Jérémie 20:9 - Ma Zhiklè

⁹ Aman i gaɗa: I woy a i hérè asaɓai, i gèɗè a nzlembaɗ nengaʼa asaɓai, a pay vogwa a va, a dza-hayè te vatasl. I gaɗa i dishèʼa, a dishè azɓai, i slaha ɓai.

Jérémie 20:9 ပူးပေါင်းရင်းမြစ်များ

Psaumes 39:3

Gar haha i nza ga tètè, i mbeda na a ma bai, i gaɗa bai, te man i woy a i gèɗè ma maharam ɓai. Aman a dzayè a ndav,

Jérémie 23:29

Ma ga nara vogwa, ara züdo man a pèslè kwa ka ɓi dè? Ndo nzi pèc pècèk a gaɗa.

Jérémie 23:9

A géɗ ndohi nhadka ma: Ndav ga mʼmbeɗ na, a mpaslay vatasl a va. Iyè ara ndo zom, ara ndo man zom a keɗaʼa, a géɗ Ndo nzi pèc pècèk, a gèɗ zlau ma nengaʼa nkezlaʼa.

Jérémie 4:19

Woba ndav ga, woba ndav ga! I gudzi te ndav ga! I gudzi te ndav ga! Ndav ga a dzayè, i slaha a i nzi tètèʼa ɓai; i tsena tolom, i tsena nguzli var.

Jérémie 6:11

Ndav ga nʼndha a ndzoan Ndo nzi pèc pècèk; i slaha a i gshè a hi ɓai. Sèi i ga na a va kra ngiɗè a civèɗ, a va golahi tè-lèba man ta ɓica va, ko ngurhi a ngwozai, ko babgihai, ko ndohi nhalaʼa, i ga ta a va.

Ezéchiel 3:14

Mèzhèɓ Zhiklè a ngsyè, a ncyè, a i do a ndav; ri Ndo nzi pèc pècèk a nzakay a gèɗ a wuɗai.

Ezéchiel 3:3

Te deɓaʼa a ngaɗayè: Ka ndo, ndheda hwaɗ, ngezda ɗèlèwèr haha man i va ka a hwaɗ! A i ndau mènè, a jèn te ma ga ara vongwom.

Amos 3:8

Aman marizhèlè a kuɗai, ngi zlau azɓi wa? Bi Zhiklè, Ndo nzi pèc pècèk, a goɗa, nhèdè ma azɓi wa?

Jonas 1:2

Slambaɗa! Do a kokwar Ninive, kokwar mbiaʼa, a ka njè ta mali ta, te man mali tengaʼa a ndikakaɗa a sam ga.

Jonas 1:3

Jonas a nslambaɗa, a mhu na auda a sam di Ndo nzi pèc pècèk dra, a woya a ndè a kokwar Tarsis. A ndo a kokwar Japho, a nʼngots wurom te pa, aman a ndè Tarsis. A mpau Suli a ndo wurom, aman a ndè Tarsis a nda ndohi nhèdè wurom, dra a sam di Ndo nzi pèc pècèk.

Luke 9:62

A Yèsu a ngaɗa na: Ndo man devar te rai a mpizhè a vna, a pi di a deɓa, a slaha a ngi mizlinè kokwar Bi Zhiklè azɓai.

Actes 17:16

Aman Paul a zhèr ta te kokwar Athène, ndav nengaʼa a hubètè, aman a rka kokwar Athène tèlèba, nʼndha a vrai a skwi mbèh skwai.

Actes 18:5

Aman Silas a Timothée ta shkè te kokwar Macédoine, Paul a nfu gèɗ a njè ma Zhiklè genè, a ngreda ta ndohi Juif: Yèsu, nengaʼa Kristi.

Actes 4:20

Nga slaha a nga jèkè ngèɗè azɓai a géɗ skwi man nga rkaʼa, a nga tsenaʼa.