te pa,

Jérémie 7:4

Kin fu gèɗ a ma nʼngwèdè ndo haha ɓai, man kin gaɗa: Gi Zhiklè, gi Zhiklè! Na haha gi Zhiklè!

Lamentations de Jérémie 4:12

Bihi a géɗ herkeda, a ndohi herkeda, ta hérèʼa arsa ɓai, ta gada ndo ngi matakwan, ndo mayam, a da duma kokwar Jérusalem azɓai.

Ezéchiel 13:8

Gar haha Bi Zhiklè a gaɗa: A géɗ man kin hadka ma nʼngwèdè ndo, a kin rka skwi ncèkèlma, a vava i gi a mayam kinè.

Ezéchiel 21:3

Ka da gaɗa na sam nhèyè wof, te civèɗ dukwaɗ: Tsena ma Ndo nzi pèc pècèk! Bi Zhiklè a goɗ ar haha: Na haha i vècè vogwa te ndev ngaya, man a ndeda wof mɓayaʼa a wof ngworaʼa tèlèba a ma a sam ngaya. Nèʼèn vogwa a da mbècè azɓai, a nde ta ndohi tèlèba a ma, a hinè te dukwaɗ, ha ndè man a géɗèʼa.

Ezéchiel 34:10

Bi Zhiklè a goɗ ar haha: I gi kita a géɗ ndohi mɓer skwai! I jhèɗè tambakihi ga te ri tengaʼa. I da va ta civèɗ a nwèr skwi ga asaɓai, ndohi mɓer skwai ta da wèr di va ta asaɓai. I da ngezlama ta tambakihi ga auda te ma ta, ta slalia ta nde ta asaɓai.

Ezéchiel 5:8

i gi kita ngaya, Jérusalem, a sam ngaya, a sam di ndohi nte deɓa tèlèba. I gi a mayam ngaya, Jérusalem!

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Nahum 2:13

Marizhèlè a ngso skwai, aman wudahi nengaʼa ta ngézhè, a ngso skwai a géɗ mam marizhèlèhai, a nʼndha gi na a skwi man a gso, a skwi man a cizlèʼa a sam mʼmènè na.