Jérémie 20:2 - Ma Zhiklè

² A ntsau, a mpa na shéla a sak, a ntamagi Benjamin man a géɗèʼa, a sam gi Zhiklè.

Jérémie 20:2 ပူးပေါင်းရင်းမြစ်များ

I Rois 13:4

Aman bi a ntsena ma ndo Zhiklè man a boho, a nderɗa sam mʼmbèh skwi te Béthel a vna, a ntor ri a géɗ sam mʼmbèh skwai, a ngaɗa: Vo-gso! A ri nengaʼa man a toro, a ngwor na, a slaha a mendkoɗa deɓa asaɓai.

I Rois 22:27

va-gaɗa na: Bai a goɗ ar haha: Va-feda ndo haha a dangai! Va-tsaka na skwi nʼndi kèshkata a iyam kèshkata, ha i ndikakaɗa deɓa amba amba.

II Chroniques 16:10

Asa a ngu ndav a géɗ ndo nsun skwai, a mfeda a dangai, a mpa na shèla a sak, a ngu ndav a géɗ nengaʼa. Te ndev nasa Asa a nʼnga ta matakwan a ndohi ngiɗè tsaɗ tsaɗ.

II Chroniques 18:23

Te deɓaʼa Sédécias, kra Kenaana, a mshkè, a ntsau bazlazlam Michée, a ngaɗa: Mèzhèɓ Ndo nzi pèc pècèk a mshkè auda te ndav ga, a ngaɗa ka ar haha dè?

II Chroniques 24:21

A ta vhè na ma a géɗ a Zacharie, a bai a ngoɗa aman ta kèlè a kwa te gi Zhiklè, te civèɗ gi nʼngala ngiɗè.

Job 13:27

A ka pay shèla a sak, ka pay va a civèɗ ga tèlèba, ka zeɓi sam sak ga,

Job 33:11

A pay shèla a sak, a zeɓyè a civèɗ ga tèlèba.

Jérémie 1:19

Ta da gi var a ka, aman ta da fen ka azɓai, a géɗ man i zhè a nda ka, Ndo nzi pèc pècèk a gaɗa, aman i da mbélde ka.

Jérémie 26:10

Wud bihi Juda ta tsena ma haha, ta shkèhi te gi hai, a gi Zhiklè, a ta tsomma a ma gi mɓuaʼa, te gi Zhiklè.

Jérémie 26:8

Aman Jérémie a ngoɗ ma man Ndo nzi pèc pècèk a mva na, aman a ngaɗa ta ndohi tèlèba, klèng ma, ndohi mvi skwi a Zhiklè, ndohi nhadka ma, a ndohi tèlèba, ta gso, a ta gaɗa: Séi ka metsi ngaya!

Jérémie 29:26

Ndo nzi pèc pècèk a nge ka a ndo nhadka ma te di man a Jehojada, ndo nhadka ma, aman a ka gi a ndo nwèr ndohi nrzlaʼa te gi Zhiklè, man ta hodko ma, a ka da pe ta a dangai, a ka pa ta cèlèlèu a sak.

Jérémie 36:26

Te deɓaʼa bai a ngaɗa ta nda Jerachmeel, kra bai, a Seraja, kra Azriel, a Shélémia, kra Abdeel, aman ta gshè Baruc, ndo mwindè ɗèlèwèr, a Jérémie, ndo nhadka ma. Aman Ndo nzi pèc pècèk a nʼnghede ta.

Jérémie 37:13

Aman a zhè a ntamagi Benjamin, bi sojè a zhè, nzlembaɗ na Jireija, kra Shélémia, kra Hanania, man a kala na va a Jérémie, ndo nhadka ma, a ngaɗa: Ka dè a va ndohi Chaldée!

Jérémie 37:21

A bi Sédécias a goɗ aman ta feda Jérémie a gi sojè. A nciɗ sam a nciɗ sam ta tsaka na movar te gi ndo nti movar, ha movar te kokwar tèlèba klèng. Jérémie a nʼnza te gi sojè.

Zacharie 14:10

Kokwar tèlèba a ndi a dalbara, a hinè te Guéba, ha ndè Rimmon, te tsagi Jérusalem. Kokwar a nzi falawaʼa a samaʼa, a hinè a ntamagi Benjamin, a tsoko gèɗ auda a ntamagi zlèzlèʼa, a ntamagi man ta derzla gèɗ a pa, a sam gi ngurèʼa Hananeel a ndè a klok bai.

Matthew 21:35

A ndohi mizlinè ta pat ta ɓèlèlihi nengaʼa. Ta tsau ngiɗè, ngiɗè ta keɗaʼa, ngiɗè ta kola a kwa.

Actes 4:3

A ta gs ta; aman pats nkala, ta pe ta a gi dangai, ha angoslèm.

Actes 5:18

A ta par ta ndohi sak, a ta pe ta a gi dangai.

Actes 5:40

A ta co ma nengaʼa. A ta baha ta ndohi sak, ta ndah ta, a ta fa ta ma a gèɗ, aman da goɗ ma a nzlembaɗ Yèsu asaɓai, a ta pre ta.

Actes 7:52

Ndo nhadka ma tema, man babhi kinè ta dzara ɓai? A ta bazl ta ndohi man daga zlèzlèa ta ngreda nshkè ndo nzuraʼa. Aman kinè, ndohi man kin ga na ri a gèɗ, a kin keɗaʼa.

Apocalypse 17:6

A i rka ngwoz Pombaz ndohi nkezlaʼa a Pombaz ndohi malwuɗi Yèsu a nkeɗaʼa ara zom. A i rzl ga kumba, aman i rka ngwoz sa.

Apocalypse 2:10

Ka gu zlau matakwan man ka da sia ɓai! Na haha bi madzagai a da pe ta matrehiaʼa te ndev kinè a dangai, aman a jkédè kinè, a kin si matakwan mʼmèn kula. Nza a nlèɓèslè, ha ka metsi ngaya, a i da va ka mpèɗè gèɗ nshèffè.